EKSODOS 22:2 - KA BAIBL

² Haba shem ïa u nongtuh ba u dang prat ïa ka ïing, bad la shoh ïap ïa u ruh, kam dei ban pynhiar kput na ka bynta uta.

Khasi CL Bible (BSI)

^2-4 U hap siew pat ïa kata kaba u la tuh. Lada um don ei ei, dei ban die mraw ïa u ban siew pat na ka bynta ïa kata kaba u la tuh. Lada lap ba kata ka mrad ba u la tuh, la ka dei ka masi, ne ka kada, ne ka langbrot, ka dang im bad ka don bad u, u dei ban siew pat ar tylli na ka bynta kawei. “Lada ïohkem ïa u nongtuh uba prat ïing mynmiet bad u shah shoh haduh ba un da ïap, uta uba pynïap ïa u un ym shah kynnoh ba u pynïap briew. Hynrei lada kata ka jingjia ka long mynsngi, yn ñiew ïa u ba u long u nongpynïap briew.

EKSODOS 22:2 ပူးပေါင်းရင်းမြစ်များ

Ka Kitab U Job 24:14

U nongshohnoh u khie ryngkat bad ka jingshai, u pynïap ïa u baduk bad u bakyrduh; bad mynmiet u long kum u nongtuh.

Ka Kitab U Job 24:16

Ha ka ba-dum ki pynpei ïa ki ïing: ki rieh khop ïa lade mynsngi; kim tip ïa ka jingshai.

Ka Kitab U Job 30:5

La beh noh ïa ki napdeng ki briew; ki ïakynha hadien jong ki kumba hadien u nongtuh.

JEREMAÏAH 2:34

Ha ki rmiang jaiñ jong pha ruh la shem ïa ka snam ki baduk balui lui: ngam shym la shem ïa ka ha ka jaka kaba pei ba la prat, hynrei, halor kine baroh.

HOSIA 7:1

“Haba ngan sa pynkhiah ïa u Israel, la paw ka jingleh bymhok u Ephraim, bad ka jingbymman ka Samaria; namar ki leh lamler: te u nongtuh u bsut hapoh, bad ki paid nongtuh ki lute habar.

JOEL 2:9

Ki ïarynsied halor ka nongbah; ki ïamareh halor ka kynroh; ki kiew shapoh ki ïing; ki ïarung na ki jingkhang ïit kum u nongtuh.

JINGKHEIÑ 35:27

te lada uta u nongpynhiar kput ka snam un shem ïa u shabar kata ka pud ka nongbah jaka rieh jong u, bad lada uta u nongpynhiar kput ka snam un pynïap noh ïa uta u nongpynïap briew; wat tei pop ka snam halor jong u:

MATHAÏOS 24:43

Ïa kane te phi tip, ba lada u trai ïing u la tip ha kano ka por ba un wan u nongtuh, un da la ap, bad un ym da shah ban prat ïa ka ïing jong u.

1 THESSALONI 5:2

Namar phi hi, phi ïatip biang ba kata ka sngi U Trai kan wan kumjuh kum u nongtuh mynmiet.

1 PETROS 4:15

Namar wat ai ba uno uno ruh na phi un shah shitom kum u nongpynïap briew, lane u nongtuh, lane u nongleh basniew, lane kum uba shait lorni leh lushia ïa ki kam kiwei: