EKSODOS 18:26 - KA BAIBL

²⁶ Bad kita ki la ïabishar ruh ïa u paidbah ha la ka sngi: te ïa kita ki kam kiba jur ki la ïawallam ha u Moses, hynrei, ïa ki kam ki barit baroh ki la ïabishar hi.

Khasi CL Bible (BSI)

²⁶ Ki la shakri kum ki nongbishar na ka bynta u paidbah ha ki por baroh, da kaba wallam ïa ki kam kiba eh sha u Moses hynrei ki bishar hi ïa ki jingïakajia kiba rit.

EKSODOS 18:26 ပူးပေါင်းရင်းမြစ်များ

1 SYIEM 10:1

Te haba ka syiem Sheba ka la ïohsngew ïa ka nam u Solomon shaphang ka kyrteng U Trai, ka la wan ban tynjuh ïa u da ki jingkylli kiba eh.

Ka Kitab U Job 29:16

Nga la long u kpa ha u bakyrduh: bad ka kam jong uta uba ngam shym la ithuh nga la tohkit bha.

EKSODOS 18:22

To ai ruh ba kine kin ïabishar ïa ki briew ha la ka sngi: te ïa ki kam kiba jur baroh kin ïawallam ha me, hynrei, ïa ki kam ki barit kin ïabishar hi: kumta kan long kham suk ïa me hi, ma ki ruh kin ïakit lem bad me ïa ka jingkit.

LEBITIKOS 24:11

bad u khun ka kynja Israel u la krenbeiñ ïa ka Kyrteng U Trai, bad u la tim: ynda kumta, ki la wallam ïa u ha u Moses. Bad ka kyrteng ka kmie jong u ka la long “ka Shelomith”, ka khun u Dibri, na ka jaid Dan.

DEUTERONOMI 1:17

Wat ñiew shiliang khmat ha ka jingbishar; hynrei, phin sngap ïa u barit kum ïa u bakhraw; phin ym sheptieng ïa ka khmat u briew; namar kata ka jingbishar ka long ka jong U Blei: te ïa ka kam kaba kham eh ïa phi to wallam ha nga, bad nga ngan sngap ïa kata keiñ.’

DEUTERONOMI 17:8

“Lada kan mih kaei kaei ruh ka kam ba kham eh ïa me ha ka jingbishar, hapdeng ka snam bad ka snam, hapdeng ka jingdawa bad ka jingdawa, bad hapdeng kaba shoh bad kaba shoh, ha ki kynja ki jingïakajia keiñ hapoh ki khyrdop jong me: ynda kumta men ïeng, bad men leit kiew ruh sha kata ka jaka ïa kaba U Trai uba U Blei jong me un jied;