EKSODOS 18:19 - KA BAIBL

¹⁹ To sngap mynta ïa ka ktien jong nga, ngan ai ka jingsneng ïa me, bad U Blei un long ryngkat bad me: To long ma me na ka bynta ki briew ha khmat U Blei, ba men ïoh wallam ïa ki kam jong ki sha U Blei:

Khasi CL Bible (BSI)

¹⁹ Mynta shah ngan ai buit lem ïa phi, bad U Blei un don lem bad phi. Ka long kaba dei ba phin mihkhmat ïa kine ki briew ha khmat U Blei, bad ban leit rah ïa ki jingïakajia jong ki sha u.

EKSODOS 18:19 ပူးပေါင်းရင်းမြစ်များ

JENESIS 39:2

Bad U Trai u la don ryngkat bad u Joseph, bad u la long u briew ba man bha eh; bad u la shong ha ïing uta u kynja Ijipt u kynrad jong u.

2 SAMUEL 14:17

Ka shakri jong me te ka la ong, ‘Nga kyrpad ïa me, to ka ktien u syiem kynrad kan long ïa ka ban pyntngen’: naba u syiem kynrad u long kum u angel U Blei, ïa ka ban sngap ïa ka babha bad ïa ka basniew: bad U Trai U Blei jong me to un long lem bad me.”

EKSODOS 18:15

Te u Moses u la ïathuh ha la u kthaw kurim, “Namar ba ki briew ki ju ïawan ha nga ban ïakylli na U Blei;

EKSODOS 18:20

men hikai ruh ha ki, ïa ki rukom bad ki hukum, bad men pyni ha ki, ïa ka lynti ha kaba ki dei ban ïaid, bad ïa ki kam ïa kiba ki dei ban leh.

EKSODOS 18:24

Kumta, u Moses u la sngap ïa ka ktien u kthaw kurim jong u, u la leh ruh ïa kita baroh ïa kiba u la ong.

EKSODOS 20:19

Ki la ïa-ong ruh ha u Moses, “To kren ma me ha ngi, te ngin sngap: hynrei, wat ai ba U Blei un kren ha ngi, ïoh ngi ïap.”

EKSODOS 3:12

U te u la ong, “Shisha ngan long lem bad me; bad kane kan long ka dak ïa me, ba ma nga hi nga la phah ïa me: ynda me la ïalam noh ïa ki briew jong nga na ka ri Ijipt, phin ïoh shakri ïa U Blei halor une u lum.”

EKSODOS 4:12

Namar kata, to leit mynta, bad nga ngan long lem bad ka shyntur jong me, bad ngan hikai ïa me ïa kaei ba men kren keiñ.”

EKSODOS 4:16

Bad un long u nongpynkren jong me ha u paidbah: kumta, ma u shisha un long kum ka shyntur ïa me, bad ma me ruh men long kum U Blei ïa u.

PROBERB 9:9

To ai jinghikai ïa u bastad, te un nang kham stad: to hikai ïa u bahok, te un nang roi ha ka jinghikai.

JINGKHEIÑ 27:5

Te u Moses u la wallam ïa ka jingdawa jong ki ha khmat U Trai.

MATHAÏOS 28:20

da hikai ïa ki ban sumar ïa kiei kiei baroh kat kiba nga la hukum ïa phi. Ha khmih ruh, nga, nga long ryngkat bad phi ha la ka sngi, haduh kaba wai noh ka pyrthei.”

DEUTERONOMI 20:1

“Haba me leit ïaleh thma ïa ki nongshun jong me, bad ba me ïohi ïa ki kulai, bad ïa ki kali ïapom, bad u paidbah uba kham bun ban ïa me, to wat sheptieng ïa ki: namar U Trai uba U Blei jong me, uba la wallam noh ïa me na ka ri Ijipt, u long ryngkat bad me.

DEUTERONOMI 5:5

(nga la ïeng hapdeng U Trai bad phi ha kata ka por, ïa ka ban pyni ha phi ïa ka ktien U Trai: naba phi la sheptieng ïa kata ka ding, bad phim shym ïatreh ban leit kiew sha uta u lum); u da ong,

JOSHUA 1:9

Hato ngam shym la hukum ïa me? To long uba khlaiñ bad uba shlur bha; wat tieng, lymne wat kyiuh: namar U Trai U Blei jong me u don ryngkat bad me kat sha kaba me leit.”