EKSODOS 19:9 - KA BAIBL

⁹ Bad U Trai u la ong ha u Moses, “Ha khmih, ngan wan ha me ha u lyoh ba-dum, ba u paidbah un ïohsngew haba nga kren bad me, bad ba un ngeit ïa me ha la ka rta.” Bad u Moses u la ïathuh ïa kita ki ktien jong u paidbah ha U Trai.

Khasi CL Bible (BSI)

⁹ U Trai u ong ha u Moses, “Ngan wan ha me ha u lyoh uba rben, khnang ba u paidbah un ïohsngew ïa nga ba nga ïakren bad me, bad un sa ngeit ïa me naduh mynta.” U Moses u la ïathuh ha U Trai ïa ka jubab jong uta u paidbah,

EKSODOS 19:9 ပူးပေါင်းရင်းမြစ်များ

1 SYIEM 8:12

Ynda kumta, u Solomon u la kren, “U Trai u la ong ba un shong ha u lyoh barben.

2 KHRONIKL 20:20

Bad ki la khie dang step lashai, bad ki la leit mih sha ka khlaw Tekoa: te katba ki dang leit, u Jehoshaphat u la ïeng bad u la ong, “To sngew ïa nga, ko Judah, bad phi ki nong Jerusalem; to ngeit ha U Trai U Blei jong phi, kumta yn pynskhem ïa phi; to ngeit ïa ki nongïathuhlypa jong u, kumta, phin man bha.”

2 KHRONIKL 6:1

Ynda kumta, u Solomon u la kren, “U Trai u la ong ba un shong ha ka jingdum batliw tliw.

SALM 97:2

Ki lyoh bad ka jingdum kiba baroh sawdong ïa u: ka hok bad ka jingbishar ki long ka nongrim ka khet jong u.

SALM 99:7

U la kren ha ki ha uta u rishot lyoh: ki la sumar ïa ki jingphla jong u, bad ïa ka aiñ kaba u la ai ha ki.

EKSODOS 14:31

Te ki Israel ki la ïohi ïa kata ka kambah ka bakhraw kaba U Trai u la leh halor kita ki Ijipt, bad uta u paidbah u la sheptieng ïa U Trai: bad ki la ngeit ruh ha U Trai bad ha u Moses u shakri jong u.

EKSODOS 19:16

Te ha kata ka sngi balai, mynstep eh, la don ki pyrthat bad ki leilieh, bad u lyoh u barben halor uta u lum, bad ka jingsawa ka turoi bajam eh; katba ki briew baroh ha ka jaka shong dara ki la ïakhynñiuh keiñ.

EKSODOS 20:21

Uta u paidbah te u la ïaïeng na sha jngai, bad u Moses u la nang jan sha kata ka jingdum ha kaba U Blei u la don.

EKSODOS 34:5

Bad U Trai u la wan hiar ha u lyoh, bad u la ïeng hajan jong u hangta, bad u la pynbna ïa ka kyrteng U Trai.

EKSODOS 4:31

Bad uta u paidbah u la ngeit: te mynba ki la ïohsngew ba U Trai u la wan-i ïa ki khun Israel, bad ba u la khmih ruh de ïa ka jingshitom jong ki, ynda kumta, ki la dem ïa la ki khlieh bad ki la ïamane ruh.

EKSODOS 4:5

“ba kin ïoh ngeit ba U Trai uba U Blei ki kpa jong ki, U Blei u Abraham, bad U Blei u Isaak, bad U Blei u Jakob ruh, u la mihpaw ha me.”

ISAÏAH 19:1

Ka jingkit ka Ijipt. Ha khmih U Trai u shong halor u lyoh bastet, bad u wan sha Ijipt: te ïa ki bleithaw ka Ijipt yn sa pynkhynñiuh ha khmat jong u, bad ka dohnud ka Ijipt kan um hapdeng jong ka.

ISAÏAH 7:9

bad ka khlieh u Ephraim ka long ka Samaria, bad ka khlieh ka Samaria long u khun u Remaliah. Lada phin ym ngeit, da lei lei yn ym pynskhem ïa phi.’ ”

JINGKHEIÑ 12:5

U Trai ruh u la wan hiar ha uta u rishot lyoh, u la ïeng ruh ha ka jingkhang Ka Tabernakl, bad u la khot ïa u Aaron, bad ïa ka Miriam: te ki la mih noh baroh ar ngut.

MATHAÏOS 17:5

Haba u dang kren, ha khmih, u lyoh batyngshaiñ u la kah ïa ki: ha khmih ruh, ka ktien na uta u lyoh ka la ong, “Une u long U Khun jong nga uba ieit, ha uba nga sngewbha: phin sngew ïa u.”

MARKOS 9:7

Te la wan u lyoh uba kah ïa ki, bad ka ktien ka la wan na uta u lyoh, ka da ong, “Une u long U Khun jong nga uba ieit, to phin sngew ïa u.”

LOUKAS 10:16

“Jar uba sngew ïa phi, u sngew ïa nga; bad jar uba kyntait ïa phi, u kyntait ïa nga; bad jar uba kyntait ïa nga, u kyntait ïa uta uba la phah ïa nga.”

DEUTERONOMI 4:10

kham tam keiñ ïa kata ka sngi mynba me la ïeng ha khmat U Trai uba U Blei jong me ha Horeb, mynba U Trai u la ong ha nga, ‘To ïalum lang ha nga ïa u paidbah, ba ngan ïoh pynsngew ha ki, ïa ki ktien jong nga, ba kin ïoh tip ban sheptieng ïa nga, baroh ki sngi ba kin ïoh im ha ka pyrthei, bad ba kin ïoh hikai ïa ki ha la ki khun ruh.’

DEUTERONOMI 4:36

Na bneng u la pynsngew ïa ka ktien jong u ha me, ba un ïoh hikai ïa me: bad ha ka pyrthei ruh u la pyni ïa me ïa ka ding bakhraw jong u; bad me la ïohsngew ïa ki ktien jong u ruh napdeng kata ka ding.

JINGPYNPAW 1:7

Ha khmih, u wan bad ki lyoh, bad ka khmat baroh kan ïohi ïa u, bad kita ruh kiba la sum ïa u; bad ki jaid bynriew baroh jong ka pyrthei kin ïalynñiar lympat namar jong u. Kumta shisha: Amen.