EKSODOS 22:17 - KA BAIBL

¹⁷ Lada u kpa jong ka um mon satia ban ai ïa ka ha u, un sa buria katba kum ka bynta ki theisotti.

Khasi CL Bible (BSI)

¹⁷ Hynrei lada u kpa jong ka um shah ïa u ban shongkurim ïa ka, uta u briew un siew ïa u da ka pisa kaba ïaryngkat ïa ka dor jong ka nongleitkurim kaba sotti.

EKSODOS 22:17 ပူးပေါင်းရင်းမြစ်များ

JENESIS 23:16

Te u Abraham ynda u la ïohsngew ïa u Ephron, u la thew ïa kita ki rupa ha u Ephron, kumba u la lah ong hi ha kaba ki da ïohsngew kita ki khun shynrang u Heth, ïa sawspah shekel ha ka rupa kiba ïaid biang keiñ bad ki nongkhaïi.

JENESIS 30:20

Te ka Leah ka la ong, “U Blei u la ai ha nga ïa ka jingai ka babha; mynta u tnga jong nga un da shongneh bad nga, naba nga la kha hynriew ngut ki khun shynrang ïa u.” Te ka la khot kyrteng “u Sabulon” ïa u.

JENESIS 34:12

To buh ïa ka dor jingmynrain ka bakhraw katno katno ruh na ka bynta jong ka, bad to pan ïa ka jingai ruh, ma nga ruh ngan ai kat kumba phin ong ha nga: hynrei, to phin ai ïa kata ka samla ban long ka tnga jong nga.”

LEBITIKOS 20:6

“ ‘Bad uta u briew uba leit phai hadien kiba leh blei, bad ki nongleh byrtong, ïa ka ban leit klim hadien jong ki, ngan buh ïa la ka khmat pyrshah ïa uta u briew, bad ngan ot noh ïa u napdeng u paidbah jong u.

DEUTERONOMI 18:10

Wat ai ba yn shem hapdeng jong phi, uba pynïaid ïa la u khun, lane ïa la ka khun, lyngba ïa ka ding, lane uba leh blei, lane uba khan por, lane uba kren byrtong, lane uba ai ksuid,

DEUTERONOMI 22:29

uta u briew te uba la thiah bad ka, un ai ha u kpa jong kata ka samla, sanphew ki shekel rupa, bad kan long ka tnga jong u, namar u la pynjahburom ïa ka; um lah ban beh noh ïa ka, baroh ki sngi ka rta jong u.

1 SAMUEL 18:25

Te u Saul u la ong, “Kumne phin ong ha u Dabid, ‘U syiem um kwah hi ïa ka jingaiseng, hynrei, tang ban ïoh shispah tylli ki sher ki Philistia, ba yn pynhiar kput halor ki nongshun u syiem.’ ” Hynrei, u Saul u la thew khnang ban pynïap ïa u Dabid da ka kti ki Philistia.

1 SAMUEL 28:3

Te u Samuel u la lah ïap noh, bad ki Israel baroh ki la lah ïambriew ïa u, bad ki la tep ïa u ha Ramah, ha ka shnong jong u hi keiñ. Bad u Saul u la lah beh noh na kata ka ri ïa kiba shong ksuid, bad ïa kiba kren byrtong.