EKSODOS 20:3 - KA BAIBL

³ “Men ym ïoh kiwei kiwei ki blei nalor jong nga.

Khasi CL Bible (BSI)

³ “Wat mane ïa uwei pat u blei hynrei tang ïa nga.

EKSODOS 20:3 ပူးပေါင်းရင်းမြစ်များ

1 SYIEM 11:4

Namar ynda u Solomon u la tymmen, ki tnga jong u ki la pynphai noh ïa ka dohnud jong u sha kiwei pat ki blei: bad ka dohnud jong u kam shym long janai bad U Trai U Blei jong u, kumba la long ka dohnud u Dabid u kpa jong u.

SALM 29:2

To ai ha U Trai ïa ka burom kaba dei ïa ka kyrteng jong u; to mane ïa U Trai ha ka jingitynnad ka jingkhuid.

SALM 73:25

Nga don ïano ha bneng hynrei, tang ma me? Bad ym don ha ka khyndew uba nga kwah nalor jong me.

SALM 81:10

Nga, nga long U Trai U Blei jong me, uba la wallam noh ïa me na ka ri Ijipt: to ang bha ïa la ka shyntur, te ngan pyndap ïa ka.

SALM 81:9

U blei uba khyllah un ym long ha me; lymne men ym mane ïa uno uno u blei uba khyllah.

EKSODOS 15:11

“Uei uba kat ma me, A Trai, hapdeng ki blei? uei uba kat ma me uba tyngshaiñ ha ka jingkhuid, uba itieng ha ki jingïaroh, uba leh ïa ki kam phylla?

EKSODOS 20:23

Nalor jong nga wat thaw ïa ki blei da ka rupa, lymne wat thaw ha phi ïa ki blei da ka ksiar.

EKSODOS 22:19

“Uno uno ruh uba thiah lem bad ka mrad, ka dei shisha ban pynïap noh ïa u.

EKSODOS 23:24

Men ym dem ha ki blei jong ki, lymne shakri ïa ki, lymne leh katba kum ki kam jong ki: hynrei, men pynduh khoit ïa ki, bad lympat ïa ki durblei jong ki lyngkhot lyngkhai.

EKSODOS 32:8

ki la ïaid sakma noh kloi na kata ka lynti ïa kaba nga la hukum ïa ki: ki la ïathaw dur khun masi ba la shu saiñ ha ki, bad ki la ïamane ïa u, ki la ai jingkñia ruh ha uta, bad ki la ïa-ong, ‘Une u blei jong me, A Israel, uba la wallam noh artet ïa me na ka ri Ijipt.’ ”

EKSODOS 34:14

Namar men ym mane ïa uwei pat u blei; naba U Trai, uba ka kyrteng jong u, ‘U Bathut shen’, u long U Blei u bathut shen keiñ:

ISAÏAH 26:4

To shaniah ha U Trai junom: namar ha U Trai Jehobah don u mawsiang bymjukut.

ISAÏAH 42:8

Nga long U Trai; kata ka long ka kyrteng jong nga: te ïa la ka burom ngan ym ai ha uwei pat, lymne ïa la ka jingïaroh ha ki bleithaw.

ISAÏAH 43:10

Ma phi, phi long ki sakhi jong nga,” ong U Trai, “bad u shakri jong nga ïa uba nga la jied: ba phin tip bad ba phin ngeit ha nga, bad sngewthuh ba nga long uta; ha shuwa jong nga ym shym la thaw blei, lymne hadien jong nga ruh yn ym long.

ISAÏAH 44:8

To wat sheptieng, lymne khaw-eit: ngam shym la pynbna ha me naduh mynhyndai, bad nga la pynpaw ïa ka? Bad phi, phi long ki sakhi jong nga. Don U Blei nalor jong nga? Shisha, ym don U Mawsiang; nga ngam tip ïa uno uno.”

ISAÏAH 46:9

To kynmaw ïa kiei kiei kiba mynshuwa na mynbarim: namar nga, nga long U Blei, bad ym don uwei pat; nga long U Blei, bad ym don uba kat nga;

JEREMAÏAH 25:6

bad wat leit bud ïa kiwei pat ki blei ban shakri ïa ki, bad ban mane ïa ki, bad wat pankwah ïa nga ban bitar da ka kam ki kti jong phi; te ngan ym pynsniew ïa phi.’

