EKSODOS 20:4 - KA BAIBL

⁴ “Men ym thaw bleithaw ïa lade, lymne ïa ka dur jong kaei kaei ruh kaba don ha bneng sha jrong, lymne ha ka khyndew shapoh, lymne ha ka um hapoh ka khyndew:

Khasi CL Bible (BSI)

⁴ “Wat thaw durblei na ka bynta ïa lade, ïa kaei kaei kaba don ha bneng shajrong, ne ha ka khyndew sha tbian, ne ha ka um hapoh ka khyndew.

EKSODOS 20:4 ပူးပေါင်းရင်းမြစ်များ

1 SYIEM 12:28

Namar kata, u syiem u la ïapyrkhat, bad u la thaw ar tylli ki khun masi ksiar; bad u la ong ha ki, “Ka shitom eh ba phi leit kiew sha Jerusalem; ha khmih ki blei jong me, ko Israel, kiba la wallam ïa me na ka ri Ijipt.”

2 SYIEM 17:12

bad ki la shakri ruh ïa ki durblei, ïa kiba U Trai u la lah ong ïa ki, “Phin ym leh ïa kane.”

2 KHRONIKL 33:7

Bad u la buh ïa ka dur ba la mut jong kata ka bleithaw, ïa kaba u la thaw, ha ka ïing U Blei, ïa kaba U Blei u la ong ha u Dabid bad ha u Solomon u khun jong u, “Ha kane ka ïing, bad ha Jerusalem, ïa kaba nga la jied na ki jaid Israel baroh, ngan buh ïa ka kyrteng jong nga ha la ka rta:

SALM 78:58

Ki la kynshuiñ ïa u ban bitar da ki jaka bajrong jong ki, bad ki la pynskuiñ ïa u da ki durblei ba-mutdur jong ki.

SALM 97:7

To kin lehrain khop kita baroh kiba shakri ïa ki dur bleithaw, kiba sngewsarong ha ki bleithaw: to mane ïa u, phi ki blei baroh.

EKSODOS 20:23

Nalor jong nga wat thaw ïa ki blei da ka rupa, lymne wat thaw ha phi ïa ki blei da ka ksiar.

EKSODOS 32:1

Te haba uta u paidlang u la ïohi ba u Moses u tud ban wan hiar na uta u lum, uta u paidlang u la ïalum lang ha u Aaron, bad u la ong ha u, “To ïeng, to thaw blei ïa ngi, ban leit sha shuwa jong ngi; naba une u Moses, uta u briew keiñ uba la wallam artet ïa ngi na ka ri Ijipt, ngim tip shuh la jia aïu ïa u.”

EKSODOS 32:23

Namar ki la ïa-ong ha nga, ‘To thaw blei ïa ngi, ba un leit ha shuwa jong ngi: naba une u Moses, uta u briew uba la wallam noh artet ïa ngi na ka ri Ijipt, ngim tip shuh la jia aïu ïa u.’

EKSODOS 32:4

Haba u la pdiang te ïa ki na ki kti jong ki, u la pynlong dur da ka atiar, bad u la thaw khun masi da kaba shu saiñ: ki la ïa-ong te, “Une u long u blei jong me, A Israel, uba la wallam artet ïa me na ka ri Ijipt.”

EKSODOS 32:8

ki la ïaid sakma noh kloi na kata ka lynti ïa kaba nga la hukum ïa ki: ki la ïathaw dur khun masi ba la shu saiñ ha ki, bad ki la ïamane ïa u, ki la ai jingkñia ruh ha uta, bad ki la ïa-ong, ‘Une u blei jong me, A Israel, uba la wallam noh artet ïa me na ka ri Ijipt.’ ”

EKSODOS 34:17

“Wat thaw ïa me ïa ki dur bleithaw ba la saiñ.

ISAÏAH 42:17

Yn pynkylla dien ïa ki, yn pynsngew lehrain khop ïa kiba shaniah ha ki bleithaw, kiba ong ha ki dur kiba la saiñ, “Phi long ki blei jong ngi.”

ISAÏAH 42:8

Nga long U Trai; kata ka long ka kyrteng jong nga: te ïa la ka burom ngan ym ai ha uwei pat, lymne ïa la ka jingïaroh ha ki bleithaw.

ISAÏAH 45:16

Kine baroh kin sngewlehrain, kin sngewlyngngoh ruh: kin leit lang sha ka jingsngewlyngngoh kiba thaw ïa ki bleithaw.

ESEKIEL 20:7

bad nga la ong ha ki, “To bred noh phi uwei uwei baroh ïa ki jingijli ki khmat jong u, bad wat pyntngit ïa lade da ki bleithaw ka ri Ijipt; nga long U Trai U Blei jong phi.”

