EKSODOS 20:17 - KA BAIBL

¹⁷ “Men ym ikwah ïa ka ïing u paramarjan jong me, men ym ikwah ïa ka tnga u paramarjan jong me, lymne ïa u mraw jong u, lymne ïa ka mraw jong u, lymne ïa u masi jong u, lymne ïa u kadda jong u, lymne ïa kaei kaei ruh kaba dei ka jong u paramarjan jong me.”

Khasi CL Bible (BSI)

¹⁷ “Wat kwah rhah ïa ka ïing u paramarjan jong phi; wat ikwah ïa ka tnga jong u, lane ïa ki mraw jong u, lane ïa ki masi jong u, lane ïa ki kada jong u, lane ïa kaei kaei ruh kaba dei ka jong u.”

EKSODOS 20:17 ပူးပေါင်းရင်းမြစ်များ

JENESIS 14:23

ba ngan ym shim ei ei ruh em na ka jong me baroh, naduh iwei i ksai haduh i jingteh ka juti; ba ïoh men ong, ‘Nga la pynriewbha ma nga ïa u Abram.’

JENESIS 3:6

Te haba kata ka briew ka la ïohi ba uta u dieng u la long u babha ban bam, bad uba itynnad ïa ki khmat, bad u dieng uba bit ïa ka ban pynstad, ka la shim na u soh jong u, bad ka la bam ruh, bad ka la ai lem ruh de ha la u tnga; u ruh u la bam.

JENESIS 34:23

Kumta, ki jingri jong ki bad ka spah jong ki bad ki mrad jong ki baroh kin ym long ki jong ngi mo? Tang ba ngin ïakohnguh ïa ki, ma ki ruh kin ïashong duh ryngkat bad ngi.”

Ka Kitab U Job 31:1

“Nga la pynlong jutang bad la ki khmat; kumno te ngan leit khmih ïa ka samla?

Ka Kitab U Job 31:9

“Lada la riam ïa ka dohnud jong nga sha ka briew, bad lada nga la ap tuh ha ka jingkhang u paramarjan jong nga:

SALM 10:3

Naba u bymman u kren khraw ïa ka jingkwah ka dohnud jong u, bad uba khwan u kyntait, bad u ñiewbeiñ ïa U Trai.

SALM 119:36

To pyndem ïa ka dohnud jong nga sha ka jingphla jong me, te ym ha ka jingkhwan.

PROBERB 4:23

To ri khop ïa la ka dohnud da kaba sumar eh; naba na ka ki wan ki jingmih ka jingim.

PROBERB 6:29

Kumta uta uba leit sha ka tnga u paramarjan jong u; jar uba ktah ïa ka yn ym ñiew khuid ïa u.

EKLESIASTIS 4:8

Don uwei uba tang marwei, bad um don uwei pat; shisha, um don lymne khun lymne para; pynban, ym don ka bakut ïa ka jingtrei jong u baroh, lymne ym shym la pynhun ïa ki khmat jong u da ki spah. “Ïano te,” u ong, “nga trei shitom, bad nga pynduh ïa ka babha na la ka mynsiem?” Kane ruh ka long kaba thala, shisha, ka long ka jingshitom sat.

ISAÏAH 33:15

Uta uba ïaid hok, bad uba kren beit; uta uba isih ïa ka jingïoh myntoi ka jingshukor, uba kynther ïa la ki kti na ka ban bam tyngka, uba set khop ïa la ki shkor na ka jingbna ïa ka snam, bad uba khapbrip ïa la ki khmat na kaba khmih ïa ka basniew;

ISAÏAH 57:17

Namar ka jingbymhok ka jingkhwan lalot jong u nga la bitar bad nga la shoh ïa u, nga la buhrieh ïa lade ba nga la bitar: u te u la nang ïaid kynriang ha ka lynti ka dohnud jong u.

JEREMAÏAH 22:17

“Hynrei, ki khmat bad ka dohnud jong me kim long, hynrei, tang ha ka jinglalot jong me, bad ha kaba pynmih ïa ka snam balui lui, bad ha ka jingbanbeiñ, bad ha ka jingleh-jubor, ïa ka ban leh ïa ka.”

JEREMAÏAH 5:8

Ki la long kum ki kulai ba la ai jingbam mynstep: uwei uwei u la pah khroh ïa ka tnga u paramarjan jong u.

ESEKIEL 33:31

Te ki ïawan ha me kumba wan ki paidbah, bad ki ïashong ha khmat jong me kumba shong ki paidbah jong nga, bad ki shahshkor ruh ïa ki ktien jong me, hynrei, kim leh satia ïa ki: namar da ki shyntur jong ki, ki pyni shibun ka jingieit, hynrei, ka dohnud jong ki ka ïabeh ïa ka jingmyntoi jong ki.

MIKAH 2:2

Ki khwan ïa ki lyngkha, bad ki knieh ïa ki; bad ïa ki ïing, bad ki shim noh ïa ki: bad ki leh jubor ïa u briew bad la ka ïing, u briew bad la ka jingïoh kynti.

HABAKKUK 2:9

“Kordit ïa uta uba pynïoh ka nong kaba pop ïa la ka ïing ba un ïoh buh sha jrong ïa la ka skum, khnang ba un ïohlait na ka kti ka jingsniew!”

MATHAÏOS 20:15

Kam bit ïa nga ban leh ïa kaba nga mon da la ki jong? Ne ka khmat jong me ka long ka basniew naba nga long u babha?’

