EKSODOS 20:10 - KA BAIBL

¹⁰ hynrei, ka sngi ka bahynñiew ka long ka Sabbaton ïa U Trai U Blei jong me: ha kata men ym leh kaei kaei ruh ka kam, ma me, lymne u khun jong me, lymne ka khun jong me, lymne u mraw jong me, lymne ka mraw jong me, lymne ka jingri jong me, lymne u nongwei uba hapoh ka phalor jong me:

Khasi CL Bible (BSI)

¹⁰ hynrei ka sngi kaba hynñiew ka dei ka sngi shongthait ba la pynkyntang sha nga. Ha kata ka sngi phim bit ban leh ïa kano kano ka kam — ma phi, ne ki khun jong phi, ne ki mraw jong phi, ne ki jingri jong phi, ne ki nongwei kiba shong basah ha ka ri jong phi.

EKSODOS 20:10 ပူးပေါင်းရင်းမြစ်များ

NEHEMAÏAH 10:31

bad lada ki kynja bynriew jong kane ka ri kin wallam ïa ki jingbuh jingsat lane ki kynja jingbam ha ka sngi Sabbaton ban die, ba ngin ym thied na ki ha ka Sabbaton, lymne ha ka sngi bakyntang: bad ba ngin iehnoh noh ïa ka snem ka bahynñiew, bad ïa kaba pan la ka ram baroh.

EKSODOS 16:26

Hynriew sngi phin lum ïa ka; hynrei, ha ka bahynñiew ka long ka Sabbaton, ha kata phin ym shem ei ei ruh em.”

EKSODOS 31:13

“To kren ruh ha ki khun Israel, da kaba ong, ‘Shisha phin rakhe ïa ki Sabbaton jong nga: naba ka long ka dak hapdeng jong nga bad phi ha ki pateng la pateng bynriew jong phi baroh; ïa ka ban ïoh tip ba long ma nga U Trai uba pynkyntang ïa phi.

EKSODOS 34:21

“Hynriew sngi men trei jingtrei, hynrei, ha ka sngi ka bahynñiew men shongthait: ha ka aïom bet bad ha ka aïom ot men shong sngi.

EKSODOS 35:2

Hynriew sngi ka dei ban trei jingtrei, hynrei, ha ka sngi ka bahynñiew kan long ïa phi ka sngi bakhuid, ka Sabbaton keiñ ka jingshongthait ïa U Trai: jar uba trei jingtrei ha ka, yn pynïap noh ïa u.

ESEKIEL 14:7

Namar uwei uwei baroh uba na ka ïing Israel, lane uba na ki nongwei kiba shong ha Israel, uba pynkhlad noh ïa lade na nga, bad uba shim ïa la ki bleithaw sha la ka dohnud, bad uba buh ïa ka jingjynthut ka jingbymhok jong u ha pyrshah ka khmat jong u, bad uba wan sha u nongïathuhlypa ban ïakylli na nga na ka bynta ïa lade: nga U Trai ngan jubab ïa u da lade hi:

LEBITIKOS 23:3

Hynriew sngi yn ïoh ban trei jingtrei: hynrei, ha ka bahynñiew sngi yn long ka Sabbaton ka jingshongthait, ka jingïaseng bakhuid; phin ym trei jingtrei satia; ka long ka Sabbaton ïa U Trai ha ki ïing jong phi baroh.

LOUKAS 23:56

Ynda ki la ïaleit phai pat te, ki la ïa-pynkhreh ïa ki jingiwbih bad ïa ki jingsleh; hynrei, ha ka Sabbaton ki la shong sngi, katba kum ka hukum.