EKSODOS 20:11 - KA BAIBL

¹¹ naba ha ki hynriew sngi, U Trai u la thaw ïa ka bneng bad ïa ka khyndew, ïa ka duriaw ruh, bad ïa baroh katba don ha ki, u la shong sngi ruh ha kata ka sngi ka bahynñiew: namar kata, U Trai u la kyrkhu ïa ka sngi Sabbaton, bad u la pynkyntang khuid ïa ka ruh.

Khasi CL Bible (BSI)

¹¹ Ha ki hynriew sngi, ma nga, U Trai, nga la thaw ïa ka bneng, ïa ka khyndew, ïa ka duriaw, bad ïa kiei kiei baroh kiba don ha ki, hynrei ha ka sngi kaba hynñiew nga la shongthait. Namar kata, nga U Trai, nga la kyrkhu ïa ka Sabbaton, bad nga la pynkyntang khuid ïa ka.

EKSODOS 20:11 ပူးပေါင်းရင်းမြစ်များ

JENESIS 1:28

U Blei u la kyrkhu ruh ïa ki, bad U Blei u la ong ha ki, “To da nang kha, bad to da nang roi, bad to da pyndap ïa ka khyndew, bad to da pyndem ngon ïa ka: bad to synshar halor ki dohkha ka duriaw, bad halor ki sim bneng, bad halor kiei kiei ki kynja ba-im baroh bapar halor ka khyndew.”

JENESIS 1:31

Hadien kata, U Blei u la ïohi ïa kiei kiei baroh ba u la lah thaw, ha khmih ruh, ka la bha eh. Te kaba la janmiet ka la long, bad kaba mynstep ruh ka la long, ha ka sngi ka bahynriew.

EKSODOS 31:17

Hapdeng jong nga bad ki khun Israel, kane ka long ka dak ha la ka rta: ba ha ka bahynriew sngi, U Trai u la thaw ïa ka bneng bad ïa ka khyndew, bad ha ka sngi ka bahynñiew u la shong sngi, bad u la shong pyngngad.’ ”

EKSODOS 8:22

Bad ngan pynkyrpang ha kata ka sngi ïa ka ri Goshen, ha kaba ki ïashong u paidbah jong nga, ba kita ki bun jaid ki skain kin ym don hangta; khnang ba men ïoh tip ba nga long U Trai hapdeng ka pyrthei.

EKSODOS 9:29

Te u Moses u la ong ha u, “Haba nga dang shu mih noh na kane ka nongbah, ngan sa kner ïa la ki kti sha U Trai; te uta u pyrthat un duh, bad uta u phria ruh un ym hap shuh; khnang ba men ïoh tip ba ka pyrthei ka long ka jong U Trai.

ISAÏAH 42:10

To rwai ha U Trai ïa ka jingrwai bathymmai, bad ïa ka jingïaroh jong u na ka bakut ka khyndew; phi kiba ju hiar ha ka duriaw, bad baroh kiba don ha ka, ki 'dewlynnong, bad kiba shong ha ki.

ISAÏAH 48:13

Shisha keiñ, ka kti jong nga ka la pynshong nongrim ïa ka khyndew, bad ka kti kamon jong nga ka la pynpyiar ïa ki bneng: haba nga, nga khot ïa ki, ki ïaïeng lang buk.

KI KAM 14:15

ki da ong ruh, “Ko rangbah, balei phi leh ïa kine kiei kiei ruh! Ngi ruh ngi long tang ki briew kiba kum phi hi, bad ngi ïathuhkhana babha ha phi ba phin phai noh na kine ki jingmane thala sha U Blei u ba-im, uba la thaw ïa ka bneng, bad ïa ka khyndew, bad ïa ka duriaw, bad ïa kiei kiei baroh kiba don ha ki.

KI KAM 20:7

Te ha ka sngi nyngkong ka taïew, mynba ngi la wan ïaseng ïa ka ban kdiah kpu, u Paul u la ïalap ha ki, ba un sa leit noh lashai; te u la pynslem ïa la ka jingïalap haduh shiteng synñia.

KI KAM 4:24

Ki te haba ki la ïohsngew ïa kata, ki la ïa-pynjam ïa la ka ktien ha U Blei da kawei ka jingmut, bad ki la ïa-ong, “A Trai Kynrad, me U Blei uba la thaw ïa ka bneng, bad ïa ka khyndew, bad ïa ka duriaw, bad ïa baroh kat kiba don ha ki,

DEUTERONOMI 5:15

Bad to kynmaw ba me, me la long u mraw ha ka ri Ijipt, bad ba U Trai uba U Blei jong me u la wallam noh ïa me nangta da ka kti badonbor, bad da ka ksang'ti ba la kner: namar kata keiñ, U Trai uba U Blei jong me u la hukum ïa me ban sumar ïa ka sngi Sabbaton.

HEBRU 4:4

Namar u la ong ha kawei ka jaka shaphang ka sngi ka bahynñiew kumne: “Bad U Blei u la shong sngi noh ha ka sngi ka bahynñiew na ki kam jong u baroh.”

JINGPYNPAW 10:6

bad u la smai ha uta uba ïai-im sha ki bymjukut ki bymjukut, uba la thaw ïa ka bneng bad kiei kiei ruh kiba ha ka, bad ïa ka khyndew bad kiei kiei ruh kiba ha ka, bad ïa ka duriaw bad kiei kiei ruh kiba ha ka, ba kan ym long ka jingpyntud shuh: