EKSODOS 20:2 - KA BAIBL

² “Ma nga U Trai uba U Blei jong me, uba la wallam noh ïa me na ka ri Ijipt, na ka ïing ka jinglongmraw.

Khasi CL Bible (BSI)

² “Nga long U Trai U Blei jong phi uba la wan ïalam ïa phi na ka ri Ijipt, ka ri ha kaba phi la long ki mraw.

EKSODOS 20:2 ပူးပေါင်းရင်းမြစ်များ

1 SYIEM 18:39

Te haba uta u paidbah baroh u la ïohi ïa kata, ki la dem ngon la ki khmat; bad ki la ong, “U Trai, uta u long U Blei; U Trai, uta u long U Blei.”

2 SYIEM 17:12

bad ki la shakri ruh ïa ki durblei, ïa kiba U Trai u la lah ong ïa ki, “Phin ym leh ïa kane.”

2 SYIEM 17:7

Te ka la jia kumta, namar ki khun Israel ki la leh pop ïa U Trai U Blei jong ki, uba la wallam ïa ki na ka ri Ijipt napoh ka kti u Pharaoh u syiem ka Ijipt, bad ki la sheptieng ïa kiwei pat ki blei,

2 KHRONIKL 28:5

Namar kata, U Trai U Blei jong u, u la ai noh ïa u ha ka kti u syiem ka Syria; bad ki la jop ïa u, bad ki la ïalam mraw noh ïa u paidbah babun na ki jong u, bad ki la wallam ïa ki sha Damaskos. Bad la aiti noh ruh ïa u ha u syiem ki Israel, uba la jop ïa u da ka jingpynïap bakhraw.

SALM 50:7

To sngew, ko ki briew jong nga, te ngan kren; ko Israel, te ngan phla ha me: Nga long U Blei, U Blei jong me keiñ.

SALM 81:10

Nga, nga long U Trai U Blei jong me, uba la wallam noh ïa me na ka ri Ijipt: to ang bha ïa la ka shyntur, te ngan pyndap ïa ka.

SALM 81:11

“Hynrei, ki briew jong nga kim shym sngap ïa nga; bad ki Israel kim treh ïa nga.

SALM 81:7

Me la kyang ha ka jingjynjar, te nga la pyllait ïa me; nga la phai ktien ïa me ha ki jaka rieh u pyrthat; nga la tynjuh ïa me ha ki um Meribah. Selah.

EKSODOS 13:14

Te haba u khun jong me un sa kylli ïa me lashai lashisngi, u da ong, ‘Kaei kane?’ men ong ha u te, ‘Da ka kti badonbor U Trai u la ïalam noh ïa ngi na ka ri Ijipt, na ka ïing ka jingpynlong mraw keiñ.

EKSODOS 13:3

Te u Moses u la ong ha u paidbah, “To kynmaw phi ïa kane ka sngi, ha kaba phi la wan noh na ka ri Ijipt, na kata ka ïing ka jingpynlong mraw; naba da ka kti badonbor U Trai u la ïalam noh ïa phi nangta: wat bam ïa u kpu ba dei thiat.

EKSODOS 15:13

“Da la ka jingisynei me la ïalam noh ïa uta u paidbah ïa uba me la siewspah: me la btin ïa ki ha ka bor jong me sha ka jaka shongneh ka jingkhuid jong me.

EKSODOS 15:16

Ka jingsheptieng bad ka jingshyrkhei kin ngat ha ki; da ka jingkhraw ka ksang'ti jong me kin ïasngap jar kum u maw; tad ynda kita ki briew jong me kin ïalait shiliang, A Trai, tad ynda ki ïalait shiliang uta u paidbah ïa uba me la siewspah.

EKSODOS 15:26

bad u la ong, “Lada men sngap biang biang ruh ïa ka ktien jong U Trai U Blei jong me, bad lada men leh ruh ïa kata kaba dei ha khmat jong u, bad men shahshkor ruh ïa ki hukum jong u, da kaba rakhe ïa ki niam ki rukom jong u baroh, ngan ym da buh ha me kawei ruh keiñ na kita ki jingpang ïa kiba nga la wallam halor ki Ijipt: naba ma nga, nga long U Trai uba pynim ïa me.”

EKSODOS 20:1

Bad U Blei u la kren ïa kine ki ktien baroh, u da ong,

EKSODOS 29:46

Kin sa tip ruh ba nga long ma nga, U Trai U Blei jong ki, uba la wallam noh ïa ki na ka ri Ijipt, ba ngan ïoh shong duh hapdeng jong ki; nga long ma nga keiñ, U Trai U Blei jong ki.

