EKSODOS 19:4 - KA BAIBL

⁴ Phi la ïohi ïa kata ïa kaba nga la leh ha ki Ijipt, kumno nga la bah ïa phi halor ki thapniang ki pukni, bad nga la wallam ïa phi ha lade hi.

Khasi CL Bible (BSI)

⁴ “Phi la ïohi aïu ma nga, U Trai nga la leh ïa ki nong Ijipt bad kumno ba nga la kit ïa phi kum ka pukni kaba kit ïa la ki khun ha ki thapniang jong ka, bad nga la wan ïalam ïa phi sha nga ha kane ka jaka.

EKSODOS 19:4 ပူးပေါင်းရင်းမြစ်များ

ISAÏAH 40:31

hynrei, kita kiba ap khmih ïa U Trai kin pynthymmai bor; kin her sha jrong da ki thapniang kum ki pukni; kin mareh, bad kin ym sngewthait; kin ïaid, bad kin ym sngewlwait.

ISAÏAH 63:9

Ha ka jingshitom jong ki baroh u la shah shitom, bad u angel na khmat jong u, u la pynim ïa ki; ha ka jingieit jong u bad ha ka jingsngewsynei jong u, u la siewspah ïa ki; te u la kynthup ïa ki, u la bah ruh ïa ki ha la ka sngi naduh mynhyndai.

HOSIA 11:1

“Mynba u Israel u dang khynnah, hangta nga la ieit ïa u, bad nga la khot noh ïa la u khun na Ijipt.

HAGGAI 2:5

‘katba kum kata ka ktien ïa kaba nga la teh jutang bad phi mynba phi la mih noh na Ijipt, bad ka mynsiem jong nga ka shong hapdeng jong phi: wat sheptieng phi.’

MALAKHI 2:10

Hato ngi baroh ngim don uwei u kpa? uwei U Blei um shym la thaw ïa ngi? balei ngi ïashet kylla uwei uwei ïa la u para, ngi da pynsang ïa ka jutang jong ki kpa jong ngi?

DEUTERONOMI 1:30

U Trai uba U Blei jong phi uba ïaid ha shuwa jong phi, un ïaleh thma ma u na ka bynta jong phi, katba kum kata baroh kaba u la leh na ka bynta jong phi ha ka ri Ijipt ha khmat jong phi;

DEUTERONOMI 1:31

bad ha kata ka ri khlaw ruh, ha kaba phi la ïohi kumno ba U Trai uba U Blei jong me u la bah ïa me, kumba u briew u bah ïa la u khun, ha kata ka lynti baroh ba phi la ïaid, haduh ba phi la ïawan poi sha kane ka jaka.’

DEUTERONOMI 29:1

Kine ki long kita ki ktien jong kata ka jutang ïa kaba U Trai u la hukum ïa u Moses ban thaw bad ki khun Israel ha ka ri Moab, nalor kata ka jutang kaba u la thaw bad ki, ha Horeb.

DEUTERONOMI 29:2

Te u Moses u la pyrta ïa ki khun Israel, bad u la ong ha ki, “Phi la ïohi ïa kita baroh kiba U Trai u la leh ha khmat jong phi ha ka ri Ijipt ha u Pharaoh, bad ha ki shakri jong u baroh, bad ha ka ri jong u baroh ruh:

DEUTERONOMI 4:9

“Tang ba men sumar ïa lade, bad sharai minot bha ïa la ka mynsiem, ïoh ba men klet ïa kine kiei kiei kiba ki khmat jong me ki la ïohi, bad ïoh ba kin kynriah noh ruh na ka dohnud jong me, baroh ki sngi ka rta jong me; hynrei, to hikai ïa ki ha la ki khun shynrang, bad ha ki khun shynrang ki khun shynrang jong me keiñ;

JOSHUA 23:3

phi ruh phi la ïohi ïa baroh kaba U Trai U Blei jong phi u la leh ïa kine ki jaid bynriew baroh na ka bynta jong phi; namar U Trai U Blei jong phi keiñ u long uta uba la ïaleh na ka bynta jong phi.

JINGPYNPAW 12:14

Te la ai ha kata ka briew ar tylli ki thapniang jong ka pukni ka bakhraw, ba kan da ïoh her noh sha kata ka ri khlaw sha kata ka jaka jong ka, ha kaba yn bsa ïa ka shi Ïa, bad ki Ïa, bad ka shiteng Ïa, na khmat uta u bseiñ.