EKSODOS 18:12 - KA BAIBL

¹² Te u Jethro, u kthaw kurim u Moses, u la shim ïa ka jingainguh thang bad ïa ki jingkñia ainguh ïa U Blei: bad u Aaron u la wan lem bad ki tymmen basan ki Israel baroh, ïa ka ban bam kpu lem bad u kthaw kurim u Moses ha khmat U Blei.

Khasi CL Bible (BSI)

¹² Nangta u Jethro u la wanrah ïa ka jingainguh ban thang tylli bad ïa kiwei kiwei de ki jingainguh ban ai jingkñia sha U Blei; bad u Aaron lem bad nongïalam jong ki Israel baroh ki la ïaleit bad u ban bam ïa ka jingbam kaba kyntang kum ka dak ka jingmane ïa U Blei.

EKSODOS 18:12 ပူးပေါင်းရင်းမြစ်များ

JENESIS 12:7

Bad U Trai u la mihpaw ha u Abram, u da ong, “Ha u symbai jong me ngan ai ïa kane ka ri”: bad hangta u la tei ïa ka duwan ha U Trai uba la lah mihpaw ha u.

JENESIS 26:25

Bad u la tei ïa ka duwan hangta, bad u la khot kyrpad ïa ka kyrteng U Trai, bad u la pynïeng ïa la ka ïingtrep ruh hangta: bad hangta ki shakri jong u Isaak ki la ïatih ïa ka pukri.

JENESIS 26:30

Bad u la thaw ïa ka jingkhawai ïa ki, bad ki la ïabam ki la ïadih ruh.

JENESIS 31:54

Ynda kumta, u Jakob u la pynïap doh halor uta u lum, bad u la khot ïa la ki para shynrang ïa ka ban ïabam ïa kata ka jingbam: bad kumta ki la ïabam bad ki la ïasah baroh shi miet ha uta u lum.

JENESIS 4:4

Bad u Abel ruh, u la wallam na kiba la kha nyngkong ka kynhun jong u, bad na kiba kham sngaid na ki ruh. Te U Trai u la khmih hun ha u Abel bad ha ka jingainguh jong u:

JENESIS 43:25

Ki te ki la ïa-pynkhreh ïa la ka jingai ïa ka jingwan u Joseph ha kaba shiteng sngi: naba ki la ïohsngew ba kin sa ïoh bam jingbam hangta.

JENESIS 8:20

Bad u Noah u la tei ïa ka duwan ha U Trai; bad u la shim na ki mrad bakhuid baroh, bad na ki kynja sim bakhuid baroh, bad u la ainguh da ki jingainguh thang halor kata ka duwan.

2 SAMUEL 9:7

Bad u Dabid u la ong ha u, “Wat sheptieng: naba ngan leh isynei keiñ ïa me shisha na ka bynta u Jonathan u kpa jong me, bad ngan ai noh pat ha me ïa ka khyndew baroh ka jong u Saul u kpa jong me; bad men ïoh bam kpu ha ka miej jong nga ha la ka sngi.”

2 KHRONIKL 30:22

Bad u Hesekaïah u la kren sngewbha ha ki Lebi baroh kiba la nang bha ha ka jingshakri ïa U Trai. Kumta, ki la bam ha Ka Jingkhawai, baroh hynñiew sngi, ki da ainguh ki jingkñia bapynïasuk, bad ki da pynlong ka jingphla ha U Trai, U Blei ki kpa jong ki.

Ka Kitab U Job 1:5

Te haba la dep kita ki sngi ka jingkhawai jong ki, ynda kumta u Job u la ju phah bad u la pynkhuid ïa ki, bad u la khie dang step, bad u la ainguh da ki jingainguh thang katba kum ka jingkheiñ jong ki baroh: naba u Job u la ong, “Ki khun shynrang jong nga lehse ki la leh pop, bad ki la kyntait ïa U Blei ha la ka dohnud.” Kumta u Job u la ju leh ha la ka sngi.

Ka Kitab U Job 42:11

Ynda kumta, ki la wan ha u ki para shynrang jong u baroh, bad ki para kynthei jong u baroh, bad kita baroh kiba ïa-ithuh ithaw bad u mynshuwa, bad ki la ïabam kpu bad u ha ka ïing jong u: bad ki la ïa-isynei lem bad u, bad ki la ïapyntngen ïa u shaphang kata ka jingsniew baroh kaba U Trai u la wallam halor jong u: u briew baroh u la ai ruh ha u mar shi dkhot u sbai, bad uwei uwei baroh mar kawei ka sa'ti ksiar.

Ka Kitab U Job 42:8

Mynta, namar kata, to shim ha phi hynñiew tylli ki masi dab bad hynñiew tylli ki langbrot shynrang, bad leit sha u shakri jong nga u Job, bad to ainguh na ka bynta ïa lade ïa ka jingainguh thang; te u shakri jong nga u Job un duwai na ka bynta jong phi; namar ïa u ngan pdiang sngewbha, ba ngan ym leh ha phi katba kum ka jingbieit jong phi; naba phim shym kren ïa kata kaba dei shaphang jong nga, kumba u la leh u shakri jong nga u Job.”