EKSODOS 6:6

Namar kata, to ong ha ki khun Israel, ‘Nga long ma nga U Jehobah, bad ngan wallam noh ïa phi napoh ka jingpynshitom ki Ijipt, bad ngan pyllait noh ïa phi na ka jingpynlong mraw jong ki, bad ngan siewspah ïa phi da ka ksang'ti ba la kner, bad da ki jingbishar bakhraw:

ISAÏAH 43:3

Namar nga long U Trai U Blei jong me, uta U Bakhuid jong ki Israel, u nongpynim jong me; nga la ai ïa ka Ijipt ban long ka jingsiewspah na ka bynta jong me, ïa ka Ethiopia bad ka Seba namar jong me.

JEREMAÏAH 16:14

“Namar kata, ha khmih, ki sngi kin wan,” ong U Trai, “haba yn ym ong shuh, ‘Katba im U Trai, uba la wallam ïa ki khun Israel na ka ri Ijipt;’

JEREMAÏAH 2:6

Lymne kim shym ong, ‘Hangno U Trai uba la wallam noh ïa ngi na ka ri Ijipt; uba la ïalam ïa ngi lyngba ka ri khlaw, lyngba ka ri ka jingkynjah bad ki 'liewlong, lyngba ka ri ki jingryngkhiang bad ka syrngiew ka jingïap, ka ri ka bym ju ïaid briew, bad ha ka bym ju shong briew?’

JEREMAÏAH 31:1

“Ha kata ka por,” ong U Trai, “ngan long U Blei jong ki ïing Israel baroh, bad kin long ki briew jong nga.”

JEREMAÏAH 31:33

“Hynrei, kane ka long ka jutang ba ngan thaw bad ka ïing Israel hadien kita ki sngi,” ong U Trai; “ngan buh ïa ka hukum jong nga ha ki bynta kiba shapoh jong ki, bad ngan thoh ïa ka ha ka dohnud jong ki; bad ngan long U Blei jong ki, bad ki kin long ki briew jong nga:

JEREMAÏAH 34:13

“Kumne u ong U Trai, U Blei ki Israel: ‘Nga la thaw ka jutang bad ki kpa jong phi ha kata ka sngi kaba nga la wallam noh ïa ki na ka ri Ijipt, na ka ïing ka jinglongmraw, nga da ong:

ESEKIEL 20:19

nga long U Trai U Blei jong phi; to ïaid ha ki aiñ jong nga, bad sumar ïa ki jingbishar jong nga, bad to leh ïa ki:

ESEKIEL 20:5

bad to ong ha ki, ‘Kumne u ong U Trai U Blei: Ha kata ka sngi ha kaba nga la jied ïa u Israel, bad ba nga la rah ïa la ka kti ha u symbai ka ïing u Jakob, bad ba nga la pynpaw ïa lade ha ki ha ka ri Ijipt, haba nga la rah ïa la ka kti ha ki, nga da ong, “Nga long U Trai U Blei jong phi;”

ESEKIEL 20:7

bad nga la ong ha ki, “To bred noh phi uwei uwei baroh ïa ki jingijli ki khmat jong u, bad wat pyntngit ïa lade da ki bleithaw ka ri Ijipt; nga long U Trai U Blei jong phi.”

HOSIA 12:10

“Nga la kren ruh ha ki nongïathuhlypa, bad nga la pynroi ïa ki jingithuhpaw; bad da ka kti ki nongïathuhlypa nga la kren pharshi.

HOSIA 13:4

“Pynban, nga, nga long U Trai U Blei jong me na ka ri Ijipt: te men ym ithuh ïa uwei pat u blei lait na nga, nalor jong nga ruh ym don nongpynim shuh.

LEBITIKOS 11:45

Naba nga long U Trai uba la ïalam noh ïa phi na ka ri Ijipt, ïa ka ban long U Blei ïa phi: kumta, to long ki bakhuid, naba nga long u bakhuid.’ ”

LEBITIKOS 19:36

To ai ba ki tarajur jong phi kin long ki bahok, bad ki mawser ki bahok, bad ka shang ka bahok, bad ka hin ka bahok ruh: Nga long U Trai U Blei jong phi, uba la ïalam noh ïa phi na ka ri Ijipt.

LEBITIKOS 23:43

khnang ba ki khun ki ksiew jong phi pateng la pateng kin tip ba nga la pynlong ïa ki khun Israel ba kin shong ha ki ïingtrep, mynba nga la ïalam noh ïa ki na ka ri Ijipt: Nga long U Trai U Blei jong phi.”

LEBITIKOS 25:38

Nga long U Trai U Blei jong phi, uba la ïalam ïa phi na ka ri Ijipt, ïa ka ban ai ha phi ïa ka ri Kanaan, ïa ka ban long U Blei jong phi.

