EKSODOS 20:7 - KA BAIBL

⁷ “Men ym ong thala ïa ka kyrteng U Trai U Blei jong me; naba U Trai un ym pynksan ïa uba ong thala ïa ka kyrteng jong u.

Khasi CL Bible (BSI)

⁷ “Wat pyndonkam ïa ka kyrteng jong nga na ka bynta ki jingthmu kiba sniew, naba nga, U Trai U Blei jong phi, ngan pynshitom ïa uno uno uba pyndonkam thala ïa ka kyrteng jong nga.

EKSODOS 20:7 ပူးပေါင်းရင်းမြစ်များ

JENESIS 27:20

Bad u Isaak u la ong ha la u khun, “Kumno ko khun, ba me la shem ïa ka shen katta katta?” U te u la ong, “Namar ba U Trai uba U Blei jong me u la pynwan ïa ka ha khmat jong nga.”

1 SYIEM 2:9

Te mynta wat kheiñ ïa u uba khlem pop, naba me long u briew bastad; bad me tip kaei me dei ban leh ïa u, bad men pynhiar ïa ka khlieh 'ñiuhlieh jong u bad ka snam sha ka jingtep.”

2 SYIEM 5:20

Hynrei, u Gehasi, u shakri u Elisha uta u briew jong U Blei, u la ong, “Ha khmih; u kynrad jong nga u la pyllait ei ïa une u Naaman u nong Syria, um da shim ei ei na ki kti jong u ïa kata kaba u la wallam: katba im U Trai, ngan beh nadien jong u, bad ngan shim ei ei na u.”

SALM 139:20

Naba ki kren bymman pyrshah ïa me, bad ki nongshun jong me ki ong thala ïa ka kyrteng jong me.

PROBERB 30:9

ïoh ba ngan sngewdap, bad ba ngan len ïa me, bad ngan ong, “U Trai u long uei?” lane ïoh ba ngan duk, bad ba ngan tuh, bad pyndonkambeiñ ïa ka kyrteng U Blei jong nga.

JEREMAÏAH 34:16

hynrei, phi la kylla bad phi la pyntngit ïa ka kyrteng jong nga, bad phi la wallam pat uwei uwei baroh ïa la u mraw, bad uwei uwei baroh ïa la ka mraw, kiba phi la pyllait katba ki mon; bad phi la pyndem ïa ki, ban long ki mraw shynrang bad ki mraw kynthei ïa phi.’ ”

JEREMAÏAH 4:2

bad men smai, ‘Katba im U Trai,’ ha ka jingshisha, ha ka jingbishar, bad ha ka hok; bad ki jaid bynriew kin kyrkhu ïa lade ha u, bad ha u kin sngewsarong.”

ESEKIEL 39:7

“Bad ngan pyntip ïa ka kyrteng bakhuid jong nga hapdeng ki briew jong nga ki Israel; lymne ngan ym shah shuh ban pyntngit sang ïa ka kyrteng bakhuid jong nga: bad ki jaid bynriew kin ïoh tip ba nga long U Trai, U Bakhuid keiñ ha Israel.

LEBITIKOS 19:12

Phin ym smai lamler da ka kyrteng jong nga, lymne men ym shim thala ïa ka kyrteng U Blei jong me: Nga long U Trai.

MALAKHI 3:5

“Bad ngan wan hajan jong phi ïa ka jingbishar; bad ngan long u sakhi uba stet pyrshah ïa kiba leh byrtong, bad pyrshah ïa kiba klim, bad pyrshah ïa kiba smai lamler; bad pyrshah ïa kita kiba banbeiñ ïa u nongbylla ha ka bainong jong u, ïa ka riewkynthei, bad ïa u khunswet, bad kita kiba pynkynriah noh ïa u nongwei na la ka hok, bad ki bymsheptieng ïa nga,” ong U Trai ki paid.

2 KORINTH 1:23

Hynrei, nga khot ïa U Blei ban sakhi ha ka mynsiem jong nga, ba khnang ban isynei ïa phi nga la pep ban wan sha Korinth.

DEUTERONOMI 10:20

Men sheptieng ïa U Trai uba U Blei jong me; ïa u hi men shakri; bad ha u men snoh, bad ha ka kyrteng jong u ruh men smai.

DEUTERONOMI 5:11

“ ‘Men ym ong thala ïa ka kyrteng U Trai uba U Blei jong me: naba U Trai un ym pynksan ïa uba ong thala ïa ka kyrteng jong u.

DEUTERONOMI 6:13

To men sheptieng ïa U Trai uba U Blei jong me; bad to shakri ïa u, bad da ka kyrteng jong u men smai.

JAKOB 5:12

Hynrei, nalor kiei kiei baroh, ko parabangeit jong nga, to wat smai, lymne da ka bneng lymne da ka khyndew, lymne da kano kano kawei pat ka jingsmai: hynrei, kaba “Ho-oid” jong phi, to ai kan long “Ho-oid”, bad kaba “Em” jong phi, “Em”; ba phin ym hap ha ka jingbishar.

JOSHUA 2:12

Te namar kata, nga duwai ha phi, to smai ha nga da U Trai, namar ba nga la leh isynei ïa phi, ba phi ruh phin leh isynei ïa ka ïing u kpa jong nga, bad ba phin ai ka dak kaba shisha ha nga:

JOSHUA 2:17

Te kita ki briew ki la ong ha ka, “Ngin long kiba lait na kane ka jingsmai jong pha ïa kaba pha la pynsmai ïa ngi.

JOSHUA 9:20

Ngin leh kumne ïa ki, bad to ai ba kin im; ïoh ba ka jingbitar kan hap halor jong ngi, namar kata ka jingsmai ba ngi la smai ha ki.”