EKSODOS 20:5 - KA BAIBL

⁵ men ym dem ïa ki, lymne shakri ïa ki: naba nga U Trai uba U Blei jong me nga long U Blei u bathut shen, uba pynwan ïa ka jingpalat ki kpa ha ki khun, haduh ka balai bad ka basaw pateng bynriew jong kiba isih ïa nga;

Khasi CL Bible (BSI)

⁵ Wat dem lane mane ïa kano kano ka bleithaw, naba nga, nga long U Trai U Blei jong phi bad ngam lah shah ïano ïano ba pyrshah ïa nga. Nga wallam ka jingpynshitom ha kito kiba isih ïa nga bad ha ki khun ki ksiew jong ki haduh kaba lai bad kaba saw pateng bynriew.

EKSODOS 20:5 ပူးပေါင်းရင်းမြစ်များ

2 SAMUEL 21:1

Te la don ha ki sngi u Dabid ka 'nemsniew lai snem lynter; bad u Dabid u la wad ïa ka khmat U Trai. Bad U Trai u la ong, “Ka long namar u Saul, bad namar ka ïing kaba bit snam jong u, namar ba u la pynïap ïa ki Gibeon.”

2 SAMUEL 21:6

to aiti hynñiew ngut ki rangbah na ki khun jong u ha ngi, te ngin phasi ïa ki ha U Trai ha Gibeah u Saul, uba la jied jong U Trai.” Bad u syiem u la ong, “Ngan aiti ïa ki.”

1 SYIEM 19:10

U te u la ong, “Nga la sngewskuiñ shikatdei na ka bynta U Trai, U Blei ki paid; naba ki khun Israel ki la lyndet ïa ka jutang jong me, ki la pynkyllon ïa ki duwan jong me, bad ki la pynïap ïa ki nongïathuhlypa jong me da ka waitlam: bad sa tang ma nga hi nga dang sah; bad ki wad ruh ïa ka jingim jong nga, ban shim noh ïa ka.”

1 SYIEM 21:29

“Me ïohi kumno u Ahab u pynrit ïa lade ha khmat jong nga? namar ba u pynrit ïa lade ha khmat jong nga, ngan ym wallam ïa kata ka basniew ha ki sngi jong u: hynrei, ha ki sngi u khun jong u ngan wallam ïa kata ka basniew halor ka ïing jong u.”

2 SYIEM 17:35

bad kiba U Trai u la lah pynlong ka jutang, bad u la hukum skhem ïa ki, u da ong, “Phin ym sheptieng ïa kiwei pat ki blei, lymne dem ïa lade ha ki, lymne shakri ïa ki, lymne kñia ha ki:

2 SYIEM 17:41

Kumta, kine ki jaid bynriew ki la sheptieng ïa U Trai, bad ki la shakri ruh ïa ki durblei ba la thaw; ki khun jong ki ruh kumjuh, bad ki khun ki khun jong ki, kumba la leh ki kpa jong ki, kumta hi ki leh haduh kane ka sngi.

2 SYIEM 23:26

La kumta ruh, U Trai um shym phai noh na ka jingotshla ka jingbitar bakhraw jong u, da kaba ka jingbitar jong u ka la meh pyrshah ïa ka Judah, na ka bynta kita ki jingpankwah baroh da kiba u Manasseh u la pankwah ïa u.

2 SYIEM 5:18

Ha kane kawei U Trai un map ïa la u shakri; haba u kynrad jong nga u leit sha ïing u Rimmon ban mane hangta, bad u shaniah ha ka kti jong nga, bad nga dem ïa lade ha ïing u Rimmon, haba nga dem ïa lade ha ïing u Rimmon, U Trai un map ïa u shakri jong me ha kane kaei kaei.”

2 SYIEM 5:27

Namar kata, ka pang 'ñiangthohlieh u Naaman kan bit ha me, bad ha u symbai jong me junom.” Bad u la leit mih noh na khmat jong u, u bapang 'ñiangthohlieh, lieh kat ka ïor.

2 KHRONIKL 25:14

Te hadien ba u Amasaïah u la wan phai na kaba pynïap ïa ki nong Edom, u la wallam ïa ki blei jong ki khun Seir, bad u la pynïeng ïa ki ban long ki blei jong u, bad u la dem ha khmat jong ki, bad u la thang jingiwbih ha ki.