LEBITIKOS 25:42

Naba ki long ki shakri jong nga, ïa kiba nga la ïalam noh na ka ri Ijipt: wat ai ba yn die noh ïa ki kum ki mraw.

LEBITIKOS 25:55

Naba ki khun Israel ki long ki shakri jong nga; ki shakri jong nga ki long ïa kiba nga la ïalam noh na ka ri Ijipt: Nga long U Trai U Blei jong phi.’ ”

LEBITIKOS 26:1

“Wat thaw ki bleithaw ïa phi, lymne ka durblei ba la saiñ, lymne pynïeng ïa kano kano ka dur bynriew, bad phin ym buh ha ka ri jong phi ïa kano kano ka dur ba la thaw ha u maw, ïa ka ban dem ha khmat jong ka: naba nga long U Trai U Blei jong phi.

LEBITIKOS 26:13

Nga long U Trai U Blei jong phi, uba la ïalam ïa phi na ka ri Ijipt, khnang ba phin ym long ki mraw jong ki; bad nga la pyndkut ïa ki jingteh ka jwar jong phi, bad nga la ai bor ïa phi ban ïaid beit kyrïeb.”

AMOS 2:10

Nga la wallam ruh ïa phi na ka ri Ijipt, bad nga la ïalam ïa phi sawphew snem ha ka ri khlaw, ïa ka ban ïoh ïa ka ri u nong Amor.

Ka Shithi U Paul Sha Ki Nong Rom 10:12

Namar ym don shuh ka jingïapher hapdeng u Jiw bad u Grik; namar ujuh u long U Trai halor baroh, bad uba kynrei ka spah ïa kita baroh kiba khot kyrpad ïa u.

Ka Shithi U Paul Sha Ki Nong Rom 3:29

Lane U Blei u long tang u jong ki Jiw hi? Um long u jong ki Jentil ruh? Ho-oid keiñ, u jong ki Jentil ruh:

DEUTERONOMI 13:10

Bad men lynthem ïa u da ki maw, ba un ïap keiñ; namar ba u la thew ban ñiat noh ïa me na U Trai uba U Blei jong me, uba la wallam noh ïa me na ka ri Ijipt, na ka ïing ka jinglongmraw keiñ.

DEUTERONOMI 15:15

Bad men kynmaw, ba me hi me la ju long u mraw ha ka ri Ijipt, bad ba U Trai uba U Blei jong me u la siewspah ïa me: namar kata, nga hukum ha me ïa kane mynta.

DEUTERONOMI 20:1

“Haba me leit ïaleh thma ïa ki nongshun jong me, bad ba me ïohi ïa ki kulai, bad ïa ki kali ïapom, bad u paidbah uba kham bun ban ïa me, to wat sheptieng ïa ki: namar U Trai uba U Blei jong me, uba la wallam noh ïa me na ka ri Ijipt, u long ryngkat bad me.

DEUTERONOMI 5:15

Bad to kynmaw ba me, me la long u mraw ha ka ri Ijipt, bad ba U Trai uba U Blei jong me u la wallam noh ïa me nangta da ka kti badonbor, bad da ka ksang'ti ba la kner: namar kata keiñ, U Trai uba U Blei jong me u la hukum ïa me ban sumar ïa ka sngi Sabbaton.

DEUTERONOMI 5:6

“ ‘Ma nga long U Trai uba U Blei jong me, uba la wallam ïa me na ka ri Ijipt, na kata ka ïing ka jinglongmraw.

DEUTERONOMI 7:8

hynrei, namar ba U Trai u la ieit ïa phi, bad namar ba un pyndep ïa ka jingsmai ïa kaba u la lah smai ha ki kpa jong phi, U Trai u la ïalam noh ïa phi da ka kti badonbor, bad u la pyllait noh ruh ïa phi na kata ka ïing ka jinglongmraw, na ka kti u Pharaoh u syiem ka ri Ijipt.

NONGBISHAR 2:1

Te u angel U Trai u la wan kiew na Gilgal sha Bokhim. Bad u la ong, “Nga la pynmih noh ïa phi na ka ri Ijipt, bad nga la wallam ïa phi sha ka ri kaba nga la smai ha ki kpa jong phi; bad nga la ong, ‘Ngan ym pynkheiñ ïa ka jutang jong nga bad phi lano lano:

NONGBISHAR 6:10

nga la ong de ha phi: ‘Nga long U Trai uba U Blei jong phi; phin ym sheptieng ïa ki blei ki Amor, ha ka ri jong kiba phi shong’; hynrei, phim shym la shahshkor ïa ka ktien jong nga.”