EKSODOS 19:18 - KA BAIBL

¹⁸ Bad u lum Sinai u la mih tdem baroh uwei, namar U Trai u la hiar halor jong u ha ka ding; bad ka tdem jong u ka la kiew kum ka tdem ka lawar ding, bad uta u lum baroh uwei u la khynñiuh eh.

Khasi CL Bible (BSI)

¹⁸ Ïa u Lum Sinai baroh uwei la tap da ka tdem, namar U Trai u la wan hiar ha u ha ka ding. Ka tdem ka kiew kum kaba mih na ka lawar ding, bad ki briew baroh ki la kyiuh shibun eh.

EKSODOS 19:18 ပူးပေါင်းရင်းမြစ်များ

JENESIS 11:5

Bad U Trai u la wan hiar ïa ka ban khmih ïa kata ka nongbah bad ïa kata ka kut, ïa kaba ki la lah ïatei ki khun bynriew.

JENESIS 15:17

Ka la jia ruh, ba haba la sep ka sngi, bad ba ka la dum tliw tliw, ha khmih ka lawar ba-mih tdem, bad ka sharak ba-meh ding ka khih hapdeng kita ki dkhot.

JENESIS 19:28

bad u la khmih shaphang Sodom bad Gomorra, bad shaphang ka ri baroh jong kata ka pynthor, bad u la ïohi, bad ha khmih, ka tdem jong kata ka khyndew ka la kiew kum ka tdem ka lawar ding.

NEHEMAÏAH 9:13

Me la hiar halor u lum Sinai ruh, bad me la kren bad ki na bneng, bad me la ai ha ki, ïa ki jingbishar bahok bad ki rukom bashisha, ki aiñ bad ki hukum babha:

SALM 104:32

uba shu khmih ïa ka khyndew, te ka khynñiuh; u ktah ïa ki lum, te ki ïamih tdem.

SALM 114:4

Ki lum bah ki la ryngkoh kum ki 'lang shynrang, ki lum rit kum ki khun langbrot.

SALM 114:7

Pha ka khyndew, to khynñiuh ha khmat U Trai, ha khmat U Blei u Jakob;

SALM 144:5

To pyndem ïa la ki bneng, A Trai, bad to hiar: to ktah ïa ki lum, te kin sa mih tdem.

SALM 18:9

U la pyndem ïa ki bneng ruh, bad u la wan hiar; ka jingdum kaba rben ka la don hapoh ki sla'jat jong u.

SALM 68:9

Ma me, A U Blei, me la phah kyrhai ïa u slap, me la pynskhem ïa la ka jingïoh kynti, haba ka la thait.

SALM 77:18

Ka jingsawa u pyrthat jong me ka la don ha ka lyer langthari; ki leilieh ki la pynshai ïa ka pyrthei: ka khyndew ka la khynñiuh bad ka la khih.

SALM 77:19

Ka lynti bah jong me ka la long ha ka duriaw, bad ki lynti rit jong me ha ki um ki bakhraw, bad ïa ki jingjam jong me ym ithuh.

EKSODOS 19:13

wat ai ba ka kti kan ktah ïa u, hynrei, da shisha yn lynthem ïa u, lane siat ïap ïa u, la u long u mrad lane u briew, un ym im shuh:’ Haba ka turoi kan sawa jam slem, kin sa kiew sha uta u lum.”

EKSODOS 19:17

Bad u Moses u la wallam noh ïa u paidbah na kata ka dara ïa ka ban ïashem bad U Blei; te ki la ïaïeng ha trai uta u lum.

EKSODOS 20:18

Uta u paidbah baroh te u la ïohi ïa kita ki pyrthat, bad ïa kita ki leilieh, bad ïa kata ka jingsawa ka turoi, bad ïa uta u lum u da mih tdem: te haba uta u paidbah u la ïohi, u la kynriah noh, bad u la ïeng noh na sha jngai.

EKSODOS 24:17

Ka jingkhmih ka burom U Trai te ka la long kum ka ding kaba bam duh ha khlieh uta u lum ha khmat ki khun Israel.

EKSODOS 3:2

Bad u angel U Trai u la mihpaw ha u ha ka thylliej ding napdeng ka 'law lynnong: te u la khmih, bad ha khmih, kata ka 'law lynnong ka la ing da ka ding, hynrei, kata ka 'law lynnong kam ing duh noh.

EKSODOS 34:2

To khreh te hamar kaba mynstep, bad to wan kiew dang step sha u lum Sinai, bad to wan ha nga hangta ha kliar uta u lum.

ISAÏAH 6:4

Ki nongrim jong ki khyrdop ki la win ruh na ka jingsawa uta uba pyrta, bad ïa ka ïing la pyndap da ka tdem.

