EKSODOS 20:24 - KA BAIBL

²⁴ Men thaw ïa nga ka duwan da ka khyndew, bad men kñia ïa ki jingainguh thang, bad ïa ki jingkñia bapynïasuk jong me halor jong ka, ïa ki langbrot jong me, bad ïa ki masi dab jong me: ha ki jaka baroh ha kiba nga buh ïa ka jingpynkynmaw ïa ka kyrteng jong nga, ngan wan sha me, bad ngan kyrkhu ruh ïa me.

Khasi CL Bible (BSI)

²⁴ Tei ïa nga kawei ka duwan da ka khyndew, bad kñia ïa ki langbrot bad ki masi jong phi halor jong ka kum ki jingainguh thang bad ki jingainguh ïasyllok. Ha man la ka jaka ba nga pynkyrpang ba phin mane ïa nga, ngan wan bad kyrkhu ïa phi.

EKSODOS 20:24 ပူးပေါင်းရင်းမြစ်များ

JENESIS 12:2

bad ngan pynlong na me ïa ka jaid bynriew kaba khraw, bad ngan kyrkhu ïa me, bad ngan pynkhraw ïa ka kyrteng jong me; me ruh men long ka jingkyrkhu:

2 SAMUEL 6:12

Te la ïathuh ha u syiem Dabid, da kaba ong, “U Trai u la kyrkhu ïa ka ïing u Obed-edom, bad ïa kiei kiei baroh ki jong u, na ka bynta kata ka synduk U Blei.” Kumta te, u Dabid u la leit wallam noh artet ïa ka synduk U Blei na ïing u Obed-edom sha ka nongbah u Dabid da ka jingkmen.

1 SYIEM 8:29

ba ki khmat jong me kin peit sha kane ka ïing mynmiet bad mynsngi, sha ka jaka ïa kaba me la ong, ‘Ka kyrteng jong nga kan long hangta’: ban shahshkor ïa ka jingduwai ba u shakri jong me un duwai sha kane ka jaka.

1 SYIEM 8:43

to sngew ma me ha bneng ka jaka shongneh jong me, bad to leh baroh katba kum ka jingkyrpad uta u nongwei ha me; ba ki kynja bynriew ka pyrthei baroh kin tip ïa ka kyrteng jong me, ban sheptieng ïa me, kumba leh ki briew jong me ki Israel, bad ba kin tip ba ïa kane ka ïing kaba nga la tei la khot da ka kyrteng jong me.

1 SYIEM 9:3

Te U Trai u la ong ha u, “Nga la shahshkor ïa ka jingduwai jong me bad ïa ka jingkyrpad jong me, ba me la pynlong ha khmat jong nga: nga la pynkyntang ïa kane ka ïing, kaba me la tei, ïa ka ban buh ïa ka kyrteng jong nga hangta ha la ka rta; te ki khmat jong nga bad ka dohnud jong nga kin long hangta borabor.

2 SYIEM 5:17

Te u Naaman u la ong, “Lym kumta ruh, hynrei, nga kyrpad ïa me, to shah ban ai ha u shakri jong me ka khyndew ar kit ki kadda; namar u shakri jong me un ym ainguh naduh mynta ka jingainguh thang, lymne ka jingkñia ha kiwei pat ki blei, hynrei, tang ha U Trai.

2 KHRONIKL 12:13

Kumta, u syiem Rehoboam u la pynskhem ïa lade ha Jerusalem, bad u la synshar: namar u Rehoboam u la sawphew wei snem ka rta haba u la sdang ban synshar, bad u la synshar khathynñiew snem ha Jerusalem, ka shnong kaba U Trai u la jied na ki jaid Israel baroh, ban buh la ka kyrteng hangta: te ka kyrteng ka kmie jong u ka long “ka Naamah” ka nong Ammon.

2 KHRONIKL 6:6

hynrei, nga la jied ïa ka Jerusalem, ba ka kyrteng jong nga kan ïoh long hangta: bad nga la jied ïa u Dabid ban long halor u paidbah jong nga ki Israel.’ ”

2 KHRONIKL 7:16

Namar mynta nga la jied bad nga la pynkyntang kyntang ïa kane ka ïing, ba ka kyrteng jong nga ka lah ban long hangta ha la ka rta: bad ki khmat jong nga bad ka dohnud jong nga kin long hangta junom.