2 KHRONIKL 7:19

“Hynrei, lada phi phai lyndet, bad phin iehnoh ïa ki aiñ jong nga bad ïa ki hukum jong nga ïa kiba nga la buh ha khmat jong phi, bad phin leit shakri ïa kiwei pat ki blei, bad mane ïa ki:

Ka Kitab U Job 21:19

‘U Blei,’ phi ong, ‘U buh tyngkai ïa ka jingbymhok jong u ïa ki khun jong u.’ Ai un siew ïa ka ha u hi, ba un ïoh tip ïa ka.

Ka Kitab U Job 5:4

Ki khun jong u ki jngai na kaba suk skhem, bad la pynlwet ïa ki ha ka khyrdop, ym don ruh u ban pyllait ïa ki.

SALM 109:14

Ai ban sah jingkynmaw ha U Trai ïa ka jingleh bymman ki kpa jong u; bad wat ai ban dam noh ka pop ka kmie jong u.

SALM 78:58

Ki la kynshuiñ ïa u ban bitar da ki jaka bajrong jong ki, bad ki la pynskuiñ ïa u da ki durblei ba-mutdur jong ki.

SALM 79:8

Wat kynmaw halor jong ngi ïa ki jingleh bymman ki kpa tymmen jong ngi: to ai ba ki jingisynei bajem jong me kin lap kloi ïa ngi: naba la pynpoh eh ïa ngi.

SALM 81:15

Kiba shun ïa U Trai kin da la pyndem ïa lade ha u: hynrei, ka por jong ki kan da la neh junom.

EKSODOS 23:24

Men ym dem ha ki blei jong ki, lymne shakri ïa ki, lymne leh katba kum ki kam jong ki: hynrei, men pynduh khoit ïa ki, bad lympat ïa ki durblei jong ki lyngkhot lyngkhai.

EKSODOS 34:14

Namar men ym mane ïa uwei pat u blei; naba U Trai, uba ka kyrteng jong u, ‘U Bathut shen’, u long U Blei u bathut shen keiñ:

PROBERB 8:36

Hynrei, uta uba leh pop ïa nga u pynsniew ïa la ka jong ka mynsiem: baroh kat kiba shun ïa nga ki ieit ïa ka jingïap.”

ISAÏAH 44:15

Te un long ïa u briew ba un thang; bad u shim na u, bad u pynsyaid ïa lade; u sliew ding ruh, bad u shet kpu: bad u thaw blei, bad u mane ïa u; u pynlong durblei, bad u dem ha ka.

ISAÏAH 44:19

Bad ym don uba puson ha la ka dohnud, lymne ym don ka jingtip lane ka jingshemphang ïa ka ban ong, “Shi bynta nga la thang ding; bad nga la shet kpu ruh ha ki rnga jong u; nga la syang doh bad nga la bam: hato ngan pynlong ïa kaba sah, ka jingijli? Ngan dem ha ka met u dieng?”

JEREMAÏAH 2:9

“Namar kata, ngan shu dang ïasaid bad phi,” ong U Trai, “bad ngan ïasaid bad ki khun ki khun jong phi.

JEREMAÏAH 32:18

uba leh ïa ka jingisynei ha ki hajar, bad uba siew bainong ïa ka pop ki kpa ha ka shadem ki khun jong ki, hadien jong ki: U Blei bakhraw, bad badonbor, ‘U Trai ki paid’ long ka kyrteng jong u:

ESEKIEL 18:19

“Hynrei, phi, phi ong, ‘Balei ba u khun um kit ïa ka jingbymhok u kpa jong u?’ Haba u khun u la leh ïa kata kaba dei bad ka bahok, bad u la sumar ïa ki aiñ jong nga baroh, bad u la leh ïa ki, da shisha un im.

ESEKIEL 18:2

“Phi mut aïu, ba phi pyndonkam ïa kane ka proberb shaphang ka ri ki Israel, phi da ong, ‘Ki kpa ki la bam ïa ki soh Waiñ ki bajew, bad ki bniat ki khun jong ki, ki shyrkhei?’

ESEKIEL 20:7

bad nga la ong ha ki, “To bred noh phi uwei uwei baroh ïa ki jingijli ki khmat jong u, bad wat pyntngit ïa lade da ki bleithaw ka ri Ijipt; nga long U Trai U Blei jong phi.”

ESEKIEL 39:25

Namar kata, kumne u ong U Trai U Blei: “Mynta ngan pynphai pat ïa ka jinglongmraw u Jakob, ba ngan isynei ïa ka ïing Israel baroh; bad ngan sngewskuiñ ruh na ka bynta ka kyrteng bakhuid jong nga.