ESEKIEL 8:10

Kumta, nga la leit hapoh bad nga la ïohi; te ha khmih, man ka dur ki kynja bapar, bad ki mrad ba-ijli, bad baroh ki bleithaw ka ïing Israel, ba la ringdur halor kata ka kynroh baroh sawdong.

ESEKIEL 8:3

Bad u la pynmih noh ïa ka dur ka kti, bad u la shim ïa nga na i 'ñiuh trong ka khlieh jong nga; bad uta U Mynsiem u la rah artet ïa nga hapdeng ka khyndew bad ka bneng, bad u la wallam ïa nga ha ki jingithuhpaw U Blei sha Jerusalem, sha ka jingkhang ka khyrdop ka phyllaw kaba hapoh kaba phai shaphang shatei; ha kaba la don ka jingshong ka dur ka jingatnud, kaba pynkynroi ïa ka jingatnud.

LEBITIKOS 19:4

Wat phai noh ha ki bleithaw, bad wat thaw ïa phi ïa ki blei ba la saiñ: Nga long U Trai U Blei jong phi keiñ.

LEBITIKOS 26:1

“Wat thaw ki bleithaw ïa phi, lymne ka durblei ba la saiñ, lymne pynïeng ïa kano kano ka dur bynriew, bad phin ym buh ha ka ri jong phi ïa kano kano ka dur ba la thaw ha u maw, ïa ka ban dem ha khmat jong ka: naba nga long U Trai U Blei jong phi.

JINGKHEIÑ 12:8

Ha u ngan kren markhmat, da kaba paw shynna ym ha ka pharshi; bad ha ka dur un ïoh khmih ïa U Trai: namar kata, balei phim shym la sheptieng ïa ka ban kren pyrshah ïa u shakri jong nga, ïa u Moses keiñ?”

KI KAM 17:29

“Te haba ngi long ki khun ki ksiew jong U Blei, ym dei ïa ngi ban mut ba Ka Jinglong Blei ka long syriem ïa ka ksiar lane ïa ka rupa lane ïa u maw, ba la pynlong dur da ka kam stad bad ka buit jong u briew.

Ka Shithi U Paul Sha Ki Nong Rom 1:23

bad ki la ïapli ïa ka burom ka jong U Blei u bympyut bad iba kum i dur i jong u briew bapyut, bad i jong ki sim, bad i jong ki mrad ba saw kjat, bad i jong kiei kiei ruh ki bapar de.

DEUTERONOMI 16:22

Lymne, wat pynïeng ïa kano kano ruh ka dur bleithaw; ïa kaba U Trai uba U Blei jong me u isih.

DEUTERONOMI 27:15

“ ‘Ka jingtim ïa uta u briew uba thaw ïa ka durblei ba la mut lane ba la saiñ, ka jingijli keiñ ha U Trai, ka kam jong ki kti u nongthaw stad, bad uba buh ïa ka ha kaba rieh.’ Bad uta u paidlang baroh kin ïathuh kin ïa-ong ruh, ‘Amen.’

DEUTERONOMI 5:8

“ ‘Men ym thaw dur bleithaw ba shu mut ïa lade, lymne ïa ka dur jong kaei kaei ruh kaba don ha bneng sha jrong, lymne ka jong kaba ha ka khyndew shapoh, lymne ka jong kaba ha ki um shapoh ka khyndew:

JINGPYNPAW 16:2

Te u banyngkong u la leit noh, bad u la theh noh ïa ka pliang jong u halor kata ka khyndew; bad la long ka tohjaw basniew bad bashitom eh halor kita ki briew kiba don ka dak uta u mrad khlaw, bad kiba ïamane dem ïa ka dur jong u.

JINGPYNPAW 9:20

Te kita kiba sah na ki bynriew, ïa kiba ym shym la pynïap noh da kine ki jingïapthem, kim shym la kylla-ka-bamut na kita ki jingleh ki kti jong ki, ba kin ym mane ïa kita ki ksuid, bad ïa kita ki bleithaw kiba da ka ksiar, bad da ka rupa, bad da ka rnong, bad da u maw, bad da ka dieng, ki bym lah ban ïohi, lymne ïohsngew, lymne ïaid:

NONGBISHAR 17:3

Bad u la ai pat ïa kita ki khatwei spah ki sbai rupa ha la ka kmie, ka kmie jong u te ka la ong, “Nga shisha nga pynkyntang ïa kata ka rupa ha U Trai na la ka kti na ka bynta u khun jong nga, ban mutdur bleithaw bad ban saiñdur bleithaw; te mynta, ngan ai noh ïa ka ha me.”