EKSODOS 23:11 - KA BAIBL

¹¹ hynrei, ha ka snem ka bahynñiew men iehnoh ïa ka, ba kan long shrah ba ki baduk ki jong me kin ïoh bam: bad kata ïa kaba ki ïa-iehnoh kin bam ki mrad khlaw. Kumjuh ruh men leh bad la ka brisoh, bad la ki dieng Olib de.

Khasi CL Bible (BSI)

¹¹ Hynrei ha ka snem kaba hynñiew ai jingjahthait ïa ka, bad wat ot ïa kaei kaei kaba mih ha ka. Kiba duk ki lah ban bam ïa kaei kaba mih hangta, bad ba ki mradkhlaw ruh kin ïoh bam ïa kaba la iehnoh. Leh kumjuh ïa ki bri sohwaiñ, bad ïa ki brisoh Olib jong phi.

EKSODOS 23:11 ပူးပေါင်းရင်းမြစ်များ

NEHEMAÏAH 10:31

bad lada ki kynja bynriew jong kane ka ri kin wallam ïa ki jingbuh jingsat lane ki kynja jingbam ha ka sngi Sabbaton ban die, ba ngin ym thied na ki ha ka Sabbaton, lymne ha ka sngi bakyntang: bad ba ngin iehnoh noh ïa ka snem ka bahynñiew, bad ïa kaba pan la ka ram baroh.

NEHEMAÏAH 10:32

Bad ngi la buh rukom ruh ha lade, ba ngin siew na lade man la ka snem ïa ka balai bynta bynta shekel ïa ka kam ka ïing U Blei jong ngi;

EKSODOS 23:10

“Hynriew snem ruh men bet ïa ka khyndew jong me, bad men lum ïa ki soh jong ka;

EKSODOS 23:12

“Hynriew sngi men leh ïa ka kam jong me, bad ha ka sngi ka bahynñiew men shong sngi: ba u masi jong me, bad ka kadda jong me kin ïoh shongthait, bad ba u khun ka mraw jong me, bad u nongwei, kin shong pyngngad ruh.

LEBITIKOS 25:20

Te lada jia ba phin kylli, “Kaei ngin bam ha ka snem ka bahynñiew? Ha khmih, ngin ym ïoh bet, bad ngin ym ïoh ïalum ïa ka jingot jong ngi!”

LEBITIKOS 25:22

Te ha ka snem ka baphra phin bet, hynrei, phin bam na ka jingmih barim haduh ka snem ka bakhyndai; haduh ban da mih ki soh jong ka, phin bam na ka barim.

JINGKHEIÑ 16:14

Pynban, mem shym la pynpoi ïa ngi satia ha kata ka ri kaba tuid da ka dud, bad ka ngap, bad mem shym la ai bynta ruh ha ngi, lymne da ki lyngkha, lymne da ki brisoh Waiñ: te men khlaw noh ïa ki khmat jong kine ki briew? Ngin ym wan kiew keiñ.”

DEUTERONOMI 15:11

Namar ki baduk kin ym duh noh na kata ka ri: namar kata, nga hukum ïa me, da kaba ong, ‘Shisha men plie kylluid ïa la ka kti ha u para jong me, ha ki baduk jong me, bad ha ki bakyrduh jong me, ha ka ri jong me.’