EKSODOS 19:22 - KA BAIBL

²² Bad to ai ba ki lyngdoh ruh de, kiba ju wan hajan U Trai, kin ïapynkhuid ïa lade, ïoh ba U Trai un kyntur ïa ki.”

Khasi CL Bible (BSI)

²² Wat ki lyngdoh kiba wan sha jan jong nga ki dei ban pynkhuid ïa lade, lym kumta ngan pynshitom ïa ki.”

EKSODOS 19:22 ပူးပေါင်းရင်းမြစ်များ

1 KHRONIKL 15:13

Namar haba phim shym bah ïa ka ha kaba nyngkong, U Trai U Blei jong ngi u la pynmong ïa ngi, namar ba ngim shym la wad ïa u katba kum ka hukum.”

2 KHRONIKL 30:15

Ynda kumta, ki la pynïap ïa Ka Jinglait ha ka bakhatsaw sngi u bnai u ba-ar: bad ki lyngdoh bad ki Lebi ki la lehrain, bad ki la pynkyntang ïa lade, bad ki la wallam ïa ki jingainguh thang ha ka ïing U Trai.

2 KHRONIKL 30:3

Naba kim lah ban rakhe ïa ka ha kata ka por, namar kat ban biang na ki lyngdoh kim pat shym pynkyntang ïa lade, bad ki briew ruh kim pat shym ïalang ha Jerusalem.

EKSODOS 19:24

Bad U Trai u la ong ha u, “To khie, to hiar ruh; bad men wan kiew, ma me, bad u Aaron lem bad me: hynrei, wat ai ba kita ki lyngdoh bad uta u paidbah kin wan tur lyngba sha U Trai, ïoh ba u un kyntur ha ki keiñ.”

EKSODOS 19:5

Te namar kata, lada shisha phin kohnguh ïa ka ktien jong nga, bad sumar ïa ka jutang jong nga, te phin long ka jingkynshew kaba dei ka jong nga hi nalor ki briew baroh: naba ka pyrthei baroh ka jong nga keiñ:

EKSODOS 24:5

Te u la phah ïa ki samla na ki khun Israel, kiba la kñia ïa ki jingainguh thang, bad ki la kñia da ki masi lyngraw ïa ka jingkñia bapynïasuk ha U Trai.

ISAÏAH 52:11

To kynriah noh, to kynriah noh, to mih noh nangta, wat ktah ïa kaei kaei ka basang; to mih noh napdeng jong ka; to long khuid, phi kiba bah ïa ki khiew U Trai.

LEBITIKOS 21:6

Kin long ba la kyntang ïa U Blei jong ki, bad kin ym pyntngit ïa ka kyrteng U Blei jong ki: naba ki long ma ki, kiba kñia ainguh ïa ki jingkñia U Trai ba la pynlong da ka ding, ïa ka jingbam ka jong U Blei jong ki: namar kata keiñ, ka dei ïa ki ban long ki bakhuid eh.

JINGKHEIÑ 11:18

Namar kata, men ong ha u paidbah, ‘To phin pynkhuid ïa lade hamar lashai, te phin ïoh bam doh: namar phi la ïam lynñiar ha ki shkor U Trai, phi da ong, “Uei u ban ai doh ïa ngi ban bam? naba ngi la long suk ha ka ri Ijipt”: namar kata, U Trai un ai doh ïa phi, bad phin ïoh bam ruh.

KI KAM 5:10

Te shisyndon ka la kyllon ha ki kjat jong u, bad ka la dkut mynsiem. Te haba kita ki samla ki la rung, ki la shem ba ka la lah ïap; bad haba ki la ïabah noh shabar ïa ka, ki la ïatep ïa ka ha syndah u tnga jong ka.

KI KAM 5:5

Te haba u Ananias u la ïohsngew ïa kine ki ktien, u la kyllon khram, bad u la dkut mynsiem. Ka jingsheptieng bakhraw te ka la hap ha kita baroh kiba la ïohsngew ïa kata.