EKSODOS 19:6 - KA BAIBL

⁶ phin long ruh ha nga ka hima lyngdoh bad ka jaid bynriew bakyntang. Kine ki ktien ïa kiba men kren ha ki khun Israel.”

Khasi CL Bible (BSI)

⁶ ka jaitbynriew ba la pynkyntang sha nga, bad phin shakri ïa nga kum ki lyngdoh.”

EKSODOS 19:6 ပူးပေါင်းရင်းမြစ်များ

1 SYIEM 3:8

Bad u shakri jong me u long hapdeng u paidbah jong me uba me la jied, u paidbah bakhraw, u bym lah ban ñiew lymne kheiñ namar babun eh.

1 SYIEM 8:53

Naba me la pynkyrpang ïa ki napdeng ki briew ka pyrthei baroh ban long ka bynta jong me, kumba me la kren da ka kti u Moses u shakri jong me, mynba me la wallam ïa ki kpa jong ngi na Ijipt, A Trai uba U Blei.”

1 KHRONIKL 17:22

Naba ïa ki briew jong me ki Israel, me la pynlong u paidlang la u jong hi ha la ka rta; bad ma me, A Trai, me la jia long U Blei jong ki.

SALM 114:2

u Judah u la long ka ïing kyntang jong u, bad u Israel ka jingsynshar jong u.

EKSODOS 15:26

bad u la ong, “Lada men sngap biang biang ruh ïa ka ktien jong U Trai U Blei jong me, bad lada men leh ruh ïa kata kaba dei ha khmat jong u, bad men shahshkor ruh ïa ki hukum jong u, da kaba rakhe ïa ki niam ki rukom jong u baroh, ngan ym da buh ha me kawei ruh keiñ na kita ki jingpang ïa kiba nga la wallam halor ki Ijipt: naba ma nga, nga long U Trai uba pynim ïa me.”

EKSODOS 22:31

“Phin long ruh ki briew bakyntang ha nga; lymne wat bam ïa ka doh ba la tar ki mrad ha lum; to phin bred ïa ka ha ki ksew.

EKSODOS 28:36

“Men thaw ruh ïa ka sla da ka ksiar banylla, bad men pruid ha ka, kum ki jingpruid jong ka mohor, ‘Ka jingkhuid ha U Trai.’

ISAÏAH 43:4

Haba me la long u bakordor ha khmat jong nga, bad uba donburom, bad nga la ieit ïa me; namar kata, ngan ai noh ki briew namar jong me, bad ki kynja bynriew namar ka jingim jong me.

ISAÏAH 61:6

Hynrei, yn jer kyrteng ïa phi: “Ki lyngdoh jong U Trai;” ki briew kin khot ïa phi; “Ki shakri U Blei jong ngi;” phin bam ïa ka spah ki jaid bynriew, bad ha ka burom jong ki phin kren ïaroh ïa lade.

ISAÏAH 62:12

Te kin khot ïa ki: ‘U paidlang bakhuid,’ ‘Kiba la siewspah ki jong U Trai’ bad yn khot ïa pha: ‘Ïa kaba la wad,’ ‘Ka shnong bym shym la iehnoh.’ ”

ISAÏAH 66:21

Te na ki ruh ngan shim ban long ki lyngdoh bad ki Lebi,” ong U Trai.

JEREMAÏAH 13:11

Naba kumba ka jingpanpoh ka snoh ha ka syngkai u briew, kumta nga ruh nga la pynsnoh ha nga ïa ka ïing Israel baroh bad ïa ki ïing Judah baroh,’ ” ong U Trai; “ba kin ïoh long ha nga u paidbah, bad ka nam, bad ka jingïaroh, bad ka burom: hynrei, kim treh ban sngap.”

JEREMAÏAH 2:3

U Israel u la long ka jingkhuid ïa U Trai, u soh nyngkong ka jingmih jong u: baroh kiba bam duh ïa u yn ñiew kiba rem ïa ki; ka jingsniew kan ngat halor jong ki,” ong U Trai.

JEREMAÏAH 7:23

hynrei, ïa kane nga la hukum ïa ki, nga da ong, ‘To shahshkor ïa ka ktien jong nga, te ngan long U Blei jong phi, bad phin long u paidlang jong nga: bad to ïaid ha ka lynti baroh kaba nga hukum ïa phi, ba kan long bha bad phi.’

LEBITIKOS 19:2

“To kren ha u paidlang ki khun Israel baroh, bad to ong ha ki, ‘To long ki bakhuid; naba nga u bakhuid, U Trai U Blei jong phi hi.

LEBITIKOS 20:24

Hynrei, nga la ong ha phi, “Phin ïoh pateng ma phi ïa ka ri jong ki, bad ngan ai ïa ka ha phi keiñ ba phin ïoh ma phi ïa ka, ka ri kaba tuid da ka dud bad ka ngap: nga long U Trai U Blei jong phi, uba la pynkyrpang ïa phi na ki jaid bynriew.

LEBITIKOS 20:26

Phin long ki bakhuid ïa nga: naba ma nga U Trai nga long u bakhuid, bad nga la pynkyrpang ïa phi na ki jaid bynriew, ïa ka ban long ki jong nga hi.”

