EKSODOS 19:5 - KA BAIBL

⁵ Te namar kata, lada shisha phin kohnguh ïa ka ktien jong nga, bad sumar ïa ka jutang jong nga, te phin long ka jingkynshew kaba dei ka jong nga hi nalor ki briew baroh: naba ka pyrthei baroh ka jong nga keiñ:

Khasi CL Bible (BSI)

⁵ Te mynta, lada phin kohnguh ïa nga bad sumar ïa ka jutang jong nga, phin long ki briew jong nga. Ka pyrthei baroh kawei ka long ka jong nga, bad phi pat phin long ki briew kiba nga la jied,

EKSODOS 19:5 ပူးပေါင်းရင်းမြစ်များ

JENESIS 17:9

Bad U Blei u la ong ruh ha u Abraham, “Ma me, hynrei, to men rakhe ïa ka jutang jong nga; ma me bad u symbai jong me hadien jong me keiñ, ha ki pateng la pateng bynriew jong ki.

1 SYIEM 8:53

Naba me la pynkyrpang ïa ki napdeng ki briew ka pyrthei baroh ban long ka bynta jong me, kumba me la kren da ka kti u Moses u shakri jong me, mynba me la wallam ïa ki kpa jong ngi na Ijipt, A Trai uba U Blei.”

1 KHRONIKL 17:22

Naba ïa ki briew jong me ki Israel, me la pynlong u paidlang la u jong hi ha la ka rta; bad ma me, A Trai, me la jia long U Blei jong ki.

Ka Kitab U Job 41:11

Uei uba la ai shuwa ha nga, ba nga dei ban siew pat ha u? Kiei kiei kiba hapoh ka bneng baroh ki long ki jong nga.

Ka Kitab U Job 41:3

Un duwai shibun ïa me? lane un kren ki ktien ki bajem ha me?

SALM 135:4

Namar U Trai u la jied ïa u Jakob ha lade, bad ïa u Israel ban long uba dei eh la u jong hi.

SALM 24:1

Ka khyndew ka long ka jong U Trai, bad ka jingdap jong ka; ka pyrthei, bad kiba shong ha ka.

SALM 25:10

Baroh ki lynti ïaid jong U Trai ki long ka jingleh isynei bad ka jingshisha ha kita kiba sumar ïa ka jutang jong u bad ki jingphla jong u.

EKSODOS 15:26

bad u la ong, “Lada men sngap biang biang ruh ïa ka ktien jong U Trai U Blei jong me, bad lada men leh ruh ïa kata kaba dei ha khmat jong u, bad men shahshkor ruh ïa ki hukum jong u, da kaba rakhe ïa ki niam ki rukom jong u baroh, ngan ym da buh ha me kawei ruh keiñ na kita ki jingpang ïa kiba nga la wallam halor ki Ijipt: naba ma nga, nga long U Trai uba pynim ïa me.”

EKSODOS 23:22

“Hynrei, lada shisha men kohnguh ïa ka ktien jong u, bad men leh ïa kaba nga kren baroh; te ngan long u nongshun ïa ki nongshun jong me, bad u nongïaleh ïa ki nongïaleh jong me.

EKSODOS 24:7

Haba u la shim te ïa ka kitab ka jutang, u la pule ha kaba ïohsngew uta u paidbah; ki te ki la ong, “Ïa kata baroh kaba U Trai u la kren, ngin leh, bad ngin kohnguh.”

EKSODOS 34:9

Bad u la ong, “Lada nga la shem mynta ïa ka jingsngewbha ha khmat jong me, A Trai, nga kyrpad ïa me, to ai ba U Trai jong nga un leit ryngkat bad ngi; namar u long u paidlang ba-eh ryndang; to map ruh ïa ka jingpalat jong ngi, bad ïa ka pop jong ngi, bad to shim ïa ngi kum ka bynta jong me.”

EKSODOS 6:7

ngan shim ruh ïa phi ban long ki briew ïa nga, ma nga ruh, ngan long U Blei ïa phi: bad phin sa tip ba nga, nga long U Jehobah U Blei jong phi, uba wallam noh ïa phi napoh ki jingpynshitom ki Ijipt.

EKSODOS 8:22

Bad ngan pynkyrpang ha kata ka sngi ïa ka ri Goshen, ha kaba ki ïashong u paidbah jong nga, ba kita ki bun jaid ki skain kin ym don hangta; khnang ba men ïoh tip ba nga long U Trai hapdeng ka pyrthei.

EKSODOS 9:29

Te u Moses u la ong ha u, “Haba nga dang shu mih noh na kane ka nongbah, ngan sa kner ïa la ki kti sha U Trai; te uta u pyrthat un duh, bad uta u phria ruh un ym hap shuh; khnang ba men ïoh tip ba ka pyrthei ka long ka jong U Trai.

