EKSODOS 20:8 - KA BAIBL

⁸ “Kynmaw ïa ka sngi Sabbaton, ban rakhe khuid ïa ka.

Khasi CL Bible (BSI)

⁸ “Kynmaw ban rakhe ïa ka Sabbaton bad sumar kyntang ïa ka.

EKSODOS 20:8 ပူးပေါင်းရင်းမြစ်များ

JENESIS 2:2

Te ha ka bahynñiew ka sngi, U Blei u la pyndep noh ïa la ka kam ïa kaba u la lah pynlong; bad ha ka bahynñiew ka sngi u la shong sngi na ka kam jong u baroh ïa kaba u la lah pynlong.

JENESIS 2:3

Bad U Blei u la kyrkhu ïa kata ka bahynñiew ka sngi, bad u la kyntang khuid ïa ka: naba ha kane ka sngi u la shong sngi na ka kam jong u baroh ïa kaba U Blei u la lah pynlong bad thaw.

NEHEMAÏAH 13:15

Ha kita ki sngi, nga la ïohi ha Judah, kiba ïuh ïa ka kor tylliat Waiñ ha ka sngi Sabbaton, bad kiba da wallam ïa ki thup Kew, bad ki da pynkit ïa ki kadda da kita; ïa ka Waiñ ruh, ki soh Waiñ, bad ki soh Dumbur, bad ki kynja jingkit baroh, ïa kiba ki la wallam ha Jerusalem, ha ka sngi Sabbaton: bad nga la kren pyrshah ïa ki ha kata ka sngi ha kaba ki la die ïa ki kynja jingbam.

NEHEMAÏAH 9:14

bad me la pyntip ha ki, ïa ka Sabbaton bakhuid jong me, bad me la hukum ïa ki hukum ïa ki, bad ki aiñ, bad ka rukom, da ka kti u Moses u shakri jong me:

EKSODOS 23:12

“Hynriew sngi men leh ïa ka kam jong me, bad ha ka sngi ka bahynñiew men shong sngi: ba u masi jong me, bad ka kadda jong me kin ïoh shongthait, bad ba u khun ka mraw jong me, bad u nongwei, kin shong pyngngad ruh.

EKSODOS 31:12

Bad U Trai u la kren ha u Moses, u da ong,

EKSODOS 35:1

U Moses u la ïalum ruh ïa u paidlang baroh ki khun Israel, bad u la ong ha ki, “Kine ki long kita ki ktien ba U Trai u la hukum ïa phi ban leh.

ISAÏAH 56:2

Suk uta u briew uba leh ïa kane, bad u khun u briew uba bat khak ïa ka; uba sumar ïa ka Sabbaton ban ym pynkheiñ ïa ka, bad uba sumar ïa la ka kti ban ym leh ïa kano kano ka basniew.”

ISAÏAH 58:13

“Lada men phai noh ïa la ka sla'jat na ka Sabbaton, na kaba leh ïa la ka jingsngewbha ha ka sngi bakyntang jong nga; bad men khot ruh ïa ka Sabbaton ‘ka jingsngewbha,’ bad ka bakyntang jong U Trai ‘kaba donburom;’ bad men burom ïa ka, khlem da leh ïa la ki jong ki lynti, lymne wad ïa la ka jong ka jingsngewbha, lymne kren ïa la ki jong ki ktien:

JEREMAÏAH 17:21

kumne u ong U Trai; “To sumar ïa lade, bad wat kit jingkit ha ka sngi Sabbaton, lymne wat wallam shapoh ïa ka na ki khyrdop ka Jerusalem;

JEREMAÏAH 17:22

lymne wat kit shabar ïa ka jingkit na ki ïing jong phi ha ka sngi Sabbaton, lymne wat leh ïa kano kano ka kam: hynrei, phin pynkyntang ïa ka sngi Sabbaton, kumba nga la hukum ïa ki kpa jong phi;”

JEREMAÏAH 17:24

“ ‘Te lada phin sngap bha ïa nga,’ ” ong U Trai, “ïa ka ban ym wallam jingkit na ki khyrdop jong kane ka nongbah ha ka sngi Sabbaton, hynrei, ban pynkyntang ïa ka sngi Sabbaton, ban ym leh ïa kano kano ka kam ha ka;

ESEKIEL 20:20

bad to sumar khuid ïa ki Sabbaton jong nga; bad kin long ka dak hapdeng jong nga bad phi, ba phin ïoh tip ba nga long U Trai U Blei jong phi.’

LEBITIKOS 19:3

To sheptieng uwei uwei baroh ïa la ka kmie, bad ïa la u kpa, bad to rakhe ïa ki Sabbaton jong nga: Nga long U Trai U Blei jong phi keiñ.

LEBITIKOS 19:30

To rakhe ïa ki Sabbaton jong nga, bad to burom ïa ka jaka kyntang jong nga: Nga long U Trai keiñ.

LEBITIKOS 23:3

Hynriew sngi yn ïoh ban trei jingtrei: hynrei, ha ka bahynñiew sngi yn long ka Sabbaton ka jingshongthait, ka jingïaseng bakhuid; phin ym trei jingtrei satia; ka long ka Sabbaton ïa U Trai ha ki ïing jong phi baroh.

LEBITIKOS 26:2

Ïa ki Sabbaton jong nga phin sumar, bad ïa ka jaka kyntang jong nga phin burom: Nga long U Trai.

JINGKHEIÑ 15:32

Te mynba ki khun Israel ki la don ha kata ka ri khlaw, ki la shem ïa uwei u briew uba lum prew ha ka sngi Sabbaton.

DEUTERONOMI 5:12

“ ‘To sumar ïa ka sngi Sabbaton, ïa ka ban pynkyntang ïa ka, kumba U Trai uba U Blei jong me u la hukum ïa me.