EKSODOS 19:12 - KA BAIBL

¹² Men buh ruh ïa ki pud ïa u paidbah baroh sawdong, da ong, ‘To sumar ïa lade, ba phin ym kiew sha uta u lum, lane ktah ïa ki rud jong u: uno uno ruh uba ktah ïa uta u lum yn pynïap shisha ïa u;

Khasi CL Bible (BSI)

¹² Buh dak sawdong uta u lum khnang ba ki briew kim dei ban jam palat, bad ong ïa ki ba kin ym leit kiew sha u lum, lane wat ban leit tur sha jan jong u. Lada uno uno u leit ïuhkjat ha u lum, yn pynïap ïa u;

EKSODOS 19:12 ပူးပေါင်းရင်းမြစ်များ

EKSODOS 10:28

Te u Pharaoh u la ong ha u, “Khie leit noh na nga, to sumar ïa lade, ba phin ym ïohi ïa ka khmat jong nga shuh; naba ha kata ka sngi ba men ïohi ïa ka khmat jong nga, men ïap.”

EKSODOS 19:21

Bad U Trai u la ong ha u Moses, “To leit hiar, to hukum skhem ïa ki briew, ba ïoh kin tur lyngba ha U Trai ban khmih shaiñ, bad ba ïoh bun na ki kin ïap noh.

EKSODOS 19:23

Te u Moses u la ong ha U Trai, “U paidbah um lah ban wan kiew sha u lum Sinai: naba me la hukum skhem ïa ngi, da kaba ong, ‘To buh ki pud sawdong ïa u lum, to pynkyntang ruh ïa u.’ ”

EKSODOS 24:2

Te tang u Moses hi un wan hajan ïa U Trai; hynrei, ki, kin ym wan hajan, lymne uta u paidbah un ym leit lem bad u.”

EKSODOS 34:12

To sumar ïa lade, ba men ym thaw ïa ka jutang bad ki trai-shnong jong kata ka ri sha kaba me leit, ïoh ba kan long ka jingriam hapdeng jong me.

EKSODOS 34:3

Wat ai ba uno uno u briew ruh un wan kiew ryngkat bad me, lymne wat shah ba yn ïohi ïa uno uno u briew halor uta u lum baroh; lymne wat shah ïa ki kynhun langbrot lymne ïa ki jingri ban bam phlang ha khmat uta u lum.”

DEUTERONOMI 2:4

To men hukum ïa u paidbah, da kaba ong, “Phin ïaid lyngba ïa ki rud jong ki para jong phi, ki khun u Iso, kiba ïashong sah ha Seir; te kin sheptieng ïa phi: namar kata, to phin sumar biang ïa lade:

DEUTERONOMI 4:9

“Tang ba men sumar ïa lade, bad sharai minot bha ïa la ka mynsiem, ïoh ba men klet ïa kine kiei kiei kiba ki khmat jong me ki la ïohi, bad ïoh ba kin kynriah noh ruh na ka dohnud jong me, baroh ki sngi ka rta jong me; hynrei, to hikai ïa ki ha la ki khun shynrang, bad ha ki khun shynrang ki khun shynrang jong me keiñ;

HEBRU 12:18

Namar phim shym wan ha u lum ïa uba lah ban tba, bad ba la ing da ka ding, bad ha ka jingïong, bad ha ka jingdum, bad ha ka 'erïong,

JOSHUA 3:4

Hynrei, phin kham pajih hapdeng jong phi bad ka, kumba ar hajar pruh da ka jingthew: wat wan hajan jong ka, ba phin tip ïa ka lynti da kaba phin ïaid; naba phim ju ïaid na kane ka lynti mynno mynno ruh.”