EKSODOS 23:18 - KA BAIBL

¹⁸ “Men ym kñia ïa ka snam ka jingkñia jong nga lem bad u kpu ba dei thiat; lymne wat ai ban sah ka khleiñ ka jingkñia jong nga haduh mynstep.

Khasi CL Bible (BSI)

¹⁸ “Wat ainguh ha nga da u kpu ba la khleh thiat haba phi kñia ïa ka mrad ha nga. Ym bit ban ieh haduh mynstep ïa ka khleiñ jong ki mrad ba la kñia ha nga ha kine ki Jingkhawai Niam.

EKSODOS 23:18 ပူးပေါင်းရင်းမြစ်များ

EKSODOS 12:10

Phin ym pynsah ei ei ruh na u haduh mynstep; te ïa kata kaba dang sah haduh mynstep, to thang noh ha ding.

EKSODOS 12:15

Hynriew sngi phin bam ïa u kpu khlem thiat; ha ka sngi nyngkong to bred noh ïa u thiat na ki ïing jong phi: naba uno uno ruh uba bam ïa u kpu ba dei thiat naduh kata ka sngi banyngkong haduh ka sngi ka bahynñiew, ïa kata ka mynsiem yn ot noh na ki Israel.

EKSODOS 12:8

Kin ïabam ruh ïa ka doh ha kata ka miet, ïa kaba la syang ha ka ding, bad ïa ki kpu khlem thiat; lem bad ki jhur bakthang kin ïabam ïa ka.

EKSODOS 16:19

U Moses u la ong te, “To mano mano ruh wat pynsah satia na ka haduh lashai.”

EKSODOS 29:34

Te lada don kaei kaei ruh na ka doh jong kita ki jingpynkyntang, lane na uta u kpu, kiba sah haduh mynstep, men thang ïa kata kaba sah ha ka ding: yn ym bam ïa ka, naba ka long ka bakyntang khuid.

EKSODOS 34:25

“Wat ainguh ïa ka snam ka jingkñia jong nga lem bad u thiat: lymne wat ai ban pynsah haduh mynstep ïa ka jingkñia Ka Jingkhawai Niam Ka Jinglait.

LEBITIKOS 2:11

“Ïa ka jingainguh bam baroh ba phin wallam ha U Trai, yn ym thaw ïa ka da u thiat: naba phin ym thang ïa u thiat, lymne ïa ka ngap, ha kano kano ruh ka jingainguh ïa U Trai kaba da ka ding.

LEBITIKOS 7:12

Lada un kñia ainguh ïa kine na ka bynta ka jingainguh, un ainguh lem bad ka jingkñia ainguh da ki kpu bakhlem thiat ba la khleh da ka umphniang, bad ki 'pu stang bakhlem thiat, ba la suit umphniang ïa ki, bad ki kpu na u 'purew bani, ba la sdieh ynda la pynkhleh umphniang ïa ki.

LEBITIKOS 7:15

Te ïa ka doh jong ka jingkñia bapynïasuk ba ainguh jong u, yn bam ha kata ka sngi hi ba la kñia ïa ka; wat ai kan sah ei ei na ka haduh mynstep.

DEUTERONOMI 16:4

Wat ai ba yn ïohi bad me, ïa u kpu ba don thiat ha ki phang jong me baroh hynñiew sngi; lymne wat pynsah ei ei ruh na ka doh baroh shi miet haduh mynstep, ïa kaba phi la kñia ha ka por janmiet, ha ka sngi nyngkong.