EKSODOS 22:30 - KA BAIBL

³⁰ Men sa leh kumjuh ïa la ki masi dab, bad ïa ki langbrot jong me; hynñiew sngi un long lem bad la ka kmie; ha ka baphra sngi men ai ïa u ha nga.

Khasi CL Bible (BSI)

³⁰ Ai ha nga ïa kiba la kha nyngkong na ki masi bad ki langbrot jong phi. Ai ba uba la kha nyngkong un sah hynñiew sngi bad la ka kmie, bad ha ka sngi kaba phra ai ïa u ha nga.

EKSODOS 22:30 ပူးပေါင်းရင်းမြစ်များ

JENESIS 17:12

Ïa u khun shynrang baroh, haba u dang phra sngi ka rta, yn sa otsher hapdeng jong phi ha ki jingkha pateng la pateng jong phi, ïa uta keiñ ïa u ba'n kha ha ïing, bad ïa u ba'n thied da ki sbai na uno uno u nongwei, u bymlong na u symbai jong me.

EKSODOS 13:12

te me ruh men pynkyntang ha U Trai ïa uba la kha nyngkong baroh, bad ïa uba la kha nyngkong baroh na ki mrad ruh ba me don; ki shynrang keiñ kin long ki jong U Trai.

ESEKIEL 4:14

Ynda kumta, nga la ong, “A Trai U Blei! ha khmih, ïa ka mynsiem jong nga ym pat shym pyntngit: namar naduh ba dang khynnah haduh mynta, ngam pat shym bam ïa kata ka baïap hi, lane ïa kaba la tar da ki mrad; ka doh kaba ijli ruh, kam ju poi ha ka shyntur jong nga.”

LEBITIKOS 11:44

Naba nga long U Trai U Blei jong phi: namar kata, to pynkyntang ïa lade, bad phin long ki bakhuid; naba nga long u bakhuid: bad wat pyntngit ïa lade da kaei kaei bapar halor ka khyndew.

LEBITIKOS 11:45

Naba nga long U Trai uba la ïalam noh ïa phi na ka ri Ijipt, ïa ka ban long U Blei ïa phi: kumta, to long ki bakhuid, naba nga long u bakhuid.’ ”

LEBITIKOS 12:3

Ha ka baphra sngi, ka dei ban ot ïa ka doh sher jong u.

LEBITIKOS 17:15

Bad u briew baroh uba bam ïa kaei kaei ruh ba la ïap hi, lane ïa kaba la tar, la u long u parakher paramer jong phi hi lane u nongwei, un sait ïa la ki jaiñ, bad un sum ha ka um, bad un long bymkhuid haduh la janmiet: hadien kata, un long u bakhuid.

LEBITIKOS 22:27

“Haba yn kha ïa u khun masi, lane ïa u khun blang, lane ïa u khun langbrot, to ai ba un sah bad ka kmie hynñiew sngi; naduh ka sngi baphra bad hadien yn pdiang hun ïa u kum ka jingkñia ainguh ba la pynlong da ka ding ha U Trai.

LEBITIKOS 22:8

Bad wat ai ba un bam na kaei kaei ruh kaba la ïap hi, lymne ba la tar, ïa ka ban long bymkhuid namar jong ka: Nga long U Trai.’

LEBITIKOS 7:23

“To kren ha ki khun Israel, da ong, ‘Phin ym bam na ka khleiñ kaba kumno kumno ruh, lymne na ka jong u masi dab, lymne na ka jong ka langbrot, lymne na ka jong ka blang.

LEBITIKOS 7:24

Te ïa ka khleiñ ka metïap, bad ïa ka khleiñ ka jong kata ba la tar ki mrad, ïa kata te lah ban pynleit sha kawei pat ka kam: hynrei, phin ym lah ban bam ïa ka da lei lei ruh.

LEBITIKOS 7:26

Nalor kane pat, phin ym bam na ka snam kaba kumno kumno ruh, lymne ka jong ka kynja sim, lymne u mrad, ha-ei ha-ei ruh em hapoh ki ïing jong phi.

DEUTERONOMI 14:21

“Phin ym ïoh bam ïa kaei kaei ruh ka baïap hi: men ai ïa ka ha u nongwei uba ha ki khyrdop jong me, ba un ïoh bam ïa ka; lane me lah ban die ïa ka ha u nongwan hap: naba me long u paidlang u bakyntang ha U Trai uba U Blei jong me. “Men ym shet ïa u khun blang ha ka dud la ka kmie.

DEUTERONOMI 15:19

“Ïa ki shynrang baroh ba la kha nyngkong na ki masi jong me, bad na ki blang jong me, men pynkyntang ha U Trai uba U Blei jong me; wat pyntrei ïa uba kha nyngkong jong ki masi dab jong me, lymne wat ot shñiuh ïa uba kha nyngkong na ki langbrot jong me.