EKSODOS 23:12 - KA BAIBL

¹² “Hynriew sngi men leh ïa ka kam jong me, bad ha ka sngi ka bahynñiew men shong sngi: ba u masi jong me, bad ka kadda jong me kin ïoh shongthait, bad ba u khun ka mraw jong me, bad u nongwei, kin shong pyngngad ruh.

Khasi CL Bible (BSI)

¹² “Trei hynriew sngi shi taïew, hynrei wat trei ha ka sngi kaba hynñiew, khnang ba ki mraw jong phi bad ki nongwei kiba trei bad phi, bad wat ki jingri jong phi hi, kin ïoh shongthait.

EKSODOS 23:12 ပူးပေါင်းရင်းမြစ်များ

NEHEMAÏAH 13:16

Ki briew na Tyros ruh ki la shong ha ka, kiba la wallam dohkha, bad kynja jingdie baroh, bad ki la die ha ka sngi Sabbaton ha ki khun Judah, bad Jerusalem.

EKSODOS 16:23

U ruh u la ong ha ki, “Kane ka long kata ïa kaba U Trai u la ong, ‘Lashai ka long ka jingshongthait jong ka Sabbaton bakhuid ha U Trai: to syang ïa kaba phin sa syang mynta, to shet ruh ïa kaba phin sa shet; bad kata kaba sah tam to buh noh ïa phi haduh lashai.’ ”

EKSODOS 23:11

hynrei, ha ka snem ka bahynñiew men iehnoh ïa ka, ba kan long shrah ba ki baduk ki jong me kin ïoh bam: bad kata ïa kaba ki ïa-iehnoh kin bam ki mrad khlaw. Kumjuh ruh men leh bad la ka brisoh, bad la ki dieng Olib de.

EKSODOS 34:21

“Hynriew sngi men trei jingtrei, hynrei, ha ka sngi ka bahynñiew men shongthait: ha ka aïom bet bad ha ka aïom ot men shong sngi.

EKSODOS 35:2

Hynriew sngi ka dei ban trei jingtrei, hynrei, ha ka sngi ka bahynñiew kan long ïa phi ka sngi bakhuid, ka Sabbaton keiñ ka jingshongthait ïa U Trai: jar uba trei jingtrei ha ka, yn pynïap noh ïa u.

EKSODOS 35:3

Phi wat sliew ding ha ki ïing jong phi baroh ha kata ka sngi Sabbaton.”

ISAÏAH 58:3

‘Ngi la shah jingit balei,’ ki ong, ‘me ruh mem ïohi? Ngi la pynshitom ïa la ka mynsiem, me ruh mem tip?’ Ha khmih, ha ka sngi ka jingshah jingit jong phi, phi ïoh la ka jingsngewbha, bad phi shim jubor ïa ki jingtrei jong phi baroh.

LEBITIKOS 23:3

Hynriew sngi yn ïoh ban trei jingtrei: hynrei, ha ka bahynñiew sngi yn long ka Sabbaton ka jingshongthait, ka jingïaseng bakhuid; phin ym trei jingtrei satia; ka long ka Sabbaton ïa U Trai ha ki ïing jong phi baroh.

MARKOS 2:27

Te u la ong ruh ha ki, “La thaw ïa ka Sabbaton na ka bynta u briew, ym ïa u briew na ka bynta ka Sabbaton:

LOUKAS 13:14

Hynrei, u nongsynshar ka synagog ba u da sngewbitar eh, namar ba U Jisu u la lah pynkhiah ha ka Sabbaton, u la ïathuh bad u la ong ha u paidbah, “Don hynriew sngi ha kiba ki briew ki dei ban trei jingtrei; ha kita namar kata, to wan ba yn pynkhiah ïa phi, te ym ha ka sngi Sabbaton.”