JINGRWAI SOLOMON 8:12

Ka brisoh jong nga, kaba long ka jong nga hi, ka don ha khmat jong nga: me, ko Solomon, men ïoh ïa ka shi hajar, bad kita kiba sumar ïa u soh jong ka, arspah.

ISAÏAH 1:19

Lada phi long kiba kloi bad ba kohnguh, phin bam ïa ka jingbha jong ka ri:

ISAÏAH 41:8

Hynrei ma me, ko Israel, u shakri jong nga, u Jakob ïa uba nga la jied, u symbai jong u Abraham u lok jong nga;

ISAÏAH 43:1

Hynrei, kumne u ong U Trai uba la thaw ïa me, ko Jakob, bad uta uba la thaw dur ïa me, ko Israel: “Wat sheptieng, namar nga la siewspah ïa me; nga la khot ïa me da ka kyrteng, me long u jong nga.

ISAÏAH 56:4

Namar kumne u ong U Trai ïa ki ïunukh kiba sumar ïa ki Sabbaton jong nga, bad kiba jied ïa kiei kiei ba pynsngewbha ïa nga, bad kiba bat skhem ruh ïa ka jutang jong nga:

JEREMAÏAH 10:16

Uba ka bynta u Jakob um long kum kine; naba u long u banyngkong na kiei kiei baroh; bad u Israel u long ka jaid ka jingïoh kynti jong u: “U Trai ki paid” long ka kyrteng jong u.

JEREMAÏAH 13:11

Naba kumba ka jingpanpoh ka snoh ha ka syngkai u briew, kumta nga ruh nga la pynsnoh ha nga ïa ka ïing Israel baroh bad ïa ki ïing Judah baroh,’ ” ong U Trai; “ba kin ïoh long ha nga u paidbah, bad ka nam, bad ka jingïaroh, bad ka burom: hynrei, kim treh ban sngap.”

JEREMAÏAH 7:23

hynrei, ïa kane nga la hukum ïa ki, nga da ong, ‘To shahshkor ïa ka ktien jong nga, te ngan long U Blei jong phi, bad phin long u paidlang jong nga: bad to ïaid ha ka lynti baroh kaba nga hukum ïa phi, ba kan long bha bad phi.’

ESEKIEL 16:8

“ ‘Te haba nga la ïaid najan jong pha, bad nga la khmih ïa pha, ha khmih, ka por jong pha ka la long ka por ka jingieit; te nga la pynkup ïa la ka jaiñ halor jong pha, bad nga la tap ïa ka jinglyngkhuit jong pha: shisha, nga la smai ha pha, bad nga la ïateh ka jutang bad pha,’ ” ong U Trai U Blei, “bad pha long ka jong nga.

LEBITIKOS 20:24

Hynrei, nga la ong ha phi, “Phin ïoh pateng ma phi ïa ka ri jong ki, bad ngan ai ïa ka ha phi keiñ ba phin ïoh ma phi ïa ka, ka ri kaba tuid da ka dud bad ka ngap: nga long U Trai U Blei jong phi, uba la pynkyrpang ïa phi na ki jaid bynriew.

AMOS 3:2

“Tang ma phi keiñ nga la ithuh na ki kur baroh ka pyrthei: namar kata, ngan pynwan phai halor jong phi ïa ki jingleh bymhok jong phi baroh.

AMOS 6:1

“Kordit ïa kita kiba shongsuk ha Seïon, bad ïa kita kiba sngewskhem ha u lum Samaria, kiba donnam na ki bakongsan jong ki jaid bynriew, ha kiba ka ïing Israel ka wan!

MALAKHI 3:17

“Bad kin long ki jong nga,” ong U Trai ki paid, “ha kata ka sngi, ha kaba nga pynlong ïa ka jingkynshew la ka jong hi; bad ngan isynei ïa ki, kumba isynei u briew ïa la u khun uba shakri ïa u.

1 KORINTH 10:26

Namar “Ka khyndew ka long ka jong U Trai, bad ka jingdap kyrhai jong ka.”

1 KORINTH 10:28

Hynrei, lada uno uno ruh un ong ha phi, “Kane ka long ka doh kñia”; wat bam phi, na ka bynta uta uba la ïathuh, bad na ka bynta ka jingïatiplem: “namar ka khyndew ka long ka jong U Trai, bad ka jingdap kyrhai jong ka”:

DEUTERONOMI 10:14

Ha khmih, ka bneng bad ka bneng jong ki bneng, ki long ki jong U Trai uba U Blei jong me, ka khyndew ruh, bad baroh katba don ha ka.

DEUTERONOMI 11:27

ïa ka jingkyrkhu keiñ, lada phin kohnguh ïa ki hukum U Trai uba U Blei jong phi, ïa kiba nga hukum ïa phi ha kane ka sngi;

DEUTERONOMI 14:2

Namar me long u paidlang u bakyntang ha U Trai uba U Blei jong me, U Trai ruh u la jied ïa me, ban long u paidlang ba dei la u jong hi, nalor kita ki jaid bynriew baroh kiba don ha ka pyrthei.

