EKSODOS 18:11 - KA BAIBL

¹¹ Mynta nga tip keiñ, ba U Trai u long uba kham khraw ïa ki blei baroh: wat ha kata hi keiñ, ha kaba ki la ïaleh sarong eh halor jong ki.”

Khasi CL Bible (BSI)

¹¹ Mynta nga tip ba U Trai u kham khraw ban ïa ki blei baroh, namar u la leh ïa kane mynba ki nong Ijipt ki la lehbeiñ shaba palat ïa ki Israel.”

EKSODOS 18:11 ပူးပေါင်းရင်းမြစ်များ

1 SYIEM 17:24

Kata ka kynthei te ka la ong ha u Elijah, “Mynta nga tip ba me long u briew U Blei, bad ba ka ktien U Trai ha ka shyntur jong me ka long kaba shisha.”

2 SYIEM 5:15

Te u la leit phai sha u briew jong U Blei, ma u bad kiba bad u baroh, ki la wan, bad ki la ïeng ha khmat jong u: bad u la ong, “Ha khmih, mynta nga tip ba ym don U Blei ha ka pyrthei baroh, hynrei, tang ha Israel: nga kyrpad ïa me te namar kata, to shim ka jingai sngewbha na u shakri jong me.”

1 KHRONIKL 16:25

Naba u bakhraw long U Trai, bad ïa uba dei ïaroh eh: u long uba dei ruh ban sheptieng ïa u nalor ki blei baroh.

2 KHRONIKL 2:5

Bad ka ïing kaba nga thaw ka long kaba khraw: namar U Blei jong ngi u long u bakhraw tam ïa ki blei baroh.

NEHEMAÏAH 9:10

bad me la pyni ïa ki dak phylla bad ki jingphylla halor u Pharaoh, bad halor ki shakri jong u baroh, bad halor ki briew ka ri jong u baroh; namar me la tip ba ki la leh khraw halor ïa ki; bad me la ïoh nam ïa lade, kumba ha kane ka sngi.

NEHEMAÏAH 9:16

“Hynrei, ma ki bad ki kpa jong ngi ki la leh meng, bad ki la pyneh ïa la ka ryndang, bad kim shym la sngap ïa ki hukum jong me,

NEHEMAÏAH 9:29

bad me la phla pyrshah ïa ki, ba me lah ban pynwan pat ïa ki ha ki hukum jong me: pynban, ki la leh meng, bad kim shym la sngap ïa ki hukum jong me, hynrei, ki la leh pop pyrshah ïa ki jingbishar jong me, (kiba lada u briew un leh, un ïoh im ha ki,) bad ki la kynran ïa la ka tyrpeng, bad ki la pyneh ïa la ka ryndang, bad kim shym la sngap.

SALM 119:21

Me la sneng ïa kiba sarong ïa kiba la tim, kiba sakma na ki hukum jong me.

SALM 135:5

Naba nga tip ba U Trai u long u bakhraw, bad ba U Trai jong ngi u ha khlieh ki blei baroh.

SALM 31:23

A to ieit ïa U Trai, phi ki riewkhuid jong u baroh: U Trai u sumar ïa kiba ngeit, bad un ai nong kyrhai ïa ki nongleh sarong.

SALM 95:3

Naba U Trai u long U Blei u bakhraw, bad U Syiem u bakhraw halor ki blei baroh.

SALM 97:9

Naba me, A Trai, me long ha khlieh tam eh halor ka khyndew baroh: me long ba la kyntiew ha khlieh eh ki blei baroh.

EKSODOS 1:10

Ïa, ngin ïakham leh sian bad ki; ba ïoh kin ïaroi, bad haba kan mih ka thma, kan jia ba kin ïashah bad ki nongshun jong ngi, bad ïaleh bad ngi, te kumta kin leit mih noh na kane ka ri.”

EKSODOS 1:16

bad u la ong, “Haba phi leh ïa ka kam bat khun ha ki kynthei Hebru, bad ba phi khmih ïa ki haba ki dang kha; lada i long shynrang, te phin pynïap noh ïa u; hynrei, lada i long kynthei, te kan ïoh im.”

