EKSODOS 19:16 - KA BAIBL

¹⁶ Te ha kata ka sngi balai, mynstep eh, la don ki pyrthat bad ki leilieh, bad u lyoh u barben halor uta u lum, bad ka jingsawa ka turoi bajam eh; katba ki briew baroh ha ka jaka shong dara ki la ïakhynñiuh keiñ.

Khasi CL Bible (BSI)

¹⁶ Ha ka step jong ka sngi kaba lai, la don u pyrthat bad ka leilieh, u lyoh uba rben u la paw halor u lum, bad la ïohsngew ïa ka turoi kaba sawa jam. Baroh ki briew kiba don ha ka jaka sher dara ki la kyiuh da ka jingsheptieng.

EKSODOS 19:16 ပူးပေါင်းရင်းမြစ်များ

2 SAMUEL 22:10

U la pyndem ïa ki bneng ruh, bad u la wan hiar; bad ka jingdum tliw tliw ka la long hapoh ki sla'jat jong u.

2 KHRONIKL 5:14

Katba ki lyngdoh kim lah ïeng shuh ban shakri namar uta u lyoh: naba ka burom U Trai ka la pyndap ïa ka ïing U Blei.

Ka Kitab U Job 38:25

“Uei ba la pom nur ïa ka jingshlei um, lane ïa ka lynti ïa ka leilieh jong u pyrthat;

SALM 50:3

U Blei jong ngi un wan, bad un ym sngap jar: ka ding kan bam duh ha shuwa jong u, bad ka 'erïong kaba jur kan long baroh sawdong ïa u.

SALM 77:18

Ka jingsawa u pyrthat jong me ka la don ha ka lyer langthari; ki leilieh ki la pynshai ïa ka pyrthei: ka khyndew ka la khynñiuh bad ka la khih.

SALM 81:8

To sngew, ko phi ki briew jong nga, te ngan phla ha phi: Ko Israel, lada men shahshkor ïa nga?

SALM 97:4

Ki leilieh jong u ki la pynshai ïa ka pyrthei: ka khyndew ka la ïohi, bad ka la khynñiuh.

EKSODOS 19:11

bad ba kin khreh hamar ka sngi ka balai: namar ha kata ka sngi balai U Trai un sa wan hiar ha khmat u paidbah baroh halor u lum Sinai.

EKSODOS 19:15

U la ong ruh ha u paidbah, “To long phi kiba la khreh ha ka sngi ka balai: wat leit phi ha la ki tnga.”

EKSODOS 19:17

Bad u Moses u la wallam noh ïa u paidbah na kata ka dara ïa ka ban ïashem bad U Blei; te ki la ïaïeng ha trai uta u lum.

EKSODOS 19:9

Bad U Trai u la ong ha u Moses, “Ha khmih, ngan wan ha me ha u lyoh ba-dum, ba u paidbah un ïohsngew haba nga kren bad me, bad ba un ngeit ïa me ha la ka rta.” Bad u Moses u la ïathuh ïa kita ki ktien jong u paidbah ha U Trai.

EKSODOS 20:18

Uta u paidbah baroh te u la ïohi ïa kita ki pyrthat, bad ïa kita ki leilieh, bad ïa kata ka jingsawa ka turoi, bad ïa uta u lum u da mih tdem: te haba uta u paidbah u la ïohi, u la kynriah noh, bad u la ïeng noh na sha jngai.

EKSODOS 20:21

Uta u paidbah te u la ïaïeng na sha jngai, bad u Moses u la nang jan sha kata ka jingdum ha kaba U Blei u la don.

EKSODOS 40:34

Ynda kumta, uta u lyoh u la tap lup ïa ka ïingjaiñ ka jingïaseng, bad ka burom U Trai ka la pyndap ïa kata Ka Tabernakl.

EKSODOS 9:23

Bad u Moses u la kner ïa la u diengduh sha bneng: bad U Trai u la phah da ki pyrthat bad da u phria, bad ka ding ruh ka la nang pur halor ka khyndew; bad U Trai u la pynhap ïa u phria halor ka ri Ijipt.

JEREMAÏAH 5:22

Phim sheptieng du ïa nga?’ ” ong U Trai: “phin ym khih khynñiuh ha khmat jong nga, uba la buh ïa u shyiap ban long pud ïa ka duriaw da ka hukum baïaineh, ba kam lah ryngkang shuh ïa u? bad la ki jingat phyllung jong ka ki kynting ïa lade, pynban, kim lah jop; la ki kyrhuh, pynban, kim lah ban palat ïa u.

NAHUM 1:3

U Trai u long uba tud ban bitar, bad uba khraw ka bor, bad un ym pynksan ïa u bymman da lei lei: U Trai u don la ka lynti ha ka lyer langthari bad ha ka 'erïong, bad ki lyoh ki long ka 'dewmet ki sla'jat jong u.

MATHAÏOS 24:31

Un phah noh ruh ïa ki angel jong u da ka jingsawa bakhraw ka turoi, bad kin ïalum lang ïa kiba la jied jong u na ki saw lyer, naduh ki bakut ki bneng haduh ki bakut jong ki.

DEUTERONOMI 5:5

(nga la ïeng hapdeng U Trai bad phi ha kata ka por, ïa ka ban pyni ha phi ïa ka ktien U Trai: naba phi la sheptieng ïa kata ka ding, bad phim shym ïatreh ban leit kiew sha uta u lum); u da ong,

HEBRU 12:21

Te kata ka jingipaw ka la long kaba itieng katta katta, katba u Moses u la ong, “Nga sheptieng shikatdei eh bad nga khynñiuh:”

JINGPYNPAW 1:10

Nga la long ha U Mynsiem ha ka sngi U Trai, bad nga la ïohsngew na shadien jong nga ïa ka ktien bajam kum ka turoi,

JINGPYNPAW 11:19

Te la plie ïa ka templ U Blei ha bneng; bad la ïohi ïa ka synduk ka jutang jong u ha kata ka templ jong u; bad la don ki leilieh, bad ki jingsawa, bad ki pyrthat, bad ka jingkhynñiuh jumai, bad u phria bakhraw.

JINGPYNPAW 4:1

Hadien kine kiei kiei ruh, nga la khmih, te ha khmih, ka jingkhang ïa kaba la plie ha bneng; bad kata ka ktien sawa ka banyngkong ïa kaba nga la ïohsngew kum ka turoi ka da kren bad nga, ka da ong, “To ale kiew shane, bad ngan pyni ha me ïa kiei kiei ruh kiba dei ban jia long hadien kane.”

JINGPYNPAW 4:5

Bad na kata ka khet ki mih noh ki leilieh bad ki jingsawa bad ki pyrthat. Bad la don hynñiew ki sharak ding bathang ha khmat kata ka khet, kiba long kita ki hynñiew ki mynsiem U Blei.

JINGPYNPAW 8:5

Bad uta u angel u la shim ïa kata ka pliang bathang iwbih, bad u la pyndap ïa ka da ka ding na kata ka duwan, bad u la bred ïa ka shalor ka khyndew; te la long ki pyrthat bad ki jingsawa bad ki leilieh, bad ka jingkhynñiuh jumai.