EKSODOS 19:11 - KA BAIBL

¹¹ bad ba kin khreh hamar ka sngi ka balai: namar ha kata ka sngi balai U Trai un sa wan hiar ha khmat u paidbah baroh halor u lum Sinai.

Khasi CL Bible (BSI)

¹¹ Ki dei ban sait ïa la ki jaiñkup bad ban long kiba la khreh la shi sngi. Ha kata ka sngi ngan wan hiar ha u Lum Sinai; ha kaba ki briew baroh kin ïohi ïa nga.

EKSODOS 19:11 ပူးပေါင်းရင်းမြစ်များ

JENESIS 11:5

Bad U Trai u la wan hiar ïa ka ban khmih ïa kata ka nongbah bad ïa kata ka kut, ïa kaba ki la lah ïatei ki khun bynriew.

NEHEMAÏAH 9:13

Me la hiar halor u lum Sinai ruh, bad me la kren bad ki na bneng, bad me la ai ha ki, ïa ki jingbishar bahok bad ki rukom bashisha, ki aiñ bad ki hukum babha:

SALM 144:5

To pyndem ïa la ki bneng, A Trai, bad to hiar: to ktah ïa ki lum, te kin sa mih tdem.

SALM 18:9

U la pyndem ïa ki bneng ruh, bad u la wan hiar; ka jingdum kaba rben ka la don hapoh ki sla'jat jong u.

EKSODOS 19:16

Te ha kata ka sngi balai, mynstep eh, la don ki pyrthat bad ki leilieh, bad u lyoh u barben halor uta u lum, bad ka jingsawa ka turoi bajam eh; katba ki briew baroh ha ka jaka shong dara ki la ïakhynñiuh keiñ.

EKSODOS 19:18

Bad u lum Sinai u la mih tdem baroh uwei, namar U Trai u la hiar halor jong u ha ka ding; bad ka tdem jong u ka la kiew kum ka tdem ka lawar ding, bad uta u lum baroh uwei u la khynñiuh eh.

EKSODOS 19:20

U Trai te u la wan hiar halor u lum Sinai, halor ka khlieh uta u lum: te U Trai u la khot ïa u Moses sha khlieh uta u lum; u Moses u la leit kiew ruh.

EKSODOS 24:16

Bad ka burom U Trai ka la neh halor u lum Sinai, uta u lyoh te u la tap ïa u, hynriew sngi: te ha ka sngi ka bahynñiew, u la khot ïa u Moses napdeng uta u lyoh.

EKSODOS 24:17

Ka jingkhmih ka burom U Trai te ka la long kum ka ding kaba bam duh ha khlieh uta u lum ha khmat ki khun Israel.

EKSODOS 3:8

bad nga la wan hiar ma nga ban pyllait noh ïa ki na ka kti ki Ijipt, bad ban ïalam noh ïa ki na kata ka ri sha ka ri babha bad bakhraw, sha ka ri keiñ kaba tuid da ka dud bad ka ngap; sha ka jaka ki Kanaan, bad ki Hit, bad ki Amor, bad ki Peris, bad ki Hib, bad ki Jebus de.

EKSODOS 34:2

To khreh te hamar kaba mynstep, bad to wan kiew dang step sha u lum Sinai, bad to wan ha nga hangta ha kliar uta u lum.

EKSODOS 34:5

Bad U Trai u la wan hiar ha u lyoh, bad u la ïeng hajan jong u hangta, bad u la pynbna ïa ka kyrteng U Trai.

JINGKHEIÑ 11:17

Naba ngan wan hiar, bad ngan kren ha me hangta: bad ngan shim na kata ka mynsiem kaba don ha me, bad ngan buh ïa ka ha ki: kumta kin ïabah lem bad me, ïa ka jingkit jong kine ki briew, ba men ym bah marwei ïa ka.

ÏOANNIS 3:13

Te ym don uba la leit kiew sha bneng, hynrei, tang uta uba la wan hiar na bneng, U Khun u briew keiñ, uba don ha bneng.

ÏOANNIS 6:38

Naba nga la wan hiar na bneng, ym ba ngan ïoh leh ïa ka mon ka jong nga hi, hynrei, ïa ka mon ka jong uta uba la phah ïa nga.

DEUTERONOMI 33:2

U la ong ruh, “U Trai u la mih noh na Sinai, bad u la ïeng na Seir ha ki; u la tyngshaiñ noh na u lum Paran, bad u la wan lem bad ki shiphew hajar ki riewkhuid: ha ka kti kamon jong u la don ka hukum ba-meh ding ha ki.

DEUTERONOMI 4:10

kham tam keiñ ïa kata ka sngi mynba me la ïeng ha khmat U Trai uba U Blei jong me ha Horeb, mynba U Trai u la ong ha nga, ‘To ïalum lang ha nga ïa u paidbah, ba ngan ïoh pynsngew ha ki, ïa ki ktien jong nga, ba kin ïoh tip ban sheptieng ïa nga, baroh ki sngi ba kin ïoh im ha ka pyrthei, bad ba kin ïoh hikai ïa ki ha la ki khun ruh.’

JOSHUA 3:5

Te u Joshua u la ong ha u paidbah, “To pynkyntang ïa lade; namar lashai U Trai un leh ïa ki jingphylla hapdeng jong phi.”