EKSODOS 19:8 - KA BAIBL

⁸ Te uta u paidbah baroh ki la ïathuh lang, bad ki la ïa-ong ruh, “Ïa kata baroh ïa kaba U Trai u la kren ngin leh keiñ.” Bad u Moses u la leit ïathuh ïa kita ki ktien jong u paidbah ha U Trai.

Khasi CL Bible (BSI)

⁸ Nangta u paidbah baroh u la jubab lang, “Ngin leh ïa kaei kaei baroh kaba U Trai u la kren,” bad u Moses u la leit ïathuh ïa kane ha U Trai.

EKSODOS 19:8 ပူးပေါင်းရင်းမြစ်များ

NEHEMAÏAH 10:29

ki la ïasnoh bad la ki para, la ki bakhraw batri, bad ki la rung ha ka jingïatang, bad ha ka jingsmai, ban ïaid ha Ka Hukum U Blei, ïa kaba u la ai ha u Moses u shakri U Blei, bad ban rakhe bad ban leh baroh ïa ki hukum U Trai, U Trai jong ngi, bad ki jingbishar jong u bad ki aiñ jong u;

EKSODOS 20:19

Ki la ïa-ong ruh ha u Moses, “To kren ma me ha ngi, te ngin sngap: hynrei, wat ai ba U Blei un kren ha ngi, ïoh ngi ïap.”

EKSODOS 24:3

U Moses te u la wan ïathuh ha uta u paidbah ïa ki ktien U Trai baroh, bad ïa ki jingbishar baroh: te uta u paidbah baroh u la ïathuh da kawei ka ktien, u da ong ruh, “Ïa ki ktien baroh kiba U Trai u la ong; ngin leh keiñ.”

EKSODOS 24:7

Haba u la shim te ïa ka kitab ka jutang, u la pule ha kaba ïohsngew uta u paidbah; ki te ki la ong, “Ïa kata baroh kaba U Trai u la kren, ngin leh, bad ngin kohnguh.”

EKSODOS 4:31

Bad uta u paidbah u la ngeit: te mynba ki la ïohsngew ba U Trai u la wan-i ïa ki khun Israel, bad ba u la khmih ruh de ïa ka jingshitom jong ki, ynda kumta, ki la dem ïa la ki khlieh bad ki la ïamane ruh.

JOSHUA 24:21

Te uta u paidbah u la ong ha u Joshua, “Em; hynrei, ngi ngin shakri ïa U Trai.”

JOSHUA 24:24

Te uta u paidbah u la ong ha u Joshua, “Ïa U Trai U Blei jong ngi ngin shakri, bad ïa ka ktien jong u ngin kohnguh.”