ESEKIEL 8:3

Bad u la pynmih noh ïa ka dur ka kti, bad u la shim ïa nga na i 'ñiuh trong ka khlieh jong nga; bad uta U Mynsiem u la rah artet ïa nga hapdeng ka khyndew bad ka bneng, bad u la wallam ïa nga ha ki jingithuhpaw U Blei sha Jerusalem, sha ka jingkhang ka khyrdop ka phyllaw kaba hapoh kaba phai shaphang shatei; ha kaba la don ka jingshong ka dur ka jingatnud, kaba pynkynroi ïa ka jingatnud.

DANIEL 1:2

Bad U Trai u la ai noh ïa u Jehoïakim u syiem ka Judah ha ka kti jong u, lem bad shi bynta na ki khiew ki pliang ka ïing U Blei; te u la rah noh ïa ki sha ka ri Shinar sha ka ïing u blei jong u: bad u la wallam ïa kita ki khiew ki pliang ha ka ïing jingkynshew u blei jong u.

DANIEL 3:18

Hynrei, lada ym kumta, to tip me, ko syiem, ba ngin ym shakri ïa ki blei jong me, lymne mane ïa kata ka durblei ïa kaba me la pynïeng.”

LEBITIKOS 20:5

ynda kumta, ngan buh ma nga ïa ka khmat jong nga pyrshah ïa uta u briew, bad pyrshah ïa ka ïing jong u, bad ngan ot noh ïa u, bad ïa baroh ki ban leit bud ïa ka jingklim jong u, da kaba klim bad u Molek, napdeng u paidbah jong ki.

LEBITIKOS 26:1

“Wat thaw ki bleithaw ïa phi, lymne ka durblei ba la saiñ, lymne pynïeng ïa kano kano ka dur bynriew, bad phin ym buh ha ka ri jong phi ïa kano kano ka dur ba la thaw ha u maw, ïa ka ban dem ha khmat jong ka: naba nga long U Trai U Blei jong phi.

LEBITIKOS 26:29

Bad phin bam ïa ka doh ka jong ki khun shynrang jong phi, bad ïa ka doh ka jong ki khun kynthei jong phi.

NAHUM 1:2

U Trai u long U Blei u bathut shen bad u pynhiar kput; U Trai u pynhiar kput bad uba dap ka jingbitar; U Trai u pynhiar kput halor kiba ïaleh pyrshah ïa u, bad u buh tyngkai ïa ka jingbitar ïa ki nongshun jong u.

JINGKHEIÑ 14:18

‘U Trai u long uba shah slem, bad uba khraw ka jingisynei, uba map noh ïa ka pop, bad ïa ka jingpalat, khlem da pynksan da lei lei ruh ïa uba rem; uba pynwan hap ïa ka pop jong ki kpa halor ki khun ki ksiew, haduh ka balai, bad ka basaw pateng bynriew.’

JINGKHEIÑ 14:33

Ki khun jong phi ruh, kin ïaidwir kylleng la kylleng ha kane ka ri khlaw jin sawphew snem, bad kin ïakit shitom shi jot ïa ki jingïaleh nuti jong phi ha ban da la duh noh khoit ki metïap jong phi ha kane ka ri khlaw.

JINGKHEIÑ 25:11

“U Phinehas, u khun u Eleasar, u khun u Aaron lyngdoh, haba u la long uba shitrhem na ka bynta jong nga hapdeng jong ki, u la pynphai noh ïa ka jingbitar jong nga na ki khun Israel, ba ngam shym la pynduh noh ïa ki khun Israel ha kaba nga la thut eh.

MATHAÏOS 4:9

bad u la ong ha U, “Kita kiei kiei baroh ngan sa ai ha me, lada men dem ban mane ïa nga.”

ÏOANNIS 15:18

“Lada ka pyrthei ka shun ïa phi, phi tip ba ka la shun ïa nga mynshuwa ïa phi.

ÏOANNIS 7:7

Ka pyrthei kam lah ban shun ïa phi, hynrei, ka shun ïa nga, namar ba nga phla shaphang jong ka, ba ki jingleh jong ka ki long bymman.

ÏOANNIS 9:2

Ki synran jong U te ki la ïakylli ïa U, ki ong, “Ko Kynrad, uei ba la leh pop, une, ne ki kmie ki kpa jong u, ba la kha matlah ïa u?”

