EKSODOS 18:23 - KA BAIBL

²³ Lada men leh ïa kane, bad U Blei ruh un hukum ïa me kumta, te men long uba lah ban shah, bad une u paidbah baroh ruh un leit sha la ka jaka ha kaba suk.”

Khasi CL Bible (BSI)

²³ Lada phi leh ïa kane, kumba U Blei u hukum, phin ym pynthait ïa lade, bad kine ki briew baroh ki lah ban leit sha ïing hadien ba la bishar ïa ki jingïakajia jong ki.”

EKSODOS 18:23 ပူးပေါင်းရင်းမြစ်များ

JENESIS 18:33

Hadien kata, U Trai u la leit noh haba u tang shu la lah wai ïakren bad u Abraham: bad u Abraham ruh u la leit phai noh sha la ka jaka.

JENESIS 30:25

Ka la jia ruh, ynda ka Rakhel ka la kha ïa u Joseph, ba u Jakob u la ong ha u Laban, “To phah noh ïa nga, khnang ba ngan ïoh leit sha la ka jaka, bad sha la ka ri.

2 SAMUEL 18:3

Hynrei, u paidbah u la ïathuh, “Me men ym mih: namar lada ngin phet ïap, kin ym suidñiew ïa ngi; bad lada ngin ïap ma ngi marshiteng, kin ym suidñiew ïa ngi: hynrei, me, me long kum shiphew hajar na ngi: namar kata te, ka kham bha ïa me ban long ka jingïarap ïa ngi na kane ka shnong.”

2 SAMUEL 19:39

Bad u paidbah baroh u la leit sha shiliang ka Jordan, u syiem ruh u la leit sha shiliang: bad u syiem u la doh ïa U Barsillai, bad u la kyrkhu ïa u; te u la leit wan noh sha la ka jong ka jaka.

2 SAMUEL 21:17

Hynrei, u Abishai u khun ka Seruïah u la ïarap ïa u, bad u la shoh ïa u Philistia, bad u la pynïap ïa u. Namar kata, ki rangbah u Dabid ki la smai ha u, ki da ong, “Men ym ïoh mih shabar shuh bad ngi sha ka thma, ïoh ba men pynlip ïa ka sharak jong ki Israel.”

EKSODOS 16:29

Phi ïohi ba U Trai u la ai ha phi ïa ka Sabbaton, namar kata, u la ai ha phi ha ka sngi ka bahynriew ïa kaba ar sngi u kpu; to shong uwei uwei u briew ha la ka jaka, ha ka sngi ka bahynñiew, to wat ai ban mih mano mano ruh na la ka jaka.”

EKSODOS 18:18

Shisha men sa duh bor noh, ma me hi, bad une u paidbah ruh uba don lem bad me: naba kane ka kam ka kham khia ïa me; mem don bor ban leh ïa kane weibriew.

EKSODOS 18:22

To ai ruh ba kine kin ïabishar ïa ki briew ha la ka sngi: te ïa ki kam kiba jur baroh kin ïawallam ha me, hynrei, ïa ki kam ki barit kin ïabishar hi: kumta kan long kham suk ïa me hi, ma ki ruh kin ïakit lem bad me ïa ka jingkit.

EKSODOS 18:24

Kumta, u Moses u la sngap ïa ka ktien u kthaw kurim jong u, u la leh ruh ïa kita baroh ïa kiba u la ong.

KI KAM 15:2

Te ynda u Paul bad u Barnabas ki la ïa-pyneh bad ki la ïasaid bad ki ym khyndiat, ki parabangeit ki la ïakut ba u Paul bad u Barnabas, bad kiwei de na ki, kin leit kiew sha Jerusalem ha ki apostol bad ki tymmen basan shaphang kane ka jingïasaid.

GALATIA 2:2

Te nga la leit kiew da ka jingpynpaw; bad nga la buh ha khmat jong ki, ïa kata ka gospel kaba nga ïalap hapdeng ki Jentil, hynrei, kyrpang ha khmat kita kiba donnam, ïoh ba kumno re kumno nga phet, ne ba nga la lah phet lehnohei.

1 SAMUEL 8:22

Bad U Trai u la ong ha u Samuel, “To shahshkor ïa ka ktien jong ki, bad to thung da u syiem halor jong ki.” Bad u Samuel u la ong ha kita ki rangbah Israel, “To khie leit uwei pa uwei baroh sha la ka shnong ka shnong.”