EKSODOS 22:29 - KA BAIBL

²⁹ “Men ym pyntud ban ainguh ïa u banyngkong na ki soh ba-ih jong me, bad na ki umsoh jong me. Men ai ha nga ïa u banyngkong na ki khun shynrang jong me.

Khasi CL Bible (BSI)

²⁹ “Ai ha nga ïa ki jingainguh na u kew jong phi, na ka waiñ jong phi, bad na ka umphniang Olib jong phi, ha ka por kaba biang. “Ai ha nga ïa kiba la kha nyngkong na ki khun shynrang jong phi.

EKSODOS 22:29 ပူးပေါင်းရင်းမြစ်များ

2 SYIEM 4:42

Te la wan uwei u briew na Baal-shelishah, bad u la wallam kpu ïa u briew jong U Blei na ki soh nyngkong, arphew tylli ki kpu Barli, bad u soh Kew im ha la ka byrni. U la ong te, “To ai ha kine ki briew ba kin ïabam.”

2 KHRONIKL 31:5

Te haba dang shu lah pynbna ïa ka hukum, ki khun Israel ki la ai kyrhai ïa ki soh nyngkong u Kew, ka Waiñ, bad ka umphniang, bad ka ngap, bad na ka jingmih jong ka lyngkha baroh; bad ïa kaba shiphew na kiei kiei baroh ki la wallam kyrhai.

EKSODOS 13:12

te me ruh men pynkyntang ha U Trai ïa uba la kha nyngkong baroh, bad ïa uba la kha nyngkong baroh na ki mrad ruh ba me don; ki shynrang keiñ kin long ki jong U Trai.

EKSODOS 13:2

“To pynkyntang ha nga ïa uba la kha nyngkong baroh, ïa kaei kaei baroh keiñ ïa kaba la kha nyngkong hapdeng ki khun Israel, na u briew bad na u mrad de: u long u jong nga.”

EKSODOS 23:15

Men rakhe ïa Ka Jingkhawai Niam U Kpu Bakhlem Thiat: hynñiew sngi men bam ïa u kpu bakhlem thiat, kumba nga la hukum ïa me ha ka por ba la buh ha u bnai Abib (naba ha uta me la mih na ka ri Ijipt); bad wat ai ban mihpaw suda uwei ruh ha khmat jong nga:

EKSODOS 23:16

bad Ka Jingkhawai Niam Ka Aïom Ot, ki soh nyngkong ki jingtrei jong me, ïa kiba me la bet ha ka lyngkha: bad Ka Jingkhawai Niam Ka Jingïalum ruh, ha ka bakut ka snem, haba me la lum ïa ki jingtrei jong me na ka lyngkha.

EKSODOS 23:19

“Men wallam ïa u banyngkong na ki soh nyngkong ka khyndew jong me ha ka ïing U Trai U Blei jong me. Wat shet ïa u khun blang ha ka dud ka kmie jong u.

EKSODOS 34:19

Baroh ïa kaba la kha nyngkong na ka kpoh ka long ka jong nga; bad u shynrang baroh ïa uba la kha nyngkong hapdeng ki jingri jong me, la u long u masi ne u blang.

EKSODOS 34:20

Hynrei, ïa u banyngkong jong ka kadda men siewspah da u khun langbrot: te lada men ym siewspah ïa u, te men kdiah ïa ka ryndang jong u. To men siewspah ruh ïa kiba la kha nyngkong baroh na ki khun shynrang jong me. Wat ai ïano ïano ruh ban paw suda ha khmat jong nga.

ESEKIEL 20:40

“Naba ha u lum bakhuid jong nga, ha u lum ka jingjrong u Israel,” ong U Trai U Blei, “hangta ka ïing Israel baroh, baroh keiñ, kin ïashakri ïa nga ha ka ri: hangta ngan pdiang ïa ki, bad hangta ngan pan ïa ki jingainguh jong phi, bad ïa ki soh nyngkong na ki jingainguh jong phi, lem bad kiei kiei ki bakhuid jong phi.

LEBITIKOS 22:27

“Haba yn kha ïa u khun masi, lane ïa u khun blang, lane ïa u khun langbrot, to ai ba un sah bad ka kmie hynñiew sngi; naduh ka sngi baphra bad hadien yn pdiang hun ïa u kum ka jingkñia ainguh ba la pynlong da ka ding ha U Trai.

MIKAH 7:1

Kordit ïa nga! naba nga long kum haba ki la lum ïa ki soh lyiur, kum ki soh khyrdong jong ka brisoh Waiñ: ym don ki rynjup ban bam; ka mynsiem jong nga ka thrang ïa u soh Dumbur ba la ih nyngkong.

JINGKHEIÑ 18:13

Kiba la ih nyngkong na kiei kiei baroh ha ka ri, ïa kiba kin wan ai ha U Trai, kin long ki jong me; bad uwei uwei baroh u bakhuid na ka ïing jong me, un ïoh bam na ki.

MATHAÏOS 6:33

Hynrei, phin ïawad shuwa ïa ka hima U Blei, bad ïa ka hok jong u: te ïa kine kiei kiei baroh, yn sa ai lang tam ha phi.

Ka Shithi U Paul Sha Ki Nong Rom 8:23

Bad ym tang kata, hynrei, ma ngi hi ruh kiba don ki soh nyngkong jong U Mynsiem, wat ma ngi hi keiñ, ngi ïa-ud sat hapoh lade hi, da kaba ap khmih hir hir ïa ka jingtingkhun, kaba long, ka jingsiewspah ïa ka met jong ngi.

DEUTERONOMI 15:19

“Ïa ki shynrang baroh ba la kha nyngkong na ki masi jong me, bad na ki blang jong me, men pynkyntang ha U Trai uba U Blei jong me; wat pyntrei ïa uba kha nyngkong jong ki masi dab jong me, lymne wat ot shñiuh ïa uba kha nyngkong na ki langbrot jong me.

JAKOB 1:18

Da kaba u la mon sngewbha, u la pynkha ïa ngi da ka ktien ka jingshisha, ba ngin long ma ngi ki kynja soh nyngkong na kita ki jingthaw jong u.