EKSODOS 23:1 - KA BAIBL

¹ “Wat pynmih ïa ka jingbna balamler: wat ïasoh lem bad ki bymman ban long u nongsakhi bymhok.

Khasi CL Bible (BSI)

¹ “Wat ju pynphriang ïa ki khubor lamler, bad wat ïarap ïa u nongleh bymman da kaba sakhi lamler.

EKSODOS 23:1 ပူးပေါင်းရင်းမြစ်များ

JENESIS 39:17

Bad ka la kren ha u kum da kine ki ktien, ka da ong, “Uta u shakri uba kynja Hebru ïa uba me la wallam sha ngi, u la wan bsut sha nga ïa ka ban pynkheiñ burom ïa nga:

2 SAMUEL 16:3

Te u syiem u la kylli, “Hynrei hangno uta u khun u kynrad jong me?” Bad u Siba u la ïathuh ha u syiem, “Ha khmih, u sah ha Jerusalem keiñ: naba u la ong, ‘Ha kane ka sngi ka ïing Israel kan aiti pat ha nga ïa ka hima u kpa jong nga.’ ”

2 SAMUEL 19:27

Bad u la kren siar sniew ïa la u shakri ha u syiem kynrad jong nga; hynrei, u syiem kynrad jong nga u long kum u angel U Blei: namar kata, to leh ïa kaba ibit ha khmat jong me.

SALM 101:5

Jar uba kren siar ïa la u paramarjan harieh harieh, ïa uta ngan pynduh noh: uta uba imeng bad uba sarong la ka dohnud, ngan ym shah.

SALM 120:3

Yn ai aïu ïa me, lane yn leh aïu shuh ïa me, me u thylliej uba shukor?

SALM 15:3

U bym kren siar da la u thylliej, lymne um leh sniew ïa la u lok, lymne um pdiang ïa ka jingkynnohbeiñ ïa la u paramarjan.

SALM 27:12

Wat aiti noh ïa nga ha ka mon kiba ïaleh ïa nga: naba ki sakhi lamler ki la ïeng ïaleh ïa nga, bad kiba pyrsad ïa ka jingrunar.

SALM 35:11

Ki sakhi bymhok ki ïeng; ki kylli ïa nga shaphang kiei kiei kiba ngam tip.

EKSODOS 20:16

“Men ym sakhi lamler ïa u paramarjan jong me.

EKSODOS 23:7

To men kiar jngai na ka kam ka bashukor; lymne wat pynïap ïa uba lui lui bad u bahok: naba nga ngan ym pynksan ïa u bymman.

PROBERB 10:18

Uta uba buhrieh ïa ka jingshun u don ki rmiang shyntur kiba lamler; bad uta uba kren siar u long u babieit.

PROBERB 12:17

Uta uba kren ïa ka jingshisha u pynpaw ïa ka hok, hynrei, u sakhi lamler ïa ka jingshukor.

PROBERB 14:5

U sakhi uba shisha un ym lamler: hynrei, u sakhi uba lamler u kren ïa ki jinglamler.

PROBERB 17:4

U nongleh sniew u shahshkor ïa ki rmiang shyntur bymman; bad uba lamler u sngap ïa u thylliej uba pynsniew.

PROBERB 19:28

U sakhi uba thala u rkhiebeiñ ïa ka jingbishar: bad ka shyntur jong u bymman ka nguid ïa ka jingbymhok.

PROBERB 19:5

U nongsakhi lamler un ym lait na ka jingpynshitom; bad uba kren ïa ki jinglamler un ym lait.

PROBERB 19:9

U nongsakhi lamler un ym lait na ka jingpynshitom; bad uba kren ïa ki jinglamler un ïap noh.

PROBERB 21:28

U nongsakhi lamler un duh noh: hynrei, u briew uba ïohsngew un kren bymdon ba kem daw.

PROBERB 24:28

Wat long u sakhi pyrshah ïa la u paramarjan khlem daw; bad wat shukor da la ki rmiang shyntur.

PROBERB 25:18

U briew uba sakhi lamler pyrshah ïa la u paramarjan u long u tyrnem, bad ka waitlam, bad u khnam banep.