JEREMAÏAH 35:15

Nga la phah ruh ïa ki shakri jong nga ki nongïathuhlypa baroh ha phi, nga da khie dang step bad nga phah ïa ki, da kaba ong, ‘To phai phi mynta uwei pa uwei na la ka lynti basniew, bad pynbeit ïa ki jingleh jong phi, bad wat leit bud ïa kiwei pat ki blei ban shakri ïa ki, bad phi ïoh shong ha ka ri kaba nga la ai ha phi bad ha ki kpa jong phi: hynrei, phim shym la shahshkor, lymne sngap ïa nga.’

JEREMAÏAH 7:9

Phin tuh, pynïap briew, bad klim, bad phin smai lamler, bad phin thang ka jingiwbih ïa u Baal, bad leit bud ïa kiwei pat ki blei kiba phim shym tip,

DANIEL 3:18

Hynrei, lada ym kumta, to tip me, ko syiem, ba ngin ym shakri ïa ki blei jong me, lymne mane ïa kata ka durblei ïa kaba me la pynïeng.”

HOSIA 13:4

“Pynban, nga, nga long U Trai U Blei jong me na ka ri Ijipt: te men ym ithuh ïa uwei pat u blei lait na nga, nalor jong nga ruh ym don nongpynim shuh.

MATHAÏOS 4:10

Ynda kumta, U Jisu u la ong ha u, “Khie leit noh, me u Soitan: naba la thoh: “ ‘Men mane ïa U Trai uba U Blei jong me, tang ïa u hi ruh men shakri.’ ”

1 KORINTH 8:4

Shaphang kaba bam, namar kata, na kita kiei kiei ruh ba la kñia ha ki bleithaw, ngi tip ba u bleithaw um long ei ei ruh em ha ka pyrthei, bad ba ym don U Blei, hynrei, tang uwei.

1 KORINTH 8:6

hynrei, ïa ngi, don tang uwei U Blei U Kpa, na uba long kiei kiei baroh, bad ma ngi ha u; bad uwei U Trai uba U Jisu Khrist, da u, ba long kiei kiei baroh, bad ma ngi da u.

EPHESOS 5:5

Namar phi tip skhem ïa kane, ba uwei pa uwei uba klim, bad uba leh jakhlia, bad uba ikwah lalot, uba long uba mane bleithaw, um don ka bynta ha ka hima U Khrist bad U Blei.

DEUTERONOMI 5:7

“ ‘Men ym ïoh kiwei kiwei ki blei nalor jong nga.

DEUTERONOMI 6:14

Phin ym leit hadien kiwei kiwei pat ki blei, na ki blei jong ki briew kiba baroh sawdong ïa phi.

DEUTERONOMI 6:5

te men ieit ïa U Trai uba U Blei jong me da la ka dohnud baroh, bad da la ka mynsiem baroh, bad da la ka bor baroh.

PHILIPPI 3:19

kiba ka bakut jong ki, long ka jingjot, kiba u blei jong ki, long ka kpoh, bad ka burom jong ki, long ha ka jinglehrain jong ki, kiba ïaimut brai ïa kiei kiei ruh kiba ha ka khyndew.

KOLOSSAI 2:18

To wat shah ïano ïano ruh ban knieh ïa ka jingïathong jong phi da ka jinglehrit bad kaba mane ïa ki angel katba mon, da kaba ïeng ha kita kiei kiei ruh ïa kiba u la ïohi, ba la pynmeng kai da kata ka jingmut ka doh jong u,

JINGPYNPAW 19:10

Te nga la hap dem ha khmat ki kjat jong u ban mane dem ha u. Te u ong ha nga, “To sumar me, wat leh ïa kata! nga long u para shakri jong me bad jong kita ki parabangeit jong me kiba bat ïa ka jingphla U Jisu. To mane dem ïa U Blei” (namar kata ka jingphla U Jisu ka long ka mynsiem ka jingïathuhlypa).

JINGPYNPAW 22:9

Te u ong ha nga, “To sumar me, wat leh ïa kata! namar nga long u para shakri jong me bad jong kita ki parabangeit jong me ki nongïathuhlypa, bad jong kita kiba ïasumar ïa ki ktien jong kane ka kitab: to mane dem ïa U Blei.”

NONGBISHAR 6:10

nga la ong de ha phi: ‘Nga long U Trai uba U Blei jong phi; phin ym sheptieng ïa ki blei ki Amor, ha ka ri jong kiba phi shong’; hynrei, phim shym la shahshkor ïa ka ktien jong nga.”