ESRA 6:12

bad uta U Blei uba la pynshong duh ïa la ka kyrteng hangta un pynjot noh ïa ki syiem bad ki briew baroh, ki ban kner noh ïa la ka kti ban pynkylla ïa kane, ban pynjot ïa kane ka ïing U Blei kaba ha Jerusalem. Ma nga u Daraïos nga la hukum; leh ïa ka kumne kumne.”

NEHEMAÏAH 1:9

hynrei, lada phin phai sha nga, bad phin sumar ïa ki hukum jong nga bad leh ïa ki, la kiba la beh noh na phi ki don ha ka bakut ka bneng, pynban, ngan ïalum ïa ki nangta, bad ngan wallam ïa ki ha kata ka jaka kaba nga la jied ban sah ka kyrteng jong nga ha ka.’

SALM 101:2

Ngan leh stad ha ka lynti kaba janai: A lano men wan ha nga? ngan ïaid ha la ïing bad ka dohnud ka bajanai.

SALM 122:2

Ki kjat jong ngi ki ïeng hapoh ki khyrdop jong pha, ko Jerusalem.

SALM 128:5

U Trai un kyrkhu ïa me na ka Seïon: bad men ïohi ïa ka jingbha ka Jerusalem baroh ki sngi ka rta jong me.

SALM 134:3

To U Trai un kyrkhu ïa me na ka Seïon; uta keiñ uba la thaw ïa ka bneng bad ïa ka khyndew.

SALM 74:7

Ki la thang da ka ding ïa ka jaka kyntang jong me; ki la pynsang ïa ka jaka shong ka kyrteng jong me haduh khyndew.

SALM 76:2

Ha Salem ruh ka don Ka Tabernakl jong u, bad ka jaka shong jong u ha Seïon.

SALM 78:68

hynrei, u la jied ïa ka jaid Judah, ïa u lum Seïon uba u la ieit.

EKSODOS 10:25

Te u Moses u la ong, “Men ai ruh ha ngi ïa ki jingkñia bad ïa ki jingainguh thang, ba ngin ïoh kñia ainguh ha U Trai U Blei jong ngi.

EKSODOS 18:12

Te u Jethro, u kthaw kurim u Moses, u la shim ïa ka jingainguh thang bad ïa ki jingkñia ainguh ïa U Blei: bad u Aaron u la wan lem bad ki tymmen basan ki Israel baroh, ïa ka ban bam kpu lem bad u kthaw kurim u Moses ha khmat U Blei.

EKSODOS 20:25

Hynrei, lada men thaw ïa nga ka duwan da u maw, wat tei ïa ka da ki maw ba la shtah: namar lada me rah da la ka atiar halor jong ka, me la pyntngit ïa ka.

EKSODOS 24:4

Te u Moses u la thoh ïa ki ktien U Trai baroh, bad u la khie ruh dang step, bad u la tei ïa ka duwan ha trai uta u lum, bad ïa ki khat-ar ki païa, katba kum ki khat-ar jaid Israel.

EKSODOS 24:5

Te u la phah ïa ki samla na ki khun Israel, kiba la kñia ïa ki jingainguh thang, bad ki la kñia da ki masi lyngraw ïa ka jingkñia bapynïasuk ha U Trai.

EKSODOS 27:1

“Men thaw ruh ïa ka duwan da u dieng Shittim, san pruh ka lynter, bad san pruh ka pyngkiang; kata ka duwan kan long sawdong; bad ka jingjrong jong ka, lai pruh.

ISAÏAH 64:5

Me ju ïashem bad uta uba shadkmen bad uba leh hok, kita kiba kynmaw ïa me ha ki lynti jong me: ha khmih, me la bitar lep, bad ngi la leh pop: ha kita ngi la ïailong slem, te yn sa pynim ïa ngi?

LEBITIKOS 17:9

khlem da wallam ïa ka ha ka jingkhang Ka Tabernakl ka jingïaseng, ïa ka ban kñia ainguh ïa ka ha U Trai; yn ot noh ïa uta u briew na u paidlang jong u.

