EKSODOS 22:1 - KA BAIBL

¹ “Lada u briew un tuh ïa u masi, lane ïa ka langbrot, bad un pynïap ïa ka, lane un die ïa ka; un buria san tylli ki masi dab namar uwei u masi, bad saw tylli ki langbrot namar kawei ka langbrot.

Khasi CL Bible (BSI)

¹ “Lada u briew u tuh ïa ka masi ne ïa ka langbrot bad u pynïap ïa ka ne u die ïa ka, u dei ban hap siew pat da san tylli ki masi ïa kawei ka masi, bad saw tylli ki langbrot ïa kawei ka langbrot.

EKSODOS 22:1 ပူးပေါင်းရင်းမြစ်များ

2 SAMUEL 12:6

bad un pynburia saw shah na ka bynta ita i khun langbrot, namar ba u la leh ïa kane ka kam, bad ba um shym la sngewsynei.”

EKSODOS 21:36

Lane lada la lah tip ba uta u masi u la ju tur mynshuwa, bad u trai jong u um shym la set noh ïa u; shisha un da buria masi kylliang, bad ïa uta u baïap un ïoh sha u keiñ.

PROBERB 14:4

Ha ka bymdon ki masi dab, ka shyngoid ka khuid: hynrei, ka jingmih shibun ka don da ka bor u masi dab.

PROBERB 6:31

hynrei, lada shem ïa u, un pynbiang hynñiew shah; un ai keiñ ïa kiei kiei baroh katba don ha ka ïing jong u.

JEREMAÏAH 2:34

Ha ki rmiang jaiñ jong pha ruh la shem ïa ka snam ki baduk balui lui: ngam shym la shem ïa ka ha ka jaka kaba pei ba la prat, hynrei, halor kine baroh.

ESEKIEL 33:15

lada u bymman un ai noh pat ïa ka bynda, bad un ai pat ïa kaba u la shim da kaba tuh, un ïaid ha ki aiñ ka jingim, khlem leh bymhok; un im shisha, un ym ïap noh.

JINGKHEIÑ 5:7

te kumta kin ïaphla ïa la ka pop ba ki la leh: bad un sa buria ïa la ka jingpalat da ka bai trai jong ka, bad un ai lang ruh lem bad kata, ïa shi bynta na kaba san bynta jong ka, bad un ai ïa ka ha uta ïa uba u la leh palat.

LOUKAS 19:8

Hynrei, haba u la ïeng joit u Sakkhaïos, u la ong ha U Trai, “Ha khmih, ïa kaba shiteng na kiei kiei ruh ki jong nga, A Trai, ngan sa ai ha ki baduk; bad lada nga la shim klop ïa kaei kaei ruh na uno uno ruh da kaba mudui lamler, ngan sa siew pat saw shah.”