EKSODOS 20:12 - KA BAIBL

¹² “To burom ïa la u kpa bad ïa la ka kmie: ba yn pynslem ïa ka rta jong me ha ka khyndew ïa kaba U Trai U Blei jong me u ai ha me.

Khasi CL Bible (BSI)

¹² “Burom ïa la u kpa bad ïa la ka kmie, ba phi lah ban im slem ha ka ri kaba nga ai ha phi.

EKSODOS 20:12 ပူးပေါင်းရင်းမြစ်များ

JENESIS 48:12

Bad u Joseph u la pynmih noh ïa ki napdeng ki khohsiew jong u, bad u la nguh haduh ka khyndew ha khmat jong u.

JENESIS 50:12

Kumta, ki khun shynrang u Jakob ki la leh ïa u kumba u la hukum ïa ki;

1 SYIEM 2:19

Ka Bathsheba namar kata ka la leit sha u Solomon syiem, ban kren ha u na ka bynta u Adonijah. Te u syiem u la ïeng joit ban shaw ïa ka, bad u la nguh ïa ka, bad u la shong halor la ka khet, bad u la phah buh ka khet ïa ka kmie u syiem; bad ka la shong sha ka kti kamon jong u.

2 SYIEM 2:12

Te u Elisha u la ïohi, bad u la pyrta, “Ko kpa, ko kpa jong nga, ka kali Israel, bad ki nongshong kulai jong u!” bad um ïohi shuh ïa u: bad u la bat ïa la ki jaiñkup, bad u la kad ïa ki lyngkhot lyngkhot.

EKSODOS 21:15

“Uta te uba shoh ïa la u kpa, lane ïa la ka kmie, ka dei shisha ban pynïap ïa u.

EKSODOS 21:17

“Bad uta uba tim ïa la u kpa, lane ïa la ka kmie, ka dei shisha ban pynïap ïa u.”

PROBERB 15:5

U babieit u ñiewbeiñ ïa ka jinghikai u kpa jong u: hynrei, uba ñiewkor ïa ka jingsneng u ïoh ka jingsian.

PROBERB 17:6

Ki ksiew ki long ka pansngiat ki tymmen; bad ka burom ki khun long ki kpa jong ki.

PROBERB 20:20

Jar uba tim ïa la u kpa lane ïa la ka kmie, ïa ka sharak jong u yn pynlip ha ka jingdum baïong ngaiñ.

PROBERB 28:24

Jar uba lute ïa la u kpa lane ïa la ka kmie, bad u ong, “Kam long ka jingpalat;” uta u long u lok jong u nongpynjot.

PROBERB 3:16

Ka jingslem ki sngi ka don ha ka kti kamon jong ka; ha ka kti kadiang jong ka ki don ki spah bad ka burom.

PROBERB 30:11

Don ka pateng bynriew kaba tim ïa u kpa jong ki, bad ka bymkyrkhu ïa ka kmie jong ki.

PROBERB 30:17

Ka khmat kaba rkhiebeiñ ïa la u kpa, bad kaba ñiewbeiñ ban kohnguh ïa la ka kmie, ïa kata, ki tyngab ka ri them kin khlaw noh, bad ki khun pukni kin bam ïa ka.

JEREMAÏAH 35:18

Bad u Jeremaïah u la ong ha ka ïing ki Rekhab, “Kumne u ong U Trai ki paid, U Blei ki Israel: ‘Namar ba phi la kohnguh ïa ka hukum u Jonadab u kpa jong phi, bad phi la sumar ïa ki hukum jong u baroh, bad phi la leh ïa baroh kumba u la hukum ïa phi;’ ”

JEREMAÏAH 35:7

lymne phin ym tei ïa ka ïing, lymne bet symbai, lymne thung brisoh, lymne ïoh ruh; hynrei, phin shong ha ki ïingjaiñ baroh ki sngi ka rta jong phi; ba phin ïoh shong bun sngi ha ka ri kaba phi ïashong.’

ESEKIEL 22:7

Ha pha ki la ñiew sting ïa la u kpa bad ïa la ka kmie; hapdeng jong pha ki la banbeiñ ïa u nongwei: ha pha ki la leh bymdei ïa kiba khlem kpa bad ïa ki riewkynthei.

LEBITIKOS 19:3

To sheptieng uwei uwei baroh ïa la ka kmie, bad ïa la u kpa, bad to rakhe ïa ki Sabbaton jong nga: Nga long U Trai U Blei jong phi keiñ.

LEBITIKOS 19:32

“ ‘To men ïeng ha khmat ka khlieh uba la phuh 'ñiuhlieh, bad to burom ïa ka khmat u tymmen, bad to sheptieng ïa U Blei jong me: Nga long U Trai keiñ.

MALAKHI 1:6

“U khun u burom ïa la u kpa, bad u shakri ïa la u kynrad: te lada nga long u kpa, hangno ka burom jong nga? bad lada nga long u kynrad, hangno ka jingsheptieng ïa nga?” ong U Trai ki paid ha phi, “ko ki lyngdoh, kiba ibeiñ ïa ka kyrteng jong nga.” Phi te phi ong, “Ha kaba kumno ngi la ibeiñ ïa ka kyrteng jong me?”

MATHAÏOS 19:19

Burom ïa la u kpa bad ïa la ka kmie, bad men ieit ïa u paramarjan jong me kumba ïa lade.”

