EKSODOS 2:3 - KA BAIBL

³ Te haba kam lah buhrieh shuh ïa u, ka la thaw ka shang ïa u da ki thungshut, bad ka la lape ïa ka da ka 'dewbyrtha bad da ka bsiang ruh; bad ka la buh ïa ita i khunlung hapoh ruh, bad ka la buh ïa ka hapdeng ki kor harud kata ka wah.

Khasi CL Bible (BSI)

³ Hynrei haba kam lah shuh ban buhrieh ïa u, ka shim kawei ka shang ba la shna na u khah bad ka lape ïa ka da ka bsiang ban ym pei um. Ka pynthiah ïa uta u khunlung hapoh kata ka shang bad ka buh ïa ka hapdeng ki khah harud jong ka wah.

EKSODOS 2:3 ပူးပေါင်းရင်းမြစ်များ

JENESIS 11:3

Bad ki la ïa-ong paralok hi, “Ïa, ngin ïathaw ïa ki maw-it, bad ngin ïathang bha ïa ki.” Te ki maw-it ki la don ha ka jaka ki maw, bad ka bsiang ka la don ha ka jaka ka sorki.

JENESIS 14:10

Bad ka pynthor Siddim ka la dap da ki thliew bsiang; bad ki syiem ka Sodom bad ka Gomorra ki la ïaphet ïap, bad ki la ïahap ruh ha kita; te kita kiba la dang sah ki la ïaphet ïap sha ki lum.

JENESIS 6:14

To thaw ïa lade ïa ka ïinglieng da u dieng Kopher; ïa ki pulit men thaw ha kata ka ïinglieng, bad men tah ruh ïa ka da ka bsiang shapoh bad shabar.

EKSODOS 1:22

Te u Pharaoh u la hukum ïa ki briew jong u baroh, u da ong, “Ïa ki khun shynrang baroh kiba yn kha to phin bred noh sha kata ka wah, hynrei, ïa ki khun kynthei baroh phin ri im.”

ISAÏAH 18:2

kaba phah ki nonglam-ktien da ka duriaw, ha ki lieng khah keiñ halor ki um, da kaba ong, “Khie leit, phi ki nonglam-ktien bastet, sha ka jaid bynriew bajrong bad bajlih, sha u paidlang uba shyrkhei naduh kaba sdang ter ter; ka jaid bynriew bakhlaiñ bad baïuh roit, kaba ïa ka ri jong ka ki wah ki ïabynta!

ISAÏAH 19:6

Ki wah kin iwtung ruh; ki wah duid ka Ijipt kin suda bad kin rngad khait; ki khah bad ki japung kin tyrkhong noh.

ISAÏAH 35:7

U shyiap uba shit phyrnai un long ka pung, bad ka khyndew ka bathrang um kan long ki umpohliew: ha ka jaka shong ki myrsiang, ha kaba ki dem, yn long u phlang lem bad u khah bad u sder.

MATHAÏOS 2:13

Haba ki la ïaleit noh, ha khmih, u angel U Trai u la paw ha u Joseph ha ka jingphohsniew, u da ong, “To ïeng to shim noh ruh ïa u khunlung bad ïa ka kmie jong u, to phet noh sha ri Ijipt, bad men shong hangta tad ynda ngan ong ha me: naba u Herod un sa wad ïa uta u khunlung ïa ka ban pynïap noh ïa u.”

MATHAÏOS 2:16

Ynda kumta, u Herod, haba u la ïohi ba la shukor ïa u da kita ki riewstad, u la bitar eh lep, bad u la phah pynïap noh ïa ki khun shynrang baroh kiba ha Bethlehem, bad ha ki phang jong ka baroh, naduh kiba ar snem bad kiba kham poh, kumba dei kata ka aïom ïa kaba u la kylli biang biang ruh na kita ki riewstad.

KI KAM 7:19

Une, u la leh shukor ïa ka jaid jong ngi, bad u la pynshitom ïa ki kpa jong ngi, ba kin bred noh ïa ki khunlung jong ki, khnang ba kin ym im.