Ka Shithi U Paul Sha Ki Nong Rom 1:30

ki nongkrensiar pasiaw, ki nongkrensiar blab blab, ki nongshun ïa U Blei, kiba lehbeiñ eh, kiba leh khraw eh, kiba kren sarong eh, ki nongthaw buit ïa kiei kiei ki basniew, ki bymkohnguh ïa la ki kmie ki kpa,

Ka Shithi U Paul Sha Ki Nong Rom 8:7

Naba kata ka jingïaimut brai ka jong kata ka doh, ka long ka jingshun ïa U Blei; namar kam pynhapoh ïa lade ïa ka hukum U Blei, lymne shisha kam lah keiñ.

1 KORINTH 10:22

Hato ngi pynbitar ne em ïa U Trai? hato ngi long kiba kham khlaiñ ban ïa u?

DEUTERONOMI 32:21

Ki la kynshuiñ ïa nga da kata ka bymlong blei; ki la pynbitar ïa nga da ki jingthala jong ki: nga de ngan pynkynshuiñ ïa ki da kita ki bymlong u paidlang; ngan pynbitar ïa ki da ka jaid bynriew ba-bieit.

DEUTERONOMI 32:41

Lada nga shut ïa la ka waitlam baphyrnai, bad ka kti jong nga ka bat ïa ka jingbishar; nga ngan pynhiar kput ha ki nongshun jong nga bad ngan ai nong ha kita kiba isih ïa nga.

DEUTERONOMI 4:24

Naba U Trai uba U Blei jong me, u long ka ding kaba bam duh, U Blei u bathut shen.

DEUTERONOMI 5:10

uba leh isynei ruh ïa ki hajar jong kiba ieit ïa nga, bad ba sumar ïa ki hukum jong nga.

DEUTERONOMI 5:9

men ym dem ïa ki, bad men ym shakri ruh ïa ki: naba ma nga U Trai uba U Blei jong me, nga long U Blei u bathut shen, uba pynwan ïa ka jingpalat ki kpa halor ki khun haduh ka balai, bad ka basaw pateng bynriew jong kiba isih ïa nga;

DEUTERONOMI 6:15

Naba U Trai uba U Blei jong me u long U Blei u bathut shen hapdeng jong phi; ba ïoh kan meh ka jingbitar U Trai uba U Blei jong me pyrshah ïa me, bad un pynjot noh ïa me na khmat ka khyndew.

DEUTERONOMI 7:10

bad u pynhiar kput pyrshah khmat ïa kiba shun ïa u, ïa ka ban pynjot noh ïa ki: un ym tud slem ïa uta uba shun ïa u, un pynhiar kput keiñ pyrshah khmat ïa u.

JAKOB 4:4

Phi kiba klim, hato phim tip ba kata ka jingïalok bad ka pyrthei ka long ka jingshun ïa U Blei? namar kata, uno uno ruh uba mon ban long u lok ka pyrthei, u pynlong ïa lade uba shun ïa U Blei keiñ.

JOSHUA 23:16

Haba phin ryngkang ïa ka jutang U Trai U Blei jong phi, kaba u la hukum ïa phi, bad phin leit shakri ïa kiwei ki blei, bad phin dem ïa lade ha ki; ynda kumta, ka jingbitar U Trai kan meh pyrshah ïa phi, bad phin duh shen na kane ka ri ka babha kaba u la ai ha phi.”

JOSHUA 23:7

ba phin ym ïalok bad kine ki jaid bynriew, kiba dang sah hapdeng jong phi; lymne wat ong ïa ka kyrteng ki blei jong ki, lymne smai ha ki, lymne shakri ïa ki, lymne dem ïa lade ha ki:

JOSHUA 24:19

Te u Joshua u la ong ha uta u paidbah, “Phi phim lah ban shakri ïa U Trai; namar u long U Blei u bakhuid; u long U Blei u bathut shen; un ym map ïa ki jingpalat lymne ïa ki pop jong phi.

NONGBISHAR 2:19

Hynrei, haba uta u nongbishar u la ïap, ki la phai dien, bad ki la nang kham leh sniew ban ïa ki kpa jong ki, ha kaba bud ïa kiwei pat ki blei ban leit shakri ïa ki, bad ban dem ngon ha ki; kim shym la phai noh na la ki jingleh, lymne na ka lynti bamutlop jong ki.