MATHAÏOS 5:28

hynrei, nga ong ha phi, ba uno uno ruh uba da khmih ïa ka briew ïa ka ban kwah ïa ka, u la lah klim lypa ïa ka kumta ha la ka dohnud.

LOUKAS 12:15

U la ong ruh ha ki, “To sumar, to kiar ruh na ka jingkwah lalot baroh: namar ka jingim u briew kam shong satia ha ka jingdap kyrhai jong kiei kiei kiba u don.”

LOUKAS 16:14

Kita ki Pharisi ruh, kiba ieit sbai eh, ki la ïohsngew ïa kine kiei kiei baroh, te ki la pynran beiñ ïa la ki khmut ïa u.

KI KAM 20:33

Ka rupa, lane ka ksiar, lane ka jaiñkup jongno jongno ruh, ngam shym la ikwah;

KI KAM 5:4

Katba ka dang sah, kam shym la long ka jong me hi? bad ynda la die noh ruh ïa ka, kam shym la don ha ka bor jong me hi? hato balei ba me la pun ïa kane ha ka dohnud jong me? mem shym la shukor ïa ki briew, hynrei, ïa U Blei.”

Ka Shithi U Paul Sha Ki Nong Rom 13:9

Namar kane, “Men ym klim, Men ym pynïap, Men ym tuh, Men ym sakhi lamler, Men ym ikwah”; lada don ruh kano kano kawei pat ka hukum, la kup kyllum ïa ka ha kane ka jingong, ha kane keiñ, “Men ieit ïa la u paramarjan kumba ïa lade.”

Ka Shithi U Paul Sha Ki Nong Rom 7:7

Kumno te ngin ïa-ong? Kata ka hukum ka long pop? Em, ym kumta! Hynrei, pynban, ngam shym la ïoh tip ïa ka pop, lymda da ka hukum; namar ngam shym la lah ïoh ithuh ïa ka jingikwah, lymda kata ka hukum ka la ong: “Men ym ikwah.”

1 KORINTH 6:10

lymne kiba tuh, lymne kiba ikwah lalot, lymne kiba buaid, lymne kiba krenbeiñ, lymne kiba khwan tam eh, kin ym ïoh keiñ ïa ka hima U Blei.

EPHESOS 5:3

Hynrei, ïa ka jingklim, bad ka jingleh jakhlia baroh, lane ka jingikwah lalot, wat ai wat ban ïalap ïa ki hapdeng jong phi, kumba ka dei keiñ ïa ki riewkhuid;

EPHESOS 5:5

Namar phi tip skhem ïa kane, ba uwei pa uwei uba klim, bad uba leh jakhlia, bad uba ikwah lalot, uba long uba mane bleithaw, um don ka bynta ha ka hima U Khrist bad U Blei.

DEUTERONOMI 5:21

“ ‘Lymne men ym ikwah ïa ka tnga u paramarjan jong me; lymne men ym ikwah ïa ka ïing u paramarjan jong me, lymne ïa ka lyngkha jong u, lymne ïa u mraw jong u, lymne ïa ka mraw jong u, lymne ïa u masi jong u, lymne ïa ka kadda jong u, lymne ïa kaei kaei ruh kaba dei ka jong u paramarjan jong me.’

DEUTERONOMI 7:25

Men thang ïa ki dur ba la mut ki blei jong ki da ka ding: men ym ikwah ïa ka rupa, lane ïa ka ksiar kaba halor jong ki, ïa ka ban shim ha lade, ba ïoh yn riam ïa me ha kata: namar ka long kaba ijli ha U Trai uba U Blei jong me:

PHILIPPI 3:19

kiba ka bakut jong ki, long ka jingjot, kiba u blei jong ki, long ka kpoh, bad ka burom jong ki, long ha ka jinglehrain jong ki, kiba ïaimut brai ïa kiei kiei ruh kiba ha ka khyndew.

KOLOSSAI 3:5

Namar kata, to phin pynïap troiñ ïa ki dkhot jong phi kiba ha ka khyndew; kaba klim, ka jingbymkhuid, ka jingïaid shikar, ka jingkwah basniew, bad ka jingkwah lalot, kaba long ka jingmane bleithaw;

HEBRU 13:5

To long kiba lait na kaba ieit sbai, da kaba sngewhun bad kita kiei kiei ba phi don; namar u hi u la ong: “Ngan ym iehnoh noh ïa me da lei lei, lymne ngan ym leh lyndet noh ïa me da lei lei.”

JOSHUA 7:21

haba nga la ïohi hapdeng ki jinglute, ka barandi Babilon ba-itynnad, bad arspah shekel ka rupa, bad shi lyngkhot ka ksiar kaba sanphew shekel da ka jingthew, ynda kumta, nga la ikwah ïa ki, bad nga la shim ïa ki; ha khmih ruh, la buhrieh ïa ki hapoh khyndew hapdeng ka ïingjaiñ jong nga, bad ka rupa hapoh jong ka.”

1 SAMUEL 12:3

Ha khmih ïa nga: to sakhi pyrshah ïa nga ha khmat U Trai, bad ha khmat uba la sleh jong u: u masi dab jongno nga la shim? lane ka kadda jongno nga la shim? lane ïano nga la shukor? ïano nga la banbeiñ? lane na ka kti jongno nga la shim sap ban pynmatlah ïa la ki khmat da ka? te ngan buria ïa kata ha phi.”

1 SAMUEL 15:19

Namar kata te, balei ba mem shym la kohnguh ïa ka ktien U Trai, hynrei, me la kynrup sha kata ka jinglute, bad me la leh ïa ka basniew ha khmat U Trai?”