EKSODOS 2:23 - KA BAIBL

²³ Ka la jia te hadien bun sngi, ba u la ïap noh uta u syiem ka ri Ijipt: te ki khun Israel ki la ïa-ud namar kata ka jinglongmraw, bad ki la ïalynñiar ruh, bad kata ka jinglynñiar jong ki ka la wan kiew sha U Blei namar kata ka jinglongmraw.

Khasi CL Bible (BSI)

²³ Bun snem hadien kane, u syiem Ijipt u ïap noh, hynrei ki Israel ki dang ïai ud namar kata ka jinglongmraw jong ki bad ki pyrta ban ïoh jingïarap.

EKSODOS 2:23 ပူးပေါင်းရင်းမြစ်များ

JENESIS 16:11

Bad uta u angel U Trai u la ong ruh ha ka, “Ha khmih, pha la punkhun bad phan kha ïa u khun, bad phan khot kyrteng ‘u Ishmael’ ïa u; naba U Trai u la shahshkor ïa ka jingsngewjynjar jong pha.

JENESIS 4:10

U Trai u la ong te, “Me la leh aïu? Ka jingud ka snam u para jong me ka kyang ha nga na ka khyndew.

NEHEMAÏAH 9:9

“Bad me la ïohi ïa ka jingshitom ki kpa jong ngi ha Ijipt, bad me la ïohsngew ïa ka jinglynñiar jong ki harud ka Duriaw Basaw;

Ka Kitab U Job 35:9

“Namar kiba bun ki jingbanbeiñ, ki ïalynñiar; ki ïalynñiar ban ïoh ïarap namar ka ksang'ti jong u bakhrawbor.

SALM 102:1

A Trai, to sngew ïa ka jingduwai jong nga, bad ai ba ka jingkyang jong nga kan wan sha me.

SALM 102:2

Wat buhrieh ïa la ka khmat na nga ha ka sngi ka jingjynjar jong nga: to pyndem ïa la ka shkor sha nga; ha kata ka sngi ba nga kyang to phai ktien kloi ïa nga.

SALM 12:5

“Namar ka jinglute ïa ki baduk, namar ka jingud ki bakyrduh, mynta ngan ïeng,” ong U Trai; “Ngan buh ha kaba suk ïa uta ha uba ki ïapyrsad.”

SALM 18:6

Ha la ka jingpisa nga la khot kyrpad ha U Trai, bad nga la kyang ha U Blei jong nga: u la ïohsngew ïa ka ktien jong nga na ka templ jong u, bad ka jingkyang jong nga ha khmat jong u ka la poi sha ki shkor jong u.

EKSODOS 1:14

Bad ki la ïa-pynkthang ïa ka jingim jong ki da ka jingpynlong mraw kaba shitom ha ka 'dewbyrtha bad ha u maw-it, bad ha ka kynja jingtrei baroh ha ka lyngkha, ka jingtrei jong ki baroh, ha kaba la pyntrei ïa ki ka la long da kaba jur keiñ.

EKSODOS 4:19

Bad U Trai u la ong ha u Moses ha ka ri Midian, “To leit phai pat sha ka ri Ijipt: naba ki la ïap noh baroh kita ki briew kiba la wad ïa ka jingim jong me.”

EKSODOS 6:5

Bad nga la ïohsngew ruh ïa ka jingud ki khun Israel, ïa kiba ki Ijipt ki bat ha ka jinglongmraw; bad nga la kynmaw ïa la ka jutang.

EKSODOS 6:9

Te u Moses u la kren kumta ha ki khun Israel: hynrei, ki, kim shym la shahshkor ïa u Moses namar kata ka jingpisa mynsiem bad namar kata ka jingpynlong mraw bashitom eh.

EKSODOS 7:7

Bad u Moses u la don phraphew snem ka rta, bad u Aaron phraphew lai snem ka rta mynba ki la kren ha u Pharaoh.

ISAÏAH 19:20

Te kan long ka dak bad ka sakhi ha U Trai ki paid ha ri Ijipt: namar kin kyang kyrpad ha U Trai namar ki nongbanbor, te un phah ïa u nongpynim, bad ïa u nongïada, u ruh un pyllait ïa ki.

ISAÏAH 5:7

Namar ka brisoh U Trai ki paid ka long ka ïing Israel, bad ki rangbah Judah u jingthung basngewbha jong u: te u la khmih lynti ïa ka jingbishar, hynrei, ha khmih ka jingbanbeiñ; ïa ka hok ruh, hynrei, ha khmih ka jingkyang!

JINGKHEIÑ 20:16

bad haba ngi la kyang duwai ha U Trai, u la shahshkor ïa ka ktien jong ngi, bad u la phah ruh ïa u angel jong u, bad u la pynmih noh ïa ngi na kata ka ri Ijipt: te ha khmih, ngi don ha Kadesh, ka shnong ha ka bakut ka pud jong me:’

KI KAM 7:30

“Te ynda la dap sawphew snem, u angel u la mihpaw ha u ha ka ri khlaw u lum Sinai, ha ka thylliej ding ha ka 'law lynnong.

DEUTERONOMI 24:15

ha kata ka sngi jong u hi keiñ ba u la trei, men ai ka bainong jong u, lymne wat ai kan sep noh ka sngi haba ka dang sah; namar u long u baduk, bad ïa kane u khmih lynti eh: ba ïoh un lynñiar sha U Trai pyrshah ïa me, bad kan long pop ha me.

JAKOB 5:4

Ha khmih, kata ka bainong jong kita ki nongtrei kiba la ot ïa ki lyngkha jong phi, ïa kaba la bat klop noh ma phi, ka kyang kyrpad; te kita ki jingkyang jong kita kiba la ot ki la leit bsut sha ki shkor U Trai ki Paid.

NONGBISHAR 4:3

Bad ki khun Israel ki la lynñiar ha U Trai: naba u la don khyndaispah ki kali nar; bad arphew snem u la banbeiñ eh ïa ki khun Israel.

1 SAMUEL 12:8

Mynba u Jakob u la poi sha Ijipt, bad ki kpa jong phi ki la ïam ha U Trai, hangta U Trai u la phah ïa u Moses bad u Aaron, kiba la wallam noh ïa ki kpa jong phi na Ijipt, bad ki la pynshong ïa ki ha kane ka jaka.

1 SAMUEL 9:16

“Lashai hamar kane ka por ngan phah sha me ïa u briew uba na ka ri Benjamin, te men pynsleh ïa u ban long u nongïalam halor ki briew jong nga ki Israel, bad un pyllait ïa ki briew jong nga na ka kti ki Philistia: namar nga la khmih ïa la ki briew, naba ka jinglynñiar jong ki ka la poi sha nga.”