EKSODOS 20:23 - KA BAIBL

²³ Nalor jong nga wat thaw ïa ki blei da ka rupa, lymne wat thaw ha phi ïa ki blei da ka ksiar.

Khasi CL Bible (BSI)

²³ Wat thaw na ka bynta ïa lade ki blei kiba da ka rupa ne da ka ksiar ban mane ïa ki nalor jong nga.

EKSODOS 20:23 ပူးပေါင်းရင်းမြစ်များ

2 SYIEM 17:33

Ki la sheptieng ïa U Trai, bad ki la shakri ïa ki blei jong ki hi, katba kum ka rukom kita ki jaid bynriew napdeng jong kiba la lah ring noh ïa ki.

2 SYIEM 17:41

Kumta, kine ki jaid bynriew ki la sheptieng ïa U Trai, bad ki la shakri ruh ïa ki durblei ba la thaw; ki khun jong ki ruh kumjuh, bad ki khun ki khun jong ki, kumba la leh ki kpa jong ki, kumta hi ki leh haduh kane ka sngi.

EKSODOS 32:31

Kumta, u Moses u la leit phai sha U Trai, bad u la ong, “A, une u paidlang u la leh ïa ka pop ka bakhraw eh, bad ki la ïathaw blei da ka ksiar ha ki.

EKSODOS 34:17

“Wat thaw ïa me ïa ki dur bleithaw ba la saiñ.

ESEKIEL 20:39

Hynrei, ïa phi, ko ka ïing Israel, kumne u ong U Trai U Blei: “To khie, uwei uwei baroh shakri ïa la ki bleithaw, bad lashai lashisngi ruh, lada phim shahshkor ïa nga: hynrei, ïa ka kyrteng jong nga phin ym lehbeiñ sang shuh da ki jingai sngewbha jong phi, bad da ki bleithaw jong phi.

ESEKIEL 43:8

ha kaba ki buh ïa ka phyllaw jong ki hajan ka phyllaw jong nga, bad ïa ka shawkad jingkhang jong ki hajan ka shawkad jingkhang jong nga, bad la don tang ka kynroh hapdeng jong nga bad ki; bad ki la pyntngit ïa ka kyrteng bakhuid jong nga da ki jingijli jong ki, ïa kiba ki la leh: naba kumta nga la pynduh khoit ïa ki ha ka jingbitar jong nga.

DANIEL 5:23

hynrei, me la kyntiew ïa lade pyrshah ïa U Trai ka bneng; bad ki la wallam ïa ki khiew ka ïing jong U ha khmat jong me, bad me bad ki rangbah jong me, ki tnga jong me bad ki tnga kliar jong me, phi la ïadih Waiñ da kita; bad me la ïaroh ïa ki blei kiba da ka rupa, bad da ka ksiar, da ka rnong, da u nar, da ka dieng, bad da u maw, ki bymïohi, lymne ïohsngew, lymne tip: bad ïa U Blei uba ha ka kti jong u ka jingring mynsiem jong me ka don, bad uba ki lynti jong me baroh ki long ki jong u, mem shym la pyndonburom.

DANIEL 5:4

Ki la ïadih Waiñ, bad ki la ïaroh ïa ki blei kiba da ka ksiar, bad da ka rupa, da ka rnong, da u nar, da ka dieng, bad da u maw.

LEBITIKOS 19:4

Wat phai noh ha ki bleithaw, bad wat thaw ïa phi ïa ki blei ba la saiñ: Nga long U Trai U Blei jong phi keiñ.

SEPHANAÏAH 1:5

bad ïa kita kiba mane halor ki neng ïing ïa u paidbah ka bneng; bad ïa kita kiba mane, kiba smai ha U Trai bad kiba smai da u Malkam;

DEUTERONOMI 27:15

“ ‘Ka jingtim ïa uta u briew uba thaw ïa ka durblei ba la mut lane ba la saiñ, ka jingijli keiñ ha U Trai, ka kam jong ki kti u nongthaw stad, bad uba buh ïa ka ha kaba rieh.’ Bad uta u paidlang baroh kin ïathuh kin ïa-ong ruh, ‘Amen.’

DEUTERONOMI 29:17

bad phi la ïohi ïa ki jingijli jong ki, bad ïa ki blei synrum jong ki, da u dieng bad u maw, da ka rupa bad ka ksiar, kiba la don hapdeng jong ki:)

JINGPYNPAW 22:15

Shabar ki long kita ki ksew, bad kita kiba ai ksuid, bad kita kiba kyr-eit bad kita kiba pynïap, bad kita kiba mane bleithaw, bad baroh kat kiba ieit bad bathaw ïa ka lamler.

NONGBISHAR 17:3

Bad u la ai pat ïa kita ki khatwei spah ki sbai rupa ha la ka kmie, ka kmie jong u te ka la ong, “Nga shisha nga pynkyntang ïa kata ka rupa ha U Trai na la ka kti na ka bynta u khun jong nga, ban mutdur bleithaw bad ban saiñdur bleithaw; te mynta, ngan ai noh ïa ka ha me.”