EKSODOS 2:24 - KA BAIBL

²⁴ Bad U Blei u la sngew ïa ka jingud jong ki, bad U Blei u la kynmaw ruh ïa ka jutang jong u bad u Abraham, bad u Isaak, bad u Jakob ruh.

Khasi CL Bible (BSI)

²⁴ Kata ka jingud jong ki ka kiew sha U Blei, uba la ïohsngew ïa ka jingud jong ki bad kynmaw ïa la ka jutang bad u Abraham, u Isaak bad u Jakob.

EKSODOS 2:24 ပူးပေါင်းရင်းမြစ်များ

JENESIS 15:13

Bad U Trai u la ong ha u Abram, “To tip shisha ba u symbai jong me un long nongwei ha ka ri ka bymdei ka jong ki, bad kin shakri ruh ïa ki; bad kita kin ïa-pynshitom ïa ki, sawspah snem;

JENESIS 16:11

Bad uta u angel U Trai u la ong ruh ha ka, “Ha khmih, pha la punkhun bad phan kha ïa u khun, bad phan khot kyrteng ‘u Ishmael’ ïa u; naba U Trai u la shahshkor ïa ka jingsngewjynjar jong pha.

JENESIS 17:7

Bad ngan pynskhem ïa la ka jutang hapdeng jong nga bad me bad u symbai jong me hadien jong me ruh, ha ki pateng la pateng bynriew jong ki, ban long ka jutang ka baïaineh junom, ban long U Blei ïa me, bad ïa u symbai jong me hadien jong me.

JENESIS 18:18

Naba u Abraham shisha un man long ka jaid bynriew ka bakhraw bad ka badonbor, bad ha u yn kyrkhu ïa ki jaid bynriew baroh jong ka pyrthei.

JENESIS 22:16

bad u la ong, “Nga la smai ha lade”, ong U Trai, “namar ba me la leh ïa kane, bad ba mem shym la bat noh wat ïa la u khun, ïa u khun marwei jong me na nga:

JENESIS 26:2

Bad U Trai u la paw ha u, bad u la ong, “Wat leit hiar sha ka ri Ijipt; to shong sah ha kata ka ri ïa kaba ngan ong ha me.

JENESIS 26:24

Bad U Trai u la mihpaw ha u ha kata ka miet, bad u la ong, “Nga long U Blei u Abraham u kpa jong me: to wat sheptieng, naba ma nga, nga long ryngkat bad me bad ngan kyrkhu ïa me, bad ngan pynroi ïa u symbai jong me na ka bynta u Abraham u shakri jong nga.”

JENESIS 26:3

To shong nongwei katto katne ha kane ka ri, bad nga te ngan long lem bad me, bad ngan kyrkhu ïa me; namar ha me, bad ha u symbai jong me, ngan ai ïa kine ki ri baroh, bad ngan pyndep skhem ïa la ka jingsmai ïa kaba nga la smai ha u Abraham u kpa jong me.

JENESIS 32:28

U Angel pat u la ong, “Yn ym khot shuh ïa ka kyrteng jong me, ‘u Jakob’, hynrei ‘u Israel’: naba kum u syiem me la ïoh bor bad U Blei bad ki briew, te me la jop ruh.”

JENESIS 35:11

U Blei u la ong ruh ha u, “Nga long U Blei U Badonbor Baroh: to da nang kharoi, bad to da nang man bun ruh; ka jaid bynriew bad ka jingïalang ki jaid bynriew kin ïamih noh na me bad ki syiem ruh kin mih na ki syngkai jong me.

JENESIS 35:12

Bad ka ri ïa kaba nga la ai ha u Abraham bad ha u Isaak, ha me keiñ ngan ai ïa ka, bad ha u symbai jong me hadien jong me ngan ai ïa kata ka ri.”