ISAÏAH 64:1

A ba men da kad ïa ki bneng, ba men da wan hiar, ba ki lum kin tuid noh ha khmat jong me;

JEREMAÏAH 4:24

Nga la ïohi ïa ki lum bah, te ha khmih, ki la khynñiuh, bad ki lum rit baroh ki la khih ñiur.

HABAKKUK 3:6

U la ïeng, te u la thew ïa ka khyndew; u la khmih, te u la pynsakma ïa ki jaid bynriew: bad ïa ki lum bah bymjukut la pynsaphred, ki la dem ngon ki lum kiba neh junom; ki lynti jong u ki long kumba mynbarim.

SEKHARAÏAH 14:5

Te phin ïoh phet noh na kata ka them ki lum jong nga; naba kata ka them jong ki lum kan kot haduh Asel: shisha, phin phet ïap noh, kumba phi la phet ïap noh na kata ka jingkhynñiuh jumai ha ki sngi u Ussiah u syiem ka Judah: bad U Trai U Blei jong nga un wan, bad kita ki bakhuid baroh lem bad me.

MATHAÏOS 24:7

Naba ka kynja bynriew kan ïeng ïaleh ïa ka kynja bynriew, bad ka hima ruh ïa ka hima; bad kin long ki 'nemsniew bad ki jingïapthem ruh, bad ki jingkhynñiuh jumai ha shibun ki jaka.

DEUTERONOMI 33:2

U la ong ruh, “U Trai u la mih noh na Sinai, bad u la ïeng na Seir ha ki; u la tyngshaiñ noh na u lum Paran, bad u la wan lem bad ki shiphew hajar ki riewkhuid: ha ka kti kamon jong u la don ka hukum ba-meh ding ha ki.

DEUTERONOMI 4:36

Na bneng u la pynsngew ïa ka ktien jong u ha me, ba un ïoh hikai ïa me: bad ha ka pyrthei ruh u la pyni ïa me ïa ka ding bakhraw jong u; bad me la ïohsngew ïa ki ktien jong u ruh napdeng kata ka ding.

DEUTERONOMI 5:22

“Ïa kine ki ktien, U Trai u la kren ha ka jingïaseng lang jong phi baroh ha uta u lum napdeng kata ka ding, na uta u lyoh, bad na kata ka jingdum tliw tliw, da ka jingsawa bajam: bad um shym la kren shuh nalor kata. Bad u la thoh ruh ïa ki ha ki ar tylli ki maw lyngkniap, bad u la ai ïa ki ha nga.

DEUTERONOMI 5:4

U Trai u la ïakren markhmat bad phi ha uta u lum napdeng kata ka ding,

2 THESSALONI 1:7

te ïa phi kiba shah jynjar, ïa ka jingjahthait lem bad ngi, ha kata ka jingpynpaw ïa U Trai Jisu na bneng lem bad ki angel ka bor jong u,

2 THESSALONI 1:8

ha ka ding ba-meh, u da pynhiar kput ha kita ki bymithuh ïa U Blei, bad ha kita ki bymkohnguh ïa ka gospel ka jong U Trai Jisu jong ngi;

HEBRU 12:18

Namar phim shym wan ha u lum ïa uba lah ban tba, bad ba la ing da ka ding, bad ha ka jingïong, bad ha ka jingdum, bad ha ka 'erïong,

HEBRU 12:26

uba kata ka ktien jong u mynkata ka la pynkhih ïa ka khyndew; hynrei, mynta, u la kular, u da ong: “Sa shi wat shuh ngan pynkhynñiuh ym tang ïa ka khyndew, hynrei, ïa ka bneng ruh.”

2 PETROS 3:10

Hynrei, kata ka sngi U Trai kan wan kum u nongtuh; ha kaba kita ki bneng kin leit noh bur, bad ki jor tynrai da kaba thang rhem kin um noh, bad ïa ka khyndew bad ïa kita ki jingleh ba don ha ka, yn thang duh.

JINGPYNPAW 15:8

Te la pyndap ïa kata ka templ da ka tdem na ka burom U Blei, bad na ka borbah jong u; te uno uno ruh um lah ban leit bsut sha kata ka templ, tad ynda la pyndep ïa kita ki hynñiew ki jingïapthem jong kita ki hynñiew angel.

JINGPYNPAW 9:2

Te u la plie ïa kata ka 'liewlong bakhlem trai; te ka la leit kiew ka tdem na kata ka 'liewlong, kum ka tdem ka lawar ding kaba khraw; te la pyndum ïa ka sngi bad ïa ka suiñbneng da ka tdem jong kata ka 'liewlong.

NONGBISHAR 5:5

Ki lum ki la um noh ha khmat U Trai, wat uta u Sinai ha khmat U Trai, uba U Blei ki Israel.