DEUTERONOMI 14:21

“Phin ym ïoh bam ïa kaei kaei ruh ka baïap hi: men ai ïa ka ha u nongwei uba ha ki khyrdop jong me, ba un ïoh bam ïa ka; lane me lah ban die ïa ka ha u nongwan hap: naba me long u paidlang u bakyntang ha U Trai uba U Blei jong me. “Men ym shet ïa u khun blang ha ka dud la ka kmie.

DEUTERONOMI 26:18

U Trai ruh u la shim ïa me ha kane ka sngi ban long u paidlang la u jong hi, kumba u la kular ïa me, bad ba men sumar ïa ki hukum jong u baroh;

DEUTERONOMI 26:19

ba un pynkyntiew ïa me kham ha khlieh eh ïa ki jaid bynriew baroh ïa kiba u la thaw, ha ka jingïaroh, bad ha ka nam, bad ha ka burom ruh; bad ba men long ruh u paidlang bakyntang ha U Trai uba U Blei jong me, kumba u la kren.”

DEUTERONOMI 28:1

“Te kan jia, lada men shahshkor biang biang ïa ka ktien jong U Trai uba U Blei jong me, ïa ka ban sumar ban leh ruh ïa ki hukum jong u baroh kiba nga hukum ïa me ha kane ka sngi, ba U Trai uba U Blei jong me un pynkyntiew ïa me ha khlieh ki jaid bynriew ka pyrthei baroh:

DEUTERONOMI 28:9

U Trai un pynïeng ïa me ban long u paidlang bakyntang ha lade hi, kumba u la smai ha me; lada men sumar ïa ki hukum U Trai uba U Blei jong me, bad ba men ïaid ruh ha ki lynti jong u.

DEUTERONOMI 4:20

Hynrei, U Trai u la shim ïa phi, bad u la wallam noh ïa phi na kata ka lawar ding saiñ nar, na ka ri Ijipt keiñ, khnang ba phin long u paidlang ha u, ka bynta trai keiñ, kumba phi long ha kane ka sngi.

DEUTERONOMI 5:2

U Trai uba U Blei jong ngi, u la pynlong ïa ka jutang bad ngi, ha Horeb.

DEUTERONOMI 7:6

“Naba me long u paidlang bakyntang ïa U Trai uba U Blei jong me: uta U Trai uba U Blei jong me u la jied ïa me, ïa ka ban long u paidlang bakyrpang ïa u hi keiñ, nalor ki kynja bynriew baroh kiba ha khmat ka pyrthei.

DEUTERONOMI 9:29

Pynban, ki long u paidlang jong me, bad ka bynta pateng jong me, ïa kiba me la wallam noh da ka borbah jong me, bad da la ka ksang'ti ba la kner.’

TITOS 2:14

uba la aiti noh ïa lade na ka bynta jong ngi, ba un ïoh siewspah noh ïa ngi na ka jingbymhok baroh, bad ba un pynkhuid ha lade hi ïa u paidlang ban long ka bynta kynti jong u hi, uba shitrhem ïa ki jingleh babha.

HEBRU 11:8

Da ka jingngeit, u Abraham haba la khot ïa u, u la kohnguh ban leit noh sha kata ka jaka ïa kaba un sa pdiang ïa ka ban long ka bynta; te u la leit noh, um da tip shaei u leit.

HEBRU 8:9

ym katba kum kata ka jutang ïa kaba nga la pynlong bad ki kpa jong ki, ha kata ka sngi ba nga la btin na ka kti ïa ki ïa ka ban ïalam noh ïa ki na ka ri Ijipt; naba kim shym ïaineh ha kata ka jutang jong nga, nga te nga la leh lyndet ïa ki,” ong U Trai.

JOSHUA 24:24

Te uta u paidbah u la ong ha u Joshua, “Ïa U Trai U Blei jong ngi ngin shakri, bad ïa ka ktien jong u ngin kohnguh.”

1 PETROS 2:9

Hynrei, ma phi, phi long ka kynja ba la jied, ka jinglong lyngdoh bakynja syiem, ka jaid bynriew bakhuid, u paidlang ba dei eh la u jong hi, ba phin da ïoh pynpaw ïa ki jingbha kor tam jong uta uba la khot ïa phi na ka jingdum sha kata ka jingshai baphylla jong u:

1 SAMUEL 15:22

Te u Samuel u la ong, “U Trai u sngewbha ma ha ki jingainguh thang bad ha ki jingkñia kumba ha kaba kohnguh ïa ka ktien U Trai? Ha khmih, kaba kohnguh ka kham bha ban ïa ka jingkñia, bad kaba shahshkor ban ïa ka khleiñ ki 'lang sohmoh.