EKSODOS 2:11 - KA BAIBL

¹¹ Ka la jia ruh ha kita ki sngi, mynba u Moses u la rangbah, ba u la mih shabar sha ki para jong u, bad u la khmih ïa ki jingkit jong ki: bad u la ïohi ïa uwei u Ijipt ba u da shoh ïa u Hebru uba na ki para jong u.

Khasi CL Bible (BSI)

¹¹ Ha kawei ka sngi, haba u la rangbah, u Moses u leit jngoh ïa la ki para jait, ki Hebru, bad u ïohi kumno la pynbor ïa ki ban trei ïa ki kam kiba shitom sat. U ïohi ruh ïa uwei u nong Ijipt ba u pynïap ïa uwei u Hebru, u para jait jong u Moses hi.

EKSODOS 2:11 ပူးပေါင်းရင်းမြစ်များ

EKSODOS 1:11

Namar kata, ki la thung ïa ki sordar halor jong ki ban pynshitom ïa ki da ki jingkit jong ki. Te ki la tei ki nongbah ki jingkynshew ïa u Pharaoh, ka Pithom bad ka Raamses keiñ.

EKSODOS 3:7

U Trai u la ong ruh, “Nga la ïohi shisha ïa ka jingshitom ki briew jong nga kiba ha ka ri Ijipt, bad nga la ïohsngew ïa ka jinglynñiar jong ki namar ki sordar jong ki; naba nga la tip ïa ka jingsngewsih sat jong ki;

EKSODOS 5:14

Te la shoh ïa ki rangbah jong ki khun Israel, ïa kiba la buh ki sordar u Pharaoh halor jong ki, bad la kylli ïa ki ruh, “Na ka balei ba phim shym la pyndep noh ïa la ka bynta da kaba thaw maw-it mynhynnin bad mynta de, kumba mynno mynno ruh?”

EKSODOS 5:4

Te uta u syiem ka ri Ijipt u la ong ha ki, “Na ka balei ma phi, u Moses bad u Aaron, phi pynpep ïa ki briew na ka jingtrei jong ki? khie leit phi sha la ki jingkit.”

EKSODOS 5:5

U Pharaoh u la ong ruh, “Ha khmih, kine ki briew jong kane ka ri mynta ki la bun, bad phi la pynpep ïa ki na ki jingkit jong ki.”

EKSODOS 5:9

To nang pynban khia ïa ka jingtrei halor kine ki briew, ba kin ïatrei shitom ha ka; bad wat shah shuh ba kin ïasngap ïa ki ktien thala.”

EKSODOS 6:6

Namar kata, to ong ha ki khun Israel, ‘Nga long ma nga U Jehobah, bad ngan wallam noh ïa phi napoh ka jingpynshitom ki Ijipt, bad ngan pyllait noh ïa phi na ka jingpynlong mraw jong ki, bad ngan siewspah ïa phi da ka ksang'ti ba la kner, bad da ki jingbishar bakhraw:

EKSODOS 6:7

ngan shim ruh ïa phi ban long ki briew ïa nga, ma nga ruh, ngan long U Blei ïa phi: bad phin sa tip ba nga, nga long U Jehobah U Blei jong phi, uba wallam noh ïa phi napoh ki jingpynshitom ki Ijipt.

ISAÏAH 58:6

“Hato kane kam long ka jingshah jingit ba nga la jied? Kaba loit noh ïa ki jingkhum ka jingbymman, kaba law ïa ki jingkit lyngkor, bad kaba pyllaitluid ïa kiba la ban shitom, bad ba phin pynkheiñ ïa ka kynja lyngkor baroh?

MATHAÏOS 11:28

To wan ha nga, phi baroh ki bathait bad bakhia ka jingkit, te ngan pynjem ïa phi.

LOUKAS 4:18

“U Mynsiem U Trai U ha nga: naba U la pynsleh ïa nga ïa ka ban ïalap ïa ka gospel ha ki baduk; U la phah ïa nga ban pynbna ïa ka jingpyllait ha kiba la set byndi, bad ïa ka jingpynpeit pat ha ki bamatlah, ban pyllait noh ïa kiba la ban ka shitom;