EKSODOS 20:21 - KA BAIBL

²¹ Uta u paidbah te u la ïaïeng na sha jngai, bad u Moses u la nang jan sha kata ka jingdum ha kaba U Blei u la don.

Khasi CL Bible (BSI)

²¹ Hynrei ki paidbah ki dang ïeng hi sha jngai, bad tang u Moses uba la leit sha jan u lyoh uba rben ha uba U Blei u don.

EKSODOS 20:21 ပူးပေါင်းရင်းမြစ်များ

1 SYIEM 8:12

Ynda kumta, u Solomon u la kren, “U Trai u la ong ba un shong ha u lyoh barben.

2 KHRONIKL 6:1

Ynda kumta, u Solomon u la kren, “U Trai u la ong ba un shong ha ka jingdum batliw tliw.

SALM 104:2

Uba tap ïa lade da ka jingshai kum da ka jaiñ; uba siang ïa ki bneng kum ka jingkah:

SALM 18:12

Namar kata, ha ka jingtyngshaiñ ha khmat jong u ki lyoh barben jong u ki la ïaid lait, u phria bad ka rnga ding barhem.

SALM 18:9

U la pyndem ïa ki bneng ruh, bad u la wan hiar; ka jingdum kaba rben ka la don hapoh ki sla'jat jong u.

SALM 97:2

Ki lyoh bad ka jingdum kiba baroh sawdong ïa u: ka hok bad ka jingbishar ki long ka nongrim ka khet jong u.

EKSODOS 19:3

Bad u Moses u la leit kiew sha U Blei, te U Trai u la khot ïa u na uta u lum, u da ong, “Kumne men ong ha ka ïing u Jakob, bad men ïathuh ha ki khun Israel:

DEUTERONOMI 5:22

“Ïa kine ki ktien, U Trai u la kren ha ka jingïaseng lang jong phi baroh ha uta u lum napdeng kata ka ding, na uta u lyoh, bad na kata ka jingdum tliw tliw, da ka jingsawa bajam: bad um shym la kren shuh nalor kata. Bad u la thoh ruh ïa ki ha ki ar tylli ki maw lyngkniap, bad u la ai ïa ki ha nga.

DEUTERONOMI 5:5

(nga la ïeng hapdeng U Trai bad phi ha kata ka por, ïa ka ban pyni ha phi ïa ka ktien U Trai: naba phi la sheptieng ïa kata ka ding, bad phim shym ïatreh ban leit kiew sha uta u lum); u da ong,

1 TIMOTHI 6:16

uba tang ma u hi uba don ka jingbymïap, uba shong ha ka jingshai bym lah kot; ïa uba ym don briew uba la ïohi, lane ba lah ban ïohi; ha uba to long ka burom bad ka borbah bymjukut: Amen.