EKSODOS 20:9 - KA BAIBL

⁹ Hynriew sngi men trei, bad men leh ïa ka kam jong me baroh:

Khasi CL Bible (BSI)

⁹ Phi don hynriew sngi ban trei bad ban leh ïa ki kam jong phi,

EKSODOS 20:9 ပူးပေါင်းရင်းမြစ်များ

EKSODOS 16:26

Hynriew sngi phin lum ïa ka; hynrei, ha ka bahynñiew ka long ka Sabbaton, ha kata phin ym shem ei ei ruh em.”

EKSODOS 23:12

“Hynriew sngi men leh ïa ka kam jong me, bad ha ka sngi ka bahynñiew men shong sngi: ba u masi jong me, bad ka kadda jong me kin ïoh shongthait, bad ba u khun ka mraw jong me, bad u nongwei, kin shong pyngngad ruh.

EKSODOS 31:15

Hynriew sngi ka dei ban trei jingtrei; hynrei, ha ka sngi ka bahynñiew ka long ka Sabbaton ka jingshongthait, ka bakhuid ïa U Trai: jar uba trei jingtrei ha ka sngi Sabbaton, yn pynïap noh shisha ïa u.

EKSODOS 34:21

“Hynriew sngi men trei jingtrei, hynrei, ha ka sngi ka bahynñiew men shongthait: ha ka aïom bet bad ha ka aïom ot men shong sngi.

EKSODOS 35:2

Hynriew sngi ka dei ban trei jingtrei, hynrei, ha ka sngi ka bahynñiew kan long ïa phi ka sngi bakhuid, ka Sabbaton keiñ ka jingshongthait ïa U Trai: jar uba trei jingtrei ha ka, yn pynïap noh ïa u.

EKSODOS 35:3

Phi wat sliew ding ha ki ïing jong phi baroh ha kata ka sngi Sabbaton.”

ESEKIEL 46:1

Kumne u ong U Trai U Blei: “Ha ki hynriew ki sngi kiba trei jingtrei ïa ka khyrdop jong ka phyllaw kaba shapoh kaba phai shaphang mihngi yn khang, hynrei, ha ka sngi Sabbaton yn plie, bad ha ka sngi u 'nai thymmai ruh yn plie.

LEBITIKOS 23:3

Hynriew sngi yn ïoh ban trei jingtrei: hynrei, ha ka bahynñiew sngi yn long ka Sabbaton ka jingshongthait, ka jingïaseng bakhuid; phin ym trei jingtrei satia; ka long ka Sabbaton ïa U Trai ha ki ïing jong phi baroh.

LOUKAS 13:14

Hynrei, u nongsynshar ka synagog ba u da sngewbitar eh, namar ba U Jisu u la lah pynkhiah ha ka Sabbaton, u la ïathuh bad u la ong ha u paidbah, “Don hynriew sngi ha kiba ki briew ki dei ban trei jingtrei; ha kita namar kata, to wan ba yn pynkhiah ïa phi, te ym ha ka sngi Sabbaton.”

DEUTERONOMI 5:13

Hynriew sngi men trei, bad men leh ruh ïa ka kam jong me baroh: