EKSODOS 22:6 - KA BAIBL

⁶ “Lada ka ding ka la meh, bad ka la kem ïa ki dieng shiah, katba la pyning ïa u Kew ha ka thup, lane ïa u bym pat ot, lane ïa ka lyngkha; uta uba la pynmeh ïa kata ka ding un sa pynburia pat baroh.

Khasi CL Bible (BSI)

⁶ “Lada u briew u wiang ding ha lyngkha bad ka ding ka pur sha ka lyngkha jong uwei pat bad ka pynduh ïa u kew uba dang ïeng, ne ïa uba la ot bad la lum thup, uta uba wiang ding un hap siew ïa kaba la duh baroh.

EKSODOS 22:6 ပူးပေါင်းရင်းမြစ်များ

EKSODOS 22:12

Te lada la tuh ïa ka na u, un sa pynburia kaba biang ha u trai jong ka.

EKSODOS 22:5

“Lada u briew un pynbam ïa ka lyngkha lane ïa ka brisoh, da kaba buh ïa u mrad la u jong, ban bam ha ka lyngkha jong uwei pat; un sa pynburia pat na ka babha tam ka lyngkha jong u, lane na ka babha tam ka brisoh jong u.

EKSODOS 22:7

“Haba u briew un ai sumar ha la u paramarjan ïa ki tyngka ne ïa kaei kaei ruh, bad haba la tuh noh ïa kata na ka ïing uta u briew; lada shem ïa u nongtuh, un pynburia ar shah.

EKSODOS 22:9

“Naba ïa ka kynja ka jingpalat baroh, la ka long na ka bynta u masi, lane ka kadda, lane ka langbrot, lane ka jaiñkup, lane na ka bynta kaei kaei ruh kaba la jah, ïa kaba uwei pat u kam kum la ka jong, ka dei ïa ka daw jong ki baroh ar liang ban poi ha khmat ki nongbishar; te uta ïa uba kita ki nongbishar kin ïa-pynrem, un sa buria ar shah ïa la u paramarjan.

MATHAÏOS 7:16

Na ki soh jong ki phin ithuh ïa ki. Ki briew ki ju kheit ïa ki soh Waiñ na ki dieng shiah, lane ïa ki soh Dumbur na ki ñiut shiah?