EKSODOS 2:21 - KA BAIBL

²¹ Bad u Moses u la sngewbha ban shong duh bad uta u briew: u te u la ai kurim ha u Moses ïa ka Sipporah ka khun jong u.

Khasi CL Bible (BSI)

²¹ Kumta u Moses u la mynjur ban shong ban sah noh hangta, bad u Jethro ruh u pynshongkurim ïa u bad ka Sipporah ka khun jong u kaba la kha khun shynrang ïa u Moses.

EKSODOS 2:21 ပူးပေါင်းရင်းမြစ်များ

EKSODOS 2:10

Te mynba uta u khynnah u la san, ka la wallam ïa u ha ka khun u Pharaoh, bad u la long u khun jong ka. Bad ka la khot ka kyrteng jong u, “u Moses”: namar, ka la ong, “na ka um nga la sei ïa u.”

EKSODOS 2:20

Te u la kylli ïa la ki khun kynthei, “Shano te u don? balei phi la iehnoh ïa uta u rangbah? to khot ïa u ban bam jingbam.”

EKSODOS 3:1

Te u Moses u la dang ap ïa ka kynhun u Jethro u kthaw kurim jong u, uba u lyngdoh ka ri Midian: bad u la ïalam ïa kata ka kynhun sha lyndet ka ri khlaw, bad u la wan sha u lum U Blei, sha Horeb keiñ.

EKSODOS 4:18

Te u Moses u la leit phai pat sha u Jethro u kthaw kurim jong u, bad u la ong ha u, “Nga kyrpad ïa me, to shah ba ngan leit wan noh sha ki para jong nga kiba ha ka ri Ijipt, bad khmih la ki dang im ne em.” Te u Jethro u la ong ha u Moses, “To khie leit ha kaba suk.”

JINGKHEIÑ 10:29

Te u Moses u la kren ha u Hobab, u khun u Reuel u nong Midian, uba u kthaw kurim jong u Moses, “Ngi ïaleit ha kata ka jaka ba U Trai u la kren shaphang jong ka, ‘Ha phi ngan ai ïa ka’: to wan ma me lem bad ngi, ngi ruh ngin leh bha ïa me; naba U Trai u la kren ïa ka babha shaphang ki Israel.”

JINGKHEIÑ 12:1

Ka Miriam, bad u Aaron ruh, ki la ïakren khñium pyrshah ïa u Moses, namar kata ka kynthei kaba na ka ri Ethiopia, ïa kaba u la shongkurim: naba u la shongkurim bad ka nong Ethiopia.

KI KAM 7:29

Te namar kane ka jingong, u Moses u la phet noh; bad u la long u nongwanwir wanhap ha ka ri Midian, ha kaba u la pynkha ar ngut ki khun shynrang.

1 TIMOTHI 6:6

Hynrei, kata ka jingriewblei lem bad ka jingsngewhun ka long ka jingmyntoi bakhraw.

HEBRU 11:25

u da jied pynban ban shah shitom lem bad u paidlang U Blei, ban ïa ka ban ïoh ki jingsngewbha ka pop tang shi por;

HEBRU 13:5

To long kiba lait na kaba ieit sbai, da kaba sngewhun bad kita kiei kiei ba phi don; namar u hi u la ong: “Ngan ym iehnoh noh ïa me da lei lei, lymne ngan ym leh lyndet noh ïa me da lei lei.”

JAKOB 1:10

hynrei, uta u bariewspah, ha ka jingpynrit ïa u; naba kum u syntiew u phlang un tlor noh.