EKSODOS 21:6 - KA BAIBL

⁶ ynda kumta, u kynrad jong u, un wallam ïa u sha ki nongbishar, un wallam ruh ïa u sha ka jingkhang, lane sha ka shawkad; bad u kynrad jong u te un sa sam lyngba ïa ka shkor jong u da ka jingsam; te un shakri ïa u ha la ka rta.

Khasi CL Bible (BSI)

⁶ te u kynrad jong u un ïalam ïa u sha ka jaka mane Blei. Hangta un pynïeng ïa u ha ka jingkhang ne ha ka shawkad bad un sam shkor ïa u. Te un sa long u mraw jong u shi rta.

EKSODOS 21:6 ပူးပေါင်းရင်းမြစ်များ

1 SYIEM 12:7

Ki te ki la kren ha u, ki da ong, “Lada men long u shakri ïa une u paidbah ha kane ka sngi, bad men shakri ïa ki, bad men phai ktien ïa ki, bad men kren ki ktien ki babha ha ki, ki ruh kin long shakri ïa me junom.”

SALM 82:1

U Blei u ïeng ha ka jingïaseng U Blei; u bishar hapdeng ki blei.

EKSODOS 12:12

Naba ngan ïaid lyngba ka ri Ijipt ha kane ka miet, bad ngan shoh ïap ïa u khun nyngkong baroh kiba ha ka ri Ijipt, u jong u briew bad u jong u mrad ruh; bad pyrshah ïa ki blei ka ri Ijipt ngan pynlong ïa ka jingbishar: ma nga, nga long U Trai.

EKSODOS 21:22

“Lada ki briew ki da ïakajia, bad ki pynmynsaw ïa ka kynthei ba la punkhun, katba kan liat khun, hynrei, kam shym ïap: ka dei shisha ban pynshitom ïa uta, katba u tnga jong kata ka briew un dawa; un sa siew ruh katba rai ki nongbishar.

EKSODOS 21:5

Te lada uta u mraw un ong skhem, ‘Nga ieit ïa la u kynrad, ïa la ka tnga, bad ïa la ki khun de; ngam sngewbha ban lait noh ei’,

EKSODOS 21:7

“Te lada u briew un die ïa la ka khun ban long ka mraw, kan ym ïoh leit noh kumba leit ki mraw shynrang.

EKSODOS 22:28

“Men ym krenbeiñ ïa ki nongbishar, lymne men ym tim ïa u rangbah u paidbah jong me.

ISAÏAH 1:26

ngan ai pat ruh ïa ki nongbishar jong pha kum ha kaba mynnyngkong, bad ki nongïasylla jong pha kum mynshuwa: hadien kata, yn sa khot ïa pha, ‘ka shnong ka hok, ka nongbah baïaineh.’ ”

LEBITIKOS 25:23

Ïa ka khyndew yn ym lah die duh; naba ka khyndew ka long ka jong nga: naba phi long tang ki nongwei bad ki nongwan hap ha nga.

LEBITIKOS 25:40

to ai ba un long bad me kum u shakri babylla, bad kum u nongwei, un long lem bad me; un shakri ïa me haduh ka snem ka jubili:

SEPHANAÏAH 3:3

Ki syiem jong ka hapoh jong ka ki long ki sing kiba kyrhuh; ki nongbishar jong ka ki long ki suri mynmiet; kim pynsah ei ei haduh lashai.

DEUTERONOMI 1:16

Bad nga la hukum skhem ïa ki nongbishar jong phi ha kata ka por, da kaba ong, ‘To sngap ïa ki daw hapdeng ki para jong phi, bad to bishar hok ruh hapdeng u briew bad la u para, bad u nongwei uba don lem bad u.

DEUTERONOMI 15:16

Kan jia te, lada un ong ha me, ‘Ngan ym leit noh na me;’ namar ba u ieit ïa me bad ïa ka ïing jong me, naba u la suk ryngkat bad me;

DEUTERONOMI 15:17

te men shim da u jingsam, bad to sam lyngba ïa ka shkor jong u ha ka jingkhang, te un ïoh long u shakri jong me ha la ka rta. Ha ka shakri kynthei jong me ruh, men leh kumjuh.

DEUTERONOMI 16:18

“Men thung ha lade ïa ki nongbishar, bad ïa ki rangbah hapoh ki khyrdop jong me baroh, ïa kiba U Trai uba U Blei jong me u ai ha me, ha ki jaid jong me baroh: bad kin ïabishar ïa ki briew da ka jingbishar bahok.

1 SAMUEL 1:22

Hynrei, ka Hannah kam shym leit; naba ka la ong ha la u tnga, “Ngan ym leit kiew, tad ynda la pyniehnoh buiñ ïa u khynnah, hadien te ngan ïalam bad ïa u ruh, ba un paw ha khmat U Trai, ba un ïaisah ruh hangta junom.”

1 SAMUEL 27:12

Bad u Akhish u la ngeit ïa u Dabid, u da ong, “U la pyniwkhong ïa lade ha la ki jong ki briew ki Israel; namar kata, un long u shakri jong nga junom.”

1 SAMUEL 28:2

Te u Dabid u la ong ha u Akhish, “Kumta te men ïoh tip keiñ ïa kaba u shakri jong me un leh.” Bad u Akhish u la ong ha u Dabid, “Namar kata, ngan buh ïa me u nongsumar ïa ka khlieh jong nga junom.”