MARKOS 10:19

Me tip ïa ki hukum: ‘Wat klim, wat pynïap, wat tuh, wat sakhi lamler, wat leh klop, burom ïa la u kpa bad ïa la ka kmie ruh.’ ”

MARKOS 7:10

naba u Moses u la ong, ‘Burom ïa la u kpa bad ïa la ka kmie’; bad, ‘Jar uba krenbeiñ ïa u kpa lane ïa ka kmie, un ïap da shisha’;

LOUKAS 18:20

Me tip ïa ki hukum; ‘Wat klim; Wat pynïap; Wat tuh; Wat sakhi lamler; Burom ïa la u kpa bad ïa la ka kmie.’ ”

EPHESOS 5:21

da kaba ïakohnguh paralok ha ka jingsheptieng ïa U Khrist.

DEUTERONOMI 11:8

“Namar kata, to phin sumar ïa ki hukum baroh ïa kiba nga hukum ïa phi ha kane ka sngi, ba phin long kiba khlaiñ, bad ba phin ïoh ïaleit hapoh ban ïoh ïa kata ka ri, sha kaba phin sa ïaleit ban ïoh ïa ka;

DEUTERONOMI 11:9

bad ba phi lah ban pynslem ïa ki sngi jong phi ha kata ka ri, ïa kaba U Trai u la smai ha ki kpa jong phi ban ai ha ki, bad ha u symbai jong ki, ka ri kaba tuid da ka dud bad ka ngap keiñ.

DEUTERONOMI 21:18

“Lada u briew u don u khun uba mutlop bad uba kiat, u bymkohnguh ïa ka ktien u kpa jong u, lane ïa ka ktien ka kmie jong u, bad haba ki la sneng ïa u ruh, um sngap ïa ki:

DEUTERONOMI 25:15

Men buh ïa u mawser ba biang bad bahok keiñ; ïa ka jingthew kaba biang bad bahok de men buh: ba yn pynslem ïa ki sngi ka rta jong me ha kata ka ri ïa kaba U Trai uba U Blei jong me u ai ha me.

DEUTERONOMI 27:16

“ ‘Ka jingtim ïa uta uba lehbeiñ ïa la u kpa lane ïa la ka kmie.’ Bad uta u paidlang baroh kin ïa-ong, ‘Amen.’

DEUTERONOMI 32:47

Naba kane kam long ka ktien bathala ïa phi; namar ki long ka jingim jong phi, da kane ka ktien ruh, phin pynslem ïa ki sngi ka rta jong phi ha kata ka ri, sha kaba phi ïaleit sha shiliang ka Jordan ban ïoh ïa ka.”

DEUTERONOMI 4:26

nga khot ïa ka bneng, bad ïa ka khyndew, ban sakhi pyrshah ïa phi ha kane ka sngi, ba shen shen ruh, phin duh noh khoit na kata ka ri sha kaba phin sa leit sha shiliang ka Jordan ban ïoh ïa ka; phin ym pynslem ïa ki sngi jong phi ha ka, hynrei, yn pynjot noh thiaw ïa phi keiñ.

DEUTERONOMI 4:40

Men sumar, namar kata, ïa ki hukum jong u, bad ïa ki aiñ jong u, ïa kiba nga hukum ïa me ha kane ka sngi, ba kan long bha ïa me, bad ïa la ki khun hadien jong me, bad ba men ïoh pynslem ruh ïa ki sngi jong me ha ka khyndew, ïa kaba U Trai uba U Blei jong me u aiti ha me, ha la ka rta.”

DEUTERONOMI 5:16

“ ‘To burom ïa la u kpa, bad ïa la ka kmie, kumba U Trai uba U Blei jong me u la hukum ïa me: ba yn pynslem ïa ki sngi jong me, bad ba kan long bha ïa me, ha kata ka ri ïa kaba U Trai uba U Blei jong me u ai ha me.

DEUTERONOMI 5:33

To phin ïaid ha kita ki lynti baroh ïa kiba U Trai uba U Blei jong phi u la hukum ïa phi, ba phin ïoh im, bad ba kan long bha ruh ïa phi, bad ba phin pynslem ïa ki sngi jong phi ha kata ka ri ïa kaba phin sa ïoh.

DEUTERONOMI 6:2

Ba men sheptieng ïa U Trai uba U Blei jong me, da kaba sumar ïa ki aiñ jong u baroh, bad ïa ki hukum jong u, ïa kiba nga hukum ïa me, ma me, bad u khun jong me, bad u khun u khun jong me, baroh ki sngi ka rta jong me; bad ba yn ïoh pynslem ruh ïa ki sngi jong me.

KOLOSSAI 3:20

Ko ki khun, to kohnguh ïa la ki kmie ki kpa ha kiei kiei baroh, namar kane ka long kaba pynsngewbha eh ïa U Trai.

RUTH 3:6

Te ka la leit hiar sha kata ka kyntem, bad ka la leh keiñ katba kum kita kiei kiei baroh ïa kiba la hukum ka kiaw kurim jong ka ïa ka.

1 SAMUEL 22:3

Te u Dabid u la leit noh nangta sha Mispeh ri Moab: bad u la ong ha u syiem ka Moab, “Nga kyrpad ïa me, to shah ïa u kpa jong nga bad ïa ka kmie jong nga ban wan shong bad phi, tad ynda ngan ïoh tip U Blei un leh kumno ïa nga.”