EKSODOS 18:13

Te ha kaba lashai, u Moses u la shong ban bishar ïa u paidbah: bad uta u paidbah u la ïaïeng hajan u Moses naduh mynstep haduh ba la ïongreiñ.

EKSODOS 2:16

Te u lyngdoh ka ri Midian u la don hynñiew ngut ki khun kynthei: bad kita ki la wan tong um, bad ki la pyndap ïa ki shyngoid ïa ka ban ai um ïa ki kynhun langbrot u kpa jong ki.

EKSODOS 2:20

Te u la kylli ïa la ki khun kynthei, “Shano te u don? balei phi la iehnoh ïa uta u rangbah? to khot ïa u ban bam jingbam.”

EKSODOS 20:24

Men thaw ïa nga ka duwan da ka khyndew, bad men kñia ïa ki jingainguh thang, bad ïa ki jingkñia bapynïasuk jong me halor jong ka, ïa ki langbrot jong me, bad ïa ki masi dab jong me: ha ki jaka baroh ha kiba nga buh ïa ka jingpynkynmaw ïa ka kyrteng jong nga, ngan wan sha me, bad ngan kyrkhu ruh ïa me.

EKSODOS 24:11

Te halor kita ki bakhraw batri jong ki khun Israel um shym la buh ïa la ka kti: hynrei, ki la ïohi keiñ ïa U Blei, te ki la ïabam ki la ïadih.

EKSODOS 24:5

Te u la phah ïa ki samla na ki khun Israel, kiba la kñia ïa ki jingainguh thang, bad ki la kñia da ki masi lyngraw ïa ka jingkñia bapynïasuk ha U Trai.

EKSODOS 3:1

Te u Moses u la dang ap ïa ka kynhun u Jethro u kthaw kurim jong u, uba u lyngdoh ka ri Midian: bad u la ïalam ïa kata ka kynhun sha lyndet ka ri khlaw, bad u la wan sha u lum U Blei, sha Horeb keiñ.

EKSODOS 33:7

Te u Moses u la ju rah noh ïa Ka Tabernakl u da pynïeng ïa ka shabar ka jaka shong dara, kham sha jngai na kata ka jaka shong dara; bad u la khot ïa ka, “Ka Tabernakl ka jingïaseng.” Te ka la jia, ba uno uno ruh uba wad ïa U Trai u la mih shabar sha kata Ka Tabernakl ka jingïaseng, kaba don shabar ka jaka shong dara.

DANIEL 10:3

Ngam shym bam jingbam babang, lymne ym shym la don ka doh lane ka Waiñ ha ka shyntur jong nga, lymne ngam shym sleh ïa lade satia, tad ynda la dap lai taïew.

JINGKHEIÑ 10:29

Te u Moses u la kren ha u Hobab, u khun u Reuel u nong Midian, uba u kthaw kurim jong u Moses, “Ngi ïaleit ha kata ka jaka ba U Trai u la kren shaphang jong ka, ‘Ha phi ngan ai ïa ka’: to wan ma me lem bad ngi, ngi ruh ngin leh bha ïa me; naba U Trai u la kren ïa ka babha shaphang ki Israel.”

LOUKAS 14:1

Ka la jia ruh, haba U la leit hapoh ka ïing uwei na ki nongsynshar, uba na ki Pharisi, ban bam jingbam ha ka Sabbaton, ba ki la ïathap ïa U.

LOUKAS 14:15

Te haba uwei na kita kiba ïashong bam lem u la ïohsngew ïa kine kiei kiei, u la ong ha U, “Suk uta u ban bam jingbam ha ka hima U Blei!”

1 KORINTH 10:18

To khmih ïa ki Israel katba kum ka doh: kita kiba ïabam ïa ki doh kñia kim long kiba ïabynta na ka jong ka duwan?

1 KORINTH 10:21

Phim lah ban dih na ka khuri U Trai, bad na ka khuri ki ksuid: phim lah ban ïoh bynta na ka miej U Trai, bad na ka miej ki ksuid.

1 KORINTH 10:31

Namar kata, lada phi bam ne lada phi dih, ne lada phi leh ei ei ruh, to leh phi ïa kiei kiei baroh ïa ka ban pyndonburom ïa U Blei.

DEUTERONOMI 12:7

Hangta ruh, phin ïabam ha khmat U Trai uba U Blei jong phi, bad phin ïalehkmen ha kiei kiei baroh kiba phin ktah da la ka kti, ma phi bad ki ba-ha-ïing jong phi, ha kiba U Trai uba U Blei jong me u la kyrkhu ïa me.

DEUTERONOMI 27:7

bad men kñia ainguh ïa ki jingkñia bapynïasuk, bad men bam hangta; bad men leh kmen ha khmat U Trai uba U Blei jong me.