EKSODOS 22:25 - KA BAIBL

²⁵ “Lada men ai kylliang sbai ha uwei u baduk na ki briew jong nga uba hajan jong me, men ym long ha u kum u nongshim than; lymne men ym kheiñ sut ïa u.

Khasi CL Bible (BSI)

²⁵ “Haba phi ai pisa kylliang ha uba duk na ki briew jong nga, wat leh kum u nongai ram ban dawa bai sut na u.

EKSODOS 22:25 ပူးပေါင်းရင်းမြစ်များ

2 SYIEM 4:1

Te kawei ka kynthei na ki tnga ki khun ki nongïathuhlypa ka la pyrta ha u Elisha, ka da ong, “U shakri jong me u tnga jong nga u la ïap: bad me tip ba u shakri jong me u la sheptieng ïa U Trai: bad u nongshah ram u la wan ban ring mraw ha u ïa ki khun shynrang jong nga baroh ar ngut.”

2 SYIEM 4:7

Ynda kumta, ka la wan ïathuh ha u briew jong U Blei. U te u la ong ha ka, “Khie leit die ïa kata ka umphniang, bad to siew ïa la ka ram, bad ïa kaba sah tam to bam ma pha bad ki khun jong pha.”

NEHEMAÏAH 5:7

Nga la pyrkhat te ha lade, bad nga la byrngem ïa ki bakhraw batri bad ïa ki nongsynshar, bad nga la ong ha ki, “Phi shim sut, uwei pa uwei na la u para.” Bad nga la pynlong ka jingïaseng bah ban ïaleh ïa ki.

SALM 15:5

U bym ai tyngka ban shim sut than, lymne um bamsap ïaleh ïa uba lui lui. Uta uba leh ïa kine kiei kiei yn ym pynkhih ïa u lano lano ruh.

PROBERB 28:8

Uta uba pynkhraw ïa la ka spah da kaba shim sut than bad ka jingpynroi, u lum ïa ka ha uta uba leh isynei ïa ki baduk.

JEREMAÏAH 15:10

Kordit ïa nga, ko mei, ba pha la kha ïa nga u briew ka jingïaleh bad u briew ka jingïakajia ïa ka khyndew baroh! Ngam shym ai sut, lymne ym shym la ai sut ha nga; pynban, baroh ki tim ïa nga.

ESEKIEL 18:13

u la ai sut, u la shim ïa kaba tam ruh: hato uta un im? Un ym im keiñ: u la leh ïa kine ki jingijli baroh: un ïap da shisha; ka snam jong u kan long halor jong u hi.

ESEKIEL 18:17

u la kynran la ka kti na u baduk, u bym shim sut lymne kaba tam, uba leh ïa ki jingbishar jong nga, uba la ïaid ha ki aiñ jong nga; uta un ym ïap na ka bynta ka pop u kpa jong u, da shisha un im.

ESEKIEL 18:7

bad um shym leh bymdei ïano ïano, hynrei, u la ai pat ha u nongkit ram ïa ka jingbuh bynda jong u, um shym la lute ïano ïano da ka bor, u la ai la u kpu ha u bathngan, bad u la pynkup ïa u balyngkhuit da ka jaiñ;

ESEKIEL 18:8

u bym shym la ai sut, lymne um shym la shim kano kano kaba tam, uba kynran la ka kti na ka jingbymhok, uba leh ïa ka jingbishar bashisha hapdeng uwei u briew bad uwei pat,

ESEKIEL 22:12

Ha pha, ki la bam tyngka ban pynmih ïa ka snam; pha la shim ka sut bad ïa kaba tam, bad pha la myntoi da kaba khwan na ki paramarjan jong pha da ka jingbanbor, bad pha la klet ïa nga,’ ” ong U Trai U Blei.

AMOS 2:8

bad halor ki jaiñ ba la bynda ki thiah hajan ki duwan baroh, bad ha ka ïing U Blei jong ki, ki dih ïa ka Waiñ jong kiba la shah daiñ kuna.

MATHAÏOS 25:27

ka la dei ïa me namar kata ban ai ïa u sbai jong nga ha ki ba ai sut, ba haba nga wan te ngan da ïoh shim ïa la ka jong bad ïa ka sut.

LOUKAS 19:23

hato balei ba mem shym la buh te ïa uta u sbai rupa jong nga ha ka ïing ba ai sut, ba haba nga la wan pat nga lah ban ïoh ïa uta lem bad ka sut de?’

DEUTERONOMI 15:7

“Lada don hapdeng jong phi, u briew u baduk, uwei na ki para jong me, hapoh ki khyrdop jong me ha ka ri jong me ïa kaba U Trai uba U Blei jong me u ai ha me, wat pyneh ïa la ka dohnud, lymne wat khang ïa la ka kti na la u para u baduk:

DEUTERONOMI 24:13

haba kumno kumno ruh, men ai pat ha u ïa kata ka bynda, haba sep ka sngi, ba un ïohthiah ha la ka jaiñkup hi, bad un kyrkhu ïa me: te ïa kane, yn ñiew ka hok ïa me ha khmat U Trai uba U Blei jong me.