EKSODOS 22:21 - KA BAIBL

²¹ “Men ym pynshitom lane banbor ïa u nongwei: naba phi hi phi la ju long nongwei ha ka ri Ijipt.

Khasi CL Bible (BSI)

²¹ “Wat lehbeiñ ne pynshitom beiñ ïa u nongwei; kynmaw ba phi ruh phi la long ki nongwei ha Ijipt.

EKSODOS 22:21 ပူးပေါင်းရင်းမြစ်များ

Ka Kitab U Job 6:27

Phi nud ruh ban khalai ïa u khunswet, bad pynlong jingkhaïi ïa la u lok.

SALM 146:9

U Trai u sumar ïa ki nongwei; u kyrshan ïa u khunswet bad ïa ka riewkynthei; hynrei, ïa ka lynti u bymman u pynkylla khongpong.

EKSODOS 20:2

“Ma nga U Trai uba U Blei jong me, uba la wallam noh ïa me na ka ri Ijipt, na ka ïing ka jinglongmraw.

EKSODOS 23:9

“Wat banbor ïa u nongwei: naba phi sngewthuh ïa ka dohnud u nongwei, naba phi hi ruh phi la ju long ki nongwei ha ka ri Ijipt.

ISAÏAH 1:17

to hikai ïa ka ban leh bha; wad ïa ka jingbishar, pyllait ïa uba la banbor, bishar ïa u khunswet, ïasaid na ka bynta ka riewkynthei.

JEREMAÏAH 22:3

Kumne u ong U Trai: “To leh ïa ka jingbishar bad ïa ka hok, bad pyllait ïa kiba la lute na ka kti u nongbanbeiñ: bad wat leh ïa ka basniew ei ei, wat leh jubor ïa u nongwei, ïa ki khunswet, lymne ïa ka riewkynthei, lymne wat pynmih ïa ka snam balui lui ha kane ka jaka.

JEREMAÏAH 7:6

lada phim banbeiñ ïa u nongwei, ïa u khunswet, bad ïa ka riewkynthei, bad phim pynmih ïa ka snam balui lui ha kane ka jaka, lymne leit bud ïa kiwei pat ki blei ïa ka ban sniew ïa lade:

ESEKIEL 22:7

Ha pha ki la ñiew sting ïa la u kpa bad ïa la ka kmie; hapdeng jong pha ki la banbeiñ ïa u nongwei: ha pha ki la leh bymdei ïa kiba khlem kpa bad ïa ki riewkynthei.

LEBITIKOS 19:13

“ ‘Men ym leh klop ïa la u paramarjan, lymne lute ïa u: wat ai ba ka bainong u nongbylla kan sah bad me wat shi miet ruh haduh mynstep.

LEBITIKOS 19:33

“ ‘Bad lada u nongwei u da wan shong lem bad me ha ka ri jong phi, wat banbeiñ ïa u.

LEBITIKOS 19:34

To ai ba u nongwei uba wanhap hapdeng jong phi un long kum ïa uba la kha na phi hi, bad to ieit ïa u kumba ïa lade hi; naba phi ruh phi la ju long ki nongwei ha ka ri Ijipt: Nga long U Trai U Blei jong phi.

LEBITIKOS 25:35

“ ‘Bad haba u para jong me u kylla duk, bad lada ka kti jong u ka duh bor bad me; to kyrshan ïa u: kum u nongwei lane uba shong basa un ïoh shong bad me.

SEKHARAÏAH 7:10

bad wat banbeiñ ïa ka riewkynthei, lymne ïa u khunswet, ïa u nongwei, lymne ïa u baduk; bad mano mano ruh wat tharai sniew ha la ka dohnud ïa la u para.’

MALAKHI 3:5

“Bad ngan wan hajan jong phi ïa ka jingbishar; bad ngan long u sakhi uba stet pyrshah ïa kiba leh byrtong, bad pyrshah ïa kiba klim, bad pyrshah ïa kiba smai lamler; bad pyrshah ïa kita kiba banbeiñ ïa u nongbylla ha ka bainong jong u, ïa ka riewkynthei, bad ïa u khunswet, bad kita kiba pynkynriah noh ïa u nongwei na la ka hok, bad ki bymsheptieng ïa nga,” ong U Trai ki paid.

DEUTERONOMI 1:16

Bad nga la hukum skhem ïa ki nongbishar jong phi ha kata ka por, da kaba ong, ‘To sngap ïa ki daw hapdeng ki para jong phi, bad to bishar hok ruh hapdeng u briew bad la u para, bad u nongwei uba don lem bad u.

DEUTERONOMI 10:18

U bishar hok ïa ki khunswet, bad ïa ki riewkynthei, bad u ieit ïa u nongwei, da kaba u ai ha u ka jingbam, bad ki jaiñkup jaiñsem.

DEUTERONOMI 10:19

To ieit ma phi, namar kata, ïa ki nongwei: namar phi keiñ, phi la ju long ki nongwei ha ka ri Ijipt.

DEUTERONOMI 15:15

Bad men kynmaw, ba me hi me la ju long u mraw ha ka ri Ijipt, bad ba U Trai uba U Blei jong me u la siewspah ïa me: namar kata, nga hukum ha me ïa kane mynta.

DEUTERONOMI 23:16

un shong sah bad me, hapdeng jong phi keiñ, ha kata ka jaka ïa kaba un jied ha kawei na ki khyrdop jong me, ha kaba u sngewbha hi: wat pynshitom ïa u.

DEUTERONOMI 23:7

“Men ym isaitmet ïa u kynja Edom, naba u long u para jong me: men ym isaitmet ïa u Ijipt, namar ba me la shong nongwei ha ka ri jong u.

DEUTERONOMI 24:17

“Men ym pynbakla ïa ka jingbishar ïa u nongwei, lymne ïa ki khunswet; lymne wat shim bynda ïa ka jaiñkup ka riewkynthei:

DEUTERONOMI 27:19

“ ‘Ka jingtim ïa uta uba pynsniew ïa ka jingbishar ïa ki nongwei, bad ïa ki khunswet, bad ïa ki riewkynthei.’ Bad uta u paidlang baroh kin ïa-ong, ‘Amen.’