EKSODOS 20:18 - KA BAIBL

¹⁸ Uta u paidbah baroh te u la ïohi ïa kita ki pyrthat, bad ïa kita ki leilieh, bad ïa kata ka jingsawa ka turoi, bad ïa uta u lum u da mih tdem: te haba uta u paidbah u la ïohi, u la kynriah noh, bad u la ïeng noh na sha jngai.

Khasi CL Bible (BSI)

¹⁸ Haba ki paidbah ki la ïohsngew ïa ka jingtied u pyrthat bad ïa ka jingsawa ka turoi, bad ïohi ïa ka leilieh bad ïa uta u lum uba mih tdem, ki la kyiuh da ka jingsheptieng bad ki la ïeng noh sha jngai.

EKSODOS 20:18 ပူးပေါင်းရင်းမြစ်များ

JENESIS 15:17

Ka la jia ruh, ba haba la sep ka sngi, bad ba ka la dum tliw tliw, ha khmih ka lawar ba-mih tdem, bad ka sharak ba-meh ding ka khih hapdeng kita ki dkhot.

JENESIS 3:10

U te u la ong, “Nga la ïohsngew ïa ka jingsawa jong me ha ka kper, nga te nga la sheptieng, naba nga la lyngkhuit; bad nga la buhrieh ïa lade.”

SALM 81:7

Me la kyang ha ka jingjynjar, te nga la pyllait ïa me; nga la phai ktien ïa me ha ki jaka rieh u pyrthat; nga la tynjuh ïa me ha ki um Meribah. Selah.

JEREMAÏAH 23:23

“Nga long ma nga U Blei uba hajan,” ong U Trai, “te ym U Blei uba ha jngai?

DEUTERONOMI 18:16

kat kumba me la kwah baroh na U Trai uba U Blei jong me ha Horeb ha ka sngi kata ka jingïaseng, da kaba ong, ‘Wat ai ngan ïohsngew shuh ïa ka ktien U Trai uba U Blei jong nga, lymne wat ai ba ngan ïohi shuh ïa kane ka ding ka bakhraw, ïoh ngan ïap.’

DEUTERONOMI 4:36

Na bneng u la pynsngew ïa ka ktien jong u ha me, ba un ïoh hikai ïa me: bad ha ka pyrthei ruh u la pyni ïa me ïa ka ding bakhraw jong u; bad me la ïohsngew ïa ki ktien jong u ruh napdeng kata ka ding.

DEUTERONOMI 5:23

“Ka la jia te, mynba phi la ïohsngew ïa kata ka jingsawa ktien napdeng kata ka jingdum, (namar uta u lum u la ing da ka ding,) ba phi la ïawan hajan jong nga, baroh keiñ ki rangbah ki jaid jong phi, bad ki tymmen basan jong phi;

DEUTERONOMI 5:25

Te namar kata, balei ngin da ïap? namar kane ka ding kaba khraw kan bam duh ïa ngi: lada ngin nang ïohsngew shuh ïa ka jingsawa ktien U Trai uba U Blei jong ngi, te ngin sa ïap noh.

DEUTERONOMI 5:27

To leit hajan ma me, bad to sngew ruh ïa baroh kaba U Trai uba U Blei jong ngi un kren: bad to da kren ma me ha ngi ïa baroh kaba U Trai uba U Blei jong ngi un sa kren ha me; te ngin sngap, bad ngin leh ruh ïa kata.’

DEUTERONOMI 5:5

(nga la ïeng hapdeng U Trai bad phi ha kata ka por, ïa ka ban pyni ha phi ïa ka ktien U Trai: naba phi la sheptieng ïa kata ka ding, bad phim shym ïatreh ban leit kiew sha uta u lum); u da ong,