EKSODOS 20:20 - KA BAIBL

²⁰ Te u Moses u la ong ha uta u paidbah, “Wat sheptieng: namar ïa ka ban tynjuh ïa phi U Blei u la wan, bad ba ka jingsheptieng ïa u kan long ha khmat jong phi, ba phin ym leh pop.”

Khasi CL Bible (BSI)

²⁰ U Moses u jubab, “Wat sheptieng, U Blei u la wan tang ban tynjuh ïa phi bad pynlong ïa phi ban ïai kohnguh ïa u, khnang ba phin ym leh pop.”

EKSODOS 20:20 ပူးပေါင်းရင်းမြစ်များ

JENESIS 20:11

Te u Abraham u la ïathuh, “Naba nga la ong ha lade, ‘Shisha ym don ka jingsheptieng burom ïa U Blei ha kane ka jaka; ki te kin pynïap noh ïa nga namar ka tnga jong nga.’

JENESIS 22:1

Bad ka la jia hadien kine kiei kiei ruh, ba U Blei u la tynjuh ïa u Abraham, bad u la ong ha u, “Ko Abraham”: bad u la ïathuh, “Ha khmih, ma nga.”

JENESIS 22:12

Bad u la ong, “To wat buh ïa la ka kti ha uta u samla, lymne wat leh ei ei ruh em ïa u: naba mynta nga tip keiñ ba me tieng burom ïa U Blei, haba mem shym la bat noh wat ïa la u khun, ïa u khun marwei jong me na nga.”

NEHEMAÏAH 5:15

Hynrei, ki nongsynshar kiba mynshuwa jong nga ki la ban khia ïa u paidbah, bad ki la shim ïa u kpu bad ka Waiñ na ki, nalor ki sawphew shekel rupa; shisha keiñ, wat ki shakri jong ki, ki la leh trai khlieh halor u paidbah: hynrei, nga ngam shym la leh kumta, namar kaba tieng ïa U Blei.

Ka Kitab U Job 28:28

Bad ha u briew u la ong, ‘Ha khmih, ka jingsheptieng ïa U Trai, kata kaba long ka jingstad; bad kaba kynriah na ka jingsniew ka long ka jingshemphang.’ ”

EKSODOS 14:13

Te u Moses u la ong ha uta u paidbah, “Wat sheptieng phi, to sangeh, to khmih ruh ïa ka jingpynim jong U Trai ïa kaba un sa pyni ha phi ha kane ka sngi: namar kita ki Ijipt ïa kiba phi la ïohi ha kane ka sngi, phin ym ïohi shuh ïa ki lano lano ruh.

PROBERB 1:7

Ka jingsheptieng ïa U Trai ka long ka jingsdang ka jingtip: hynrei, ki babieit ki ñiewbeiñ ïa ka jingstad bad ka jinghikai.

PROBERB 16:6

Da ka jingisynei bad ka jingshisha, ïa ka jingleh bymhok la ju sait noh: bad da ka jingsheptieng ïa U Trai, ki briew ki kynriah na ka basniew.

PROBERB 3:7

Wat long u bastad ha la ka jong ka jingñiew; to sheptieng ïa U Trai, bad to kiar na ka basniew:

ISAÏAH 41:10

to wat sheptieng me, namar nga long ryngkat bad me; wat sngewma, namar nga long U Blei jong me: ngan pynshaitbor ïa me; ho-oid, ngan ïarap ïa me; ho-oid, ngan kyrshan ïa me da ka kti kamon ka hok jong nga.

ISAÏAH 41:13

Namar ma nga U Trai U Blei jong me, ngan bat ïa ka kti kamon jong me, da kaba ong ha me, “Wat sheptieng; nga ngan ïarap ïa me.”

ISAÏAH 8:13

U Trai ki paid keiñ, ïa uta phin pynkyntang; bad to un long uta ka jingsheptieng jong phi, bad to un long ka jingsngewkyiuh jong phi.

DEUTERONOMI 10:12

“Mynta te, ko Israel, U Trai uba U Blei jong me u kwah aïu na me, tang ba men sheptieng ïa U Trai uba U Blei jong me, bad men ïaid ha ki lynti jong u baroh, bad men ieit ïa u, bad men shakri ïa U Trai uba U Blei jong me da la ka dohnud baroh, bad da la ka mynsiem baroh,

DEUTERONOMI 13:3

to wat shahshkor me ïa ki ktien jong uta u nongïathuhlypa, lane ïa uta u nongphohsniew ïa ki jingphohsniew, namar U Trai uba U Blei jong phi u tynjuh ïa phi, ïa ka ban tip la phi ieit ne em ïa U Trai uba U Blei jong phi da la ka dohnud baroh, bad da la ka mynsiem baroh.

DEUTERONOMI 4:10

kham tam keiñ ïa kata ka sngi mynba me la ïeng ha khmat U Trai uba U Blei jong me ha Horeb, mynba U Trai u la ong ha nga, ‘To ïalum lang ha nga ïa u paidbah, ba ngan ïoh pynsngew ha ki, ïa ki ktien jong nga, ba kin ïoh tip ban sheptieng ïa nga, baroh ki sngi ba kin ïoh im ha ka pyrthei, bad ba kin ïoh hikai ïa ki ha la ki khun ruh.’

DEUTERONOMI 6:2

Ba men sheptieng ïa U Trai uba U Blei jong me, da kaba sumar ïa ki aiñ jong u baroh, bad ïa ki hukum jong u, ïa kiba nga hukum ïa me, ma me, bad u khun jong me, bad u khun u khun jong me, baroh ki sngi ka rta jong me; bad ba yn ïoh pynslem ruh ïa ki sngi jong me.

DEUTERONOMI 6:24

Bad U Trai u la hukum ïa ngi ban rakhe ïa kine ki aiñ baroh, ban sheptieng ïa U Trai uba U Blei jong ngi, na ka bynta ka jingbha ïa ngi ha la ka sngi, khnang ba un ri pynim ïa ngi, kumba ha kane ka sngi.

DEUTERONOMI 8:16

uba la bsa ïa me ha kata ka ri khlaw da ka manna, ïa kaba ki kpa jong me kim ju tip; ba un ïoh pynrit ïa me, bad ba un ïoh tynjuh ïa me, khnang keiñ bad leh bha ïa me ha ka bakut jong me;

DEUTERONOMI 8:2

To men kynmaw ruh ïa kata ka lynti baroh ïa kaba U Trai uba U Blei jong me u la ïalam ïa me ha kine sawphew snem ha kata ka ri khlaw, ïa ka ban pynrit ïa me, bad ïa ka ban tynjuh ïa me, ïa ka ban tip kaei kaba ha ka dohnud jong me, la men sumar ne em ïa ki hukum jong u.

JOSHUA 24:14

“Mynta namar kata, to sheptieng ïa U Trai, bad to shakri ïa u ha ka jingjanai bad ha ka jingshisha: bad to iehnoh ïa kita ki blei kiba ki kpa jong phi ki la ïashakri sha shiliang kata ka Wah, bad ha Ijipt; bad to shakri phi ïa U Trai.

1 SAMUEL 12:20

U Samuel te u la ong ha u paidbah, “Wat sheptieng: phi la leh shisha ïa kane ka jingbymman baroh: pynban, wat kiar noh na kaba bud ïa U Trai, hynrei, to shakri ïa U Trai da ka dohnud jong phi baroh;