EKSODOS 22:23 - KA BAIBL

²³ Lada men lehbeiñ ïa ki ha kano kano ka rukom, bad ba kin shu kyrpad ha nga, nga da shisha ngan sngap ïa ka jingkyrpad jong ki;

Khasi CL Bible (BSI)

²³ Lada phi lehbeiñ ïa ki, nga U Trai ngan jubab ïa ki haba ki kyang sha nga ban ïoh jingïarap,

EKSODOS 22:23 ပူးပေါင်းရင်းမြစ်များ

Ka Kitab U Job 34:28

kumta, ki la pynwan ïa ka jingïam jong u baduk ha u, bad u la ïohsngew ïa ka jingïam jong u bajynjar.

Ka Kitab U Job 35:9

“Namar kiba bun ki jingbanbeiñ, ki ïalynñiar; ki ïalynñiar ban ïoh ïarap namar ka ksang'ti jong u bakhrawbor.

SALM 10:14

Me la ïohi ïa ka; naba me khmih ïa ka jingsniew bad ka jingleh dusmon, ban shim ïa ka ha la ka kti: u barangli u aiti ïa lade ha me; me la ju long u nongïarap ïa ki khunswet.

SALM 140:12

Nga tip ba U Trai un da ïa ka kam jong u bajynjar, bad ïa ka hok jong u barangli.

SALM 145:19

Un pyndap ïa ka jingkwah jong kiba sheptieng ïa u; un sngew ïa ka jinglynñiar jong ki ruh, bad un pynim ïa ki.

SALM 18:6

Ha la ka jingpisa nga la khot kyrpad ha U Trai, bad nga la kyang ha U Blei jong nga: u la ïohsngew ïa ka ktien jong nga na ka templ jong u, bad ka jingkyang jong nga ha khmat jong u ka la poi sha ki shkor jong u.

SALM 68:5

U kpa ki khunswet, bad u nongbishar ki riewkynthei, u long U Blei ha ka jaka shong ka bakhuid jong u.

EKSODOS 22:27

naba kata hi ka long ïa ka ban tap ïa u, ka long ka jaiñkup ïa ka snieh jong u: un kup thiah da ei? kan jia te, haba u kyrpad ha nga, ba ngan sngap; naba nga uba isynei.

SNGEWSYNEI 5:3

Ngi long ki khunswet khlem kpa, ki kmie jong ngi ki long kum ki riewkynthei.

LOUKAS 18:7

U Blei te un ym bishar hok ïa kita kiba la jied jong u, kiba lynñiar kyrpad ïa u mynsngi bad mynmiet, bad u shah slem na ka bynta jong ki?

DEUTERONOMI 10:18

U bishar hok ïa ki khunswet, bad ïa ki riewkynthei, bad u ieit ïa u nongwei, da kaba u ai ha u ka jingbam, bad ki jaiñkup jaiñsem.

DEUTERONOMI 15:9

To sumar, ba kan ym jia ka jingmut bymman ha ka dohnud jong me, da kaba ong, ‘Kata ka snem ka bahynñiew, ka snem ka jingpyllait keiñ, ka la jan;’ bad ka khmat jong me ka long sniew pyrshah ïa u para jong me u baduk, ïa ka ban ym ai satia ha u; bad ba un lynñiar ha U Trai pyrshah ïa me, te kan long pop ha me.

DEUTERONOMI 24:15

ha kata ka sngi jong u hi keiñ ba u la trei, men ai ka bainong jong u, lymne wat ai kan sep noh ka sngi haba ka dang sah; namar u long u baduk, bad ïa kane u khmih lynti eh: ba ïoh un lynñiar sha U Trai pyrshah ïa me, bad kan long pop ha me.

JAKOB 5:4

Ha khmih, kata ka bainong jong kita ki nongtrei kiba la ot ïa ki lyngkha jong phi, ïa kaba la bat klop noh ma phi, ka kyang kyrpad; te kita ki jingkyang jong kita kiba la ot ki la leit bsut sha ki shkor U Trai ki Paid.