EKSODOS 1:22

Te u Pharaoh u la hukum ïa ki briew jong u baroh, u da ong, “Ïa ki khun shynrang baroh kiba yn kha to phin bred noh sha kata ka wah, hynrei, ïa ki khun kynthei baroh phin ri im.”

EKSODOS 10:3

Te u Moses bad u Aaron ki la ïawan ha u Pharaoh, bad ki la ong ha u, “Kumne u ong U Trai U Blei jong ki Hebru, ‘Slem katno ba men ym kohnguh ban pynrit ïa lade ha khmat jong nga? to pyllait noh ïa u paidbah jong nga, ba kin ïoh shakri ïa nga.

EKSODOS 12:12

Naba ngan ïaid lyngba ka ri Ijipt ha kane ka miet, bad ngan shoh ïap ïa u khun nyngkong baroh kiba ha ka ri Ijipt, u jong u briew bad u jong u mrad ruh; bad pyrshah ïa ki blei ka ri Ijipt ngan pynlong ïa ka jingbishar: ma nga, nga long U Trai.

EKSODOS 14:18

Ki Ijipt te kin sa tip ba ma nga, nga long U Trai, ynda nga la ïoh burom halor u Pharaoh, bad halor ki kali ïapom jong u, bad halor ki nongshong kulai jong u ruh.”

EKSODOS 14:8

Bad U Trai u la pyneh ïa ka dohnud u Pharaoh u syiem ka ri Ijipt, te u la beh nadien ki khun Israel: hynrei, ki khun Israel ki la ïamih noh da ka kti badonbor.

EKSODOS 15:11

“Uei uba kat ma me, A Trai, hapdeng ki blei? uei uba kat ma me uba tyngshaiñ ha ka jingkhuid, uba itieng ha ki jingïaroh, uba leh ïa ki kam phylla?

EKSODOS 5:2

Bad u Pharaoh u la ong, “U Trai u long uei, ba ngan kohnguh ma nga ïa ka ktien jong u ïa ka ban pyllait noh ïa ki Israel? Ïa U Trai ngam ithuh, bad ïa ki Israel ngan ym pyllait noh keiñ.”

EKSODOS 5:7

“Wat ai 'langïap shuh ha kine ki briew ban thaw maw-it kumba baroh shi katta: to kin leit ïalum 'langïap ïa lade.

DANIEL 4:37

Mynta, nga, u Nebukhadnessar, nga ïaroh bad kyntiew nam bad pyndonburom ïa uta u syiem jong ka bneng; namar ki kam jong u baroh, ki long ka jingshisha, bad ki lynti jong u, ka jingbishar: bad ïa kiba ïaid ha ka jingsarong, u lah ban pynpoh.”

JINGKHEIÑ 33:4

namar kita ki Ijipt ki dang ïatep ïa ki khun nyngkong jong ki baroh, ïa kiba u la lah shoh U Trai hapdeng jong ki: bad U Trai u la buh ïa ki jingpynshitom halor ki blei jong ki ruh de.

LOUKAS 1:51

U pyni ïa ka borbah da ka ksangkti jong U; U pynsakma ïa kiba sarong ha ka jingmut ka dohnud jong ki:

JAKOB 4:6

Hynrei, u ai ïa ka jingaiei ba kham bun: naba kumta la ong: “U Blei u ïaleh pyrshah ïa kiba sngewkhraw, hynrei, ha kiba sngewrit u ai ka jingaiei.”

1 PETROS 5:5

Kumjuh, phi ki samla, to kohnguh ha kiba kham tymmen. Hynrei, baroh to phin ïakup ïa ka jingsngewrit ïa ka ban shakri paralok hi: naba “U Blei u ïaleh pyrshah ïa kiba sngewkhraw, hynrei, ha kiba sngewrit u ai ka jingaiei.”

1 SAMUEL 2:3

Wat da kren sarong eh shuh; wat ai ban mih ka jingmeng na ka shyntur jong phi: namar U Trai u long U Blei ka jingtip, bad u ju thew ïa ki jingleh.