LEBITIKOS 21:23

Tangba un ym ïoh leit bsut haduh ka jingkah, lymne leit hajan ïa ka duwan, namar ba u don ka jingsniewbriew ha u; wat ai ba un pyntngit ïa ki jaka kyntang jong nga: naba nga long U Trai uba pynkhuid ïa ki.’ ”

AMOS 3:2

“Tang ma phi keiñ nga la ithuh na ki kur baroh ka pyrthei: namar kata, ngan pynwan phai halor jong phi ïa ki jingleh bymhok jong phi baroh.

HAGGAI 2:5

‘katba kum kata ka ktien ïa kaba nga la teh jutang bad phi mynba phi la mih noh na Ijipt, bad ka mynsiem jong nga ka shong hapdeng jong phi: wat sheptieng phi.’

JINGKHEIÑ 16:3

Te ki la ïalum lang pyrshah ïa u Moses, bad pyrshah ïa u Aaron, ki la ong ruh ha ki, “Phi shimti ha lade kham bun, haba phi ïohi ba u paidlang baroh u long u bakhuid uwei pa uwei, bad ba U Trai ruh u don hapdeng jong ki: balei te phi pynkyntiew ïa lade halor u paidlang jong U Trai?”

Ka Shithi U Paul Sha Ki Nong Rom 12:1

Namar kata, nga kyrpad ïa phi, ko parabangeit, na kita ki jingisynei ki jong U Blei, ban aiti noh ïa ki met jong phi kum ka jingkñia ba-im, bakhuid, bad ba pynsngewbha eh ïa U Blei, kaba long keiñ ka jingshakri bakynja mynsiem jong phi.

1 KORINTH 3:17

Te lada uno uno ruh u pynjot ïa kata ka ïingshong U Blei, ïa uta keiñ U Blei un sa pynjot; namar kata ka ïingshong U Blei ka long ka bakhuid, kaba long ma phi keiñ.

DEUTERONOMI 14:21

“Phin ym ïoh bam ïa kaei kaei ruh ka baïap hi: men ai ïa ka ha u nongwei uba ha ki khyrdop jong me, ba un ïoh bam ïa ka; lane me lah ban die ïa ka ha u nongwan hap: naba me long u paidlang u bakyntang ha U Trai uba U Blei jong me. “Men ym shet ïa u khun blang ha ka dud la ka kmie.

DEUTERONOMI 26:19

ba un pynkyntiew ïa me kham ha khlieh eh ïa ki jaid bynriew baroh ïa kiba u la thaw, ha ka jingïaroh, bad ha ka nam, bad ha ka burom ruh; bad ba men long ruh u paidlang bakyntang ha U Trai uba U Blei jong me, kumba u la kren.”

DEUTERONOMI 28:9

U Trai un pynïeng ïa me ban long u paidlang bakyntang ha lade hi, kumba u la smai ha me; lada men sumar ïa ki hukum U Trai uba U Blei jong me, bad ba men ïaid ruh ha ki lynti jong u.

DEUTERONOMI 7:6

“Naba me long u paidlang bakyntang ïa U Trai uba U Blei jong me: uta U Trai uba U Blei jong me u la jied ïa me, ïa ka ban long u paidlang bakyrpang ïa u hi keiñ, nalor ki kynja bynriew baroh kiba ha khmat ka pyrthei.

1 THESSALONI 5:27

Nga pynsmai ïa phi da U Trai ban pule ïa kane ka shithi ha ki parabangeit baroh.

1 PETROS 2:5

ïa phi ruh, kum ki maw ba-im la tei, ban long ka ïing bakynja mynsiem, ka jinglong lyngdoh bakhuid, ban kñia ïa ki jingkñia bakynja mynsiem, ïa kiba pdiang hun ha U Blei da U Jisu Khrist.

1 PETROS 2:9

Hynrei, ma phi, phi long ka kynja ba la jied, ka jinglong lyngdoh bakynja syiem, ka jaid bynriew bakhuid, u paidlang ba dei eh la u jong hi, ba phin da ïoh pynpaw ïa ki jingbha kor tam jong uta uba la khot ïa phi na ka jingdum sha kata ka jingshai baphylla jong u:

JINGPYNPAW 1:6

bad u la pynlong ïa ngi ki syiem bad ki lyngdoh ha U Blei bad U Kpa jong u; ha u to long ka burom bad ka jingsynshar sha ki bymjukut ki bymjukut: Amen.

JINGPYNPAW 20:6

Uba suk bad u bakhuid long uta uba don ka bynta ha kata ka jingmihpat ka banyngkong: halor kine, kata ka jingïap ka ba-ar kam don bor shuh; hynrei, kin long ki lyngdoh jong U Blei bad jong U Khrist, bad kin ïasynshar lem bad u, shi hajar snem.

JINGPYNPAW 5:10

bad me la pynlong ïa ki, ki syiem bad ki lyngdoh ha U Blei jong ngi, bad kin ïasynshar ha ka pyrthei.”