MALAKHI 1:11

Naba na kaba mih ka sngi jin haduh kaba sep jong ka, ka kyrteng jong nga ka long kaba khraw hapdeng ki Jentil; bad ha ka jaka baroh la ainguh da ka jingainguh baiwbih ha ka kyrteng jong nga, bad da ka jingainguh ka bakhuid: naba ka kyrteng jong nga ka long kaba khraw hapdeng ki Jentil,” ong U Trai ki paid.

MATHAÏOS 18:20

Naba ha kaba don ar ngut ne lai ngut kiba la ïaseng ha ka kyrteng jong nga, hangta nga don hapdeng jong ki.”

MATHAÏOS 28:20

da hikai ïa ki ban sumar ïa kiei kiei baroh kat kiba nga la hukum ïa phi. Ha khmih ruh, nga, nga long ryngkat bad phi ha la ka sngi, haduh kaba wai noh ka pyrthei.”

DEUTERONOMI 12:11

ynda kumta, kan long ka jaka ïa kaba U Trai uba U Blei jong phi un jied ïa ka ban pynshong ïa la ka kyrteng hangta, shata keiñ, phin wallam ïa baroh ba nga hukum ïa phi: ïa ki jingainguh thang jong phi, bad ïa ki jingkñia jong phi, ïa kiba shiphew jong phi, bad ïa ka jingainguh kyntiew jong ka kti jong phi, bad ïa ki jingkular skhem ba jied bha baroh jong phi ïa kiba phi kular ha U Trai:

DEUTERONOMI 12:21

Lada kata ka jaka ïa kaba U Trai uba U Blei jong me u la jied ban buh ïa la ka kyrteng ha ka, ka long kham jngai na me, te kumta, men ïoh pynïap na ki masi jong me, bad na ki langbrot jong me, ïa kiba U Trai u la ai ha me, kumba nga la hukum ïa me, bad men ïoh bam ha la ki khyrdop ïa kaei kaei ruh, katba ka dohnud jong me ka kwah eh.

DEUTERONOMI 12:5

Hynrei, phin ïawad ïa kata ka jaka, ha kaba U Trai uba U Blei jong phi un jied na ki jaid jong phi baroh, ïa ka ban buh ïa la ka kyrteng hangta, ïa ka jaka shongneh jong u keiñ, bad hangta, phin wan ruh:

DEUTERONOMI 14:23

Bad to men bam ha khmat U Trai uba U Blei jong me ha kata ka jaka ïa kaba un jied ban buh ïa la ka kyrteng ha ka, ïa kaba shiphew na u Kew jong me, na ka Waiñ jong me, bad na ka umphniang jong me, bad na kiba kha nyngkong ki masi jong me, bad ki blang jong me; ba men dup nang ban sheptieng ïa U Trai uba U Blei jong me ha la ka sngi.

DEUTERONOMI 16:11

To men ïalehkmen ruh ha khmat U Trai uba U Blei jong me, ma me, bad u khun jong me, bad ka khun jong me, bad u shakri jong me, bad ka shakri jong me, bad u Lebi ruh uba hapoh ki khyrdop jong me, bad u nongwei, bad ki khunswet, bad ki riewkynthei de, kiba hapdeng jong phi, ha kata ka jaka ïa kaba U Trai uba U Blei jong me u la jied ban buh ïa la ka kyrteng ha ka.

DEUTERONOMI 26:2

ba men shim na u soh nyngkong jong ka khyndew baroh, ïa uba men wallam na ka ri jong me ïa kaba U Trai uba U Blei jong me u ai ha me; men buh ruh ha ka shang, bad men leit sha kata ka jaka ïa kaba U Trai uba U Blei jong me un jied ban buh ïa la ka kyrteng ha ka.

DEUTERONOMI 7:13

bad un ieit ïa me, bad un kyrkhu ïa me, bad un pynroi ruh ïa me: bad un kyrkhu ruh ïa u soh ka kpoh jong me, bad ïa u soh ka ri jong me, ïa u Kew jong me, bad ïa ka Waiñ jong me, bad ïa ka umphniang jong me, bad ïa ka jingroi ki masi jong me, bad ïa ki kynhun langbrot jong me, ha kata ka ri ïa kaba u la smai ha ki kpa jong me ban ai ha me.

1 TIMOTHI 2:8

Nga kwah, namar kata, ïa ki rangbah ban duwai ha ka jaka baroh, da kaba rah ïa ki kti bakhuid khlem ka jingbitar bad ka jingïasaid.