PROBERB 25:23

Ka lyer shatei ka pynmih ïa u slap: kumta ruh u thylliej uba kren siar pasiaw ïa ka khmat babitar.

PROBERB 6:19

u sakhi uba lamler uba pyrsad ïa ki lamler, bad uta uba bet ïa ka jingïakajia hapdeng ki para.

JEREMAÏAH 20:10

Namar nga la ïohsngew ïa ka jingpynbudnam kiba bun, “Ka jingshyrkhei baroh sawdong. To kynnoh sniew, te ngin kynnoh sniew ïa u,” ong ki lok bajan jong nga baroh, kita kiba ap ba ngan dkoh; “lehse yn riam pah ïa u, bad ngin lah ïa u, bad ngin pynhiar kput halor jong u.”

LEBITIKOS 19:11

“ ‘Phin ym tuh; lymne leh buit shukor, lymne ïalamler paralok hi.

LEBITIKOS 19:16

Wat ïaid me kum u nongkrensiar hapdeng u paidbah jong me: lymne ïeng pyrshah ïa ka snam jong u paramarjan jong me: Nga long U Trai keiñ.

MATHAÏOS 19:18

U la ong ha U, “Ïa kino?” U Jisu te u la ong: “Men ym pynïap, Men ym klim, Men ym tuh, Men ym sakhi lamler,

LOUKAS 19:8

Hynrei, haba u la ïeng joit u Sakkhaïos, u la ong ha U Trai, “Ha khmih, ïa kaba shiteng na kiei kiei ruh ki jong nga, A Trai, ngan sa ai ha ki baduk; bad lada nga la shim klop ïa kaei kaei ruh na uno uno ruh da kaba mudui lamler, ngan sa siew pat saw shah.”

LOUKAS 3:14

Ki shipai ruh ki la kylli de ïa u, ki da ong, “Ngi pat ngi dei ban leh aïu?” U la ong ruh ha ki, “Wat leh jubor ïano ïano ruh, lymne wat shim klop ei ei; to sngewhun ruh bad la ka bainong.”

ÏOANNIS 7:51

“Hato ka hukum jong ngi ka pynrem ïa u briew, lymda kan ïohsngew shuwa na u, bad ba kan tip ïa kaei ba u la leh?”

Ka Shithi U Paul Sha Ki Nong Rom 3:8

Shisha balei ym ong noh syndon (kat kumba la kynnoh beiñ ïa ngi, bad kumba don kiba ïathuh skhem ba ngi ong), “Ïa, ngin leh ïa ka basniew ba ka babha kan ïoh jia?” kiba ka jingpynrem jong ki ka long kaba hok.

EPHESOS 4:25

Naba kumta, da kaba buh noh ïa ka jinglamler, to kren ïa kaba shisha uwei pa uwei bad la u paramarjan; naba ngi ïalong ki dkhot jong ki paralok.

DEUTERONOMI 5:20

“ ‘Lymne men ym ïeng sakhi lamler ïa u paramarjan jong me.

2 TIMOTHI 3:3

kiba khlem ieit ïa la ka kynja, kiba khlem map, kiba kren siar, ki bymsuidñiew, kiba runar, ki bymieit ïa ka babha,

1 PETROS 3:16

da kaba phi ïaibat ïa ka jingïatiplem babha, ba, ha kata kaba ki ïakrenbeiñ ïa phi, yn ïoh pynsngewlehrain ïa kita kiba kren wad daw eh ïa kata ka jinglong jingim babha jong phi ha U Khrist.

JINGPYNPAW 12:10

Bad nga la ïohsngew ïa ka ktien bajam ha bneng, kaba ong, “Mynta la wan jia kata ka jingpynim bad kata ka bor, bad kata ka hima U Blei jong ngi bad kata ka bor synshar uta U Khrist jong u: naba la shop noh arsut ïa uta u nongmudui ïa ki parabangeit jong ngi, uba shait mudui ïa ki ha khmat U Blei jong ngi mynsngi bad mynmiet.