JENESIS 8:1

Bad U Blei u la kynmaw ïa u Noah, bad ïa kiei kiei ki kynja ba-im baroh, bad ïa ki jingri baroh katba la don lem bad u ha kata ka ïinglieng: U Blei ruh u la pynmih ïa ka lyer ban beh halor ka khyndew, te kita ki um ki la jem jai;

2 SYIEM 13:23

Hynrei, U Trai u la leh sbun ïa ki, u la isynei ïa ki, bad u la khmih ïa ki, na ka bynta ka jutang jong u bad u Abraham, bad u Isaak, bad u Jakob, bad un ym pynduh khoit ïa ki, lymne haduh mynta um pat bred ïa ki na khmat jong u.

SALM 102:2

Wat buhrieh ïa la ka khmat na nga ha ka sngi ka jingjynjar jong nga: to pyndem ïa la ka shkor sha nga; ha kata ka sngi ba nga kyang to phai ktien kloi ïa nga.

SALM 102:20

ïa ka ban sngap ïa ka jingud jong uba sah byndi; ïa ka ban pyllait ïa ki khun ka jingïap:

SALM 105:42

Naba u la kynmaw ïa la ka ktien ka bakhuid, bad ïa u Abraham u shakri jong u.

SALM 106:45

bad u la ju kynmaw, ïa la ka jutang na ka bynta jong ki, bad u la ju kylla-ka-bamut katba kum ka jingkynrei ki jingisynei jong u.

SALM 138:3

Ha ka sngi kaba nga la khot me la sngap ïa nga, da ka bor ha ka mynsiem jong nga me la pynshngain ïa nga.

SALM 22:24

Namar um shym ñiewbeiñ, lymne isih ïa ka jynjar jong u bajynjar; lymne um shym buhrieh ïa la ka khmat na u; hynrei, haba u la lynñiar ha U, U la ïohsngew.

SALM 22:5

Ki la kyang ha me, te la pyllait ïa ki: ki la shaniah ha me, bad kim shym la ïoh lehrain.

SALM 79:11

To ai ba ka jingud jong u nongsah byndi kan poi ha khmat jong me; katba kum ka jingkhraw ka bor jong me to ri pynim ïa ki khun ka jingïap;

EKSODOS 6:5

Bad nga la ïohsngew ruh ïa ka jingud ki khun Israel, ïa kiba ki Ijipt ki bat ha ka jinglongmraw; bad nga la kynmaw ïa la ka jutang.

JINGKHEIÑ 20:16

bad haba ngi la kyang duwai ha U Trai, u la shahshkor ïa ka ktien jong ngi, bad u la phah ruh ïa u angel jong u, bad u la pynmih noh ïa ngi na kata ka ri Ijipt: te ha khmih, ngi don ha Kadesh, ka shnong ha ka bakut ka pud jong me:’

KI KAM 7:34

Shisha nga la ïohi ïa ka jingshahshitom ki briew jong nga kiba ha Ijipt, bad nga la ïohsngew ïa ka jingud jong ki, bad nga la wan hiar ban pyllait noh ïa ki. Mynta, to ale, ngan phah ïa me sha Ijipt.’

NONGBISHAR 2:18

Te haba U Trai u la pynmih ki nongbishar ïa ki, ynda kumta, U Trai u la don lem bad uta u nongbishar, bad u la pyllait ïa ki na ka kti ki nongshun jong ki baroh ki sngi jong uta u nongbishar: namar U Trai u la kylla-ka-bamut na ka bynta ka jingud jong ki namar kita kiba la banbeiñ ïa ki bad ba la pynshitom ïa ki.

1 SAMUEL 9:16

“Lashai hamar kane ka por ngan phah sha me ïa u briew uba na ka ri Benjamin, te men pynsleh ïa u ban long u nongïalam halor ki briew jong nga ki Israel, bad un pyllait ïa ki briew jong nga na ka kti ki Philistia: namar nga la khmih ïa la ki briew, naba ka jinglynñiar jong